Daniel 2:37 - Nau Brah Ndu Ngơi 2023

³⁷ Ơ hađăch, may jêng hađăch ma phung hađăch; Brah Ndu klơ trôk ăn jêh ma may ƀon bri hađăch, nau dơi, nau ktang jêh ri nau chrêk rmah.

Daniel 2:37 ပူးပေါင်းရင်းမြစ်များ

I Phung Hađăch 4:24

Yorlah Y-Salômôn chiă uănh lĕ nkual mpeh nhâp nar dak krong Ơphrat jêh ri phung hađăch lĕ nkual nây, ntơm bơh Tipsa tât ma Gaxa, pôri lam puăn mpeh geh da dê nau đăp mpăn.

II Phung Hađăch 25:28

Hađăch ngơi ueh ndrel ma hađăch Y-Jêhôjachin, jêh ri ăn sưng hađăch păng klơ lơn ma phung hađăch êng gŭ jêh ndrel ma păng tâm ƀon Babilôn.

II Nau Rêh Jêng 36:23

“Y-Sirus, hađăch Persi lah pô aơ: ‘Yêhôva Brah Ndu klơ trôk, ăn jêh ma gâp lĕ rngôch ƀon bri hađăch ta neh ntu; Păng yơh đă gâp ndâk ăn ma Păng du rplay ngih brah ta ƀon Yêrusalem, tâm n'gor Yuđa. Pôri tâm phung khân may, mbu moh jêng phung ƀon lan Păng, hăn hao hom ma ƀon Yêrusalem. Dăn Yêhôva Brah Ndu gŭ ndrel ma păng!’”

Êsra 1:2

“Y-Sirus, hađăch Persi, lah: ‘Brah Yêhôva, Brah Ndu klơ lĕ ndâr trôk, ăn jêh lĕ rngôch bri dak lam ta neh ntu jêh ma gâp, jêh ri Păng nơm yơh hŏ ntăm jêh ma gâp ndâk ăn Păng du rplay ngih brah ta ƀon Yêrusalem, tâm n'gor Yuđa.

Êsra 7:12

“Artasersês, hađăch ma phung hađăch, nchih njuăl ma Y-Êsra, kôranh ƀư brah, jêh ri kôranh nchih samƀŭt, gĭt rbăng âk nau vay Brah Ndu klơ trôk. Ăn may dơi geh nau đăp mpăn ngăn!

Nau Mprơ Ơm 62:11

Brah Ndu hŏ lah jêh du tơ̆, Gâp hŏ tăng jêh nau aơ bar tơ̆, Pô aơ nau brah jêng ndơ Brah Ndu.

Nau Hôr 8:15

Tă bơh gâp, lĕ phung hađăch chiă uănh, Jêh ri lĕ phung kôranh chiă uănh ntrŭnh nau vay sŏng.

Êsai 10:8

Yorlah păng lah: “Mâu di hĕ phung kôranh tahan gâp jêng hađăch da dê?

Êsai 47:5

Ơ kon bu ur phung Kaldê, Gŭ rklăk hom, jêh ri rŭch ta ntŭk ngo! Yorlah bu mâu hôm mra rnha ay Jêng hađăch bu ur ma lĕ rngôch ƀon bri hađăch.

Yêrêmi 28:14

Yorlah Brah Yêhôva ma phung tahan, Brah Ndu Israel, lah: Gâp hŏ dơm jêh mâng mbăk loih ta trô ko lĕ rngôch bri dak aơ, gay ma khân pah kan Y-Nêbukatnetsar, hađăch Babilôn jêh ri khân păng hŏ pah kan ma hađăch nây. Nđâp ma mpô mpa bri tâm ndrêch Gâp ăt jao ăn ma hađăch nây.’”

Yêrêmi 34:1

Aơ jêng nau Brah Yêhôva lah ma Y-Yêrêmi rnôk Y-Nêbukatnetsar, hađăch Babilôn, ndrel ma lĕ rngôch phung tahan hađăch nây, lĕ rngôch bri hađăch ta neh ntu jêh ri lĕ rngôch ndŭl mpôl gŭ tâm dâng nau dơi chiă uănh hađăch nây, tâm lơh đah ƀon Yêrusalem jêh ri ƀon văr jŭm.

Êsêkiêl 26:7

Yorlah Kôranh Brah Yêhôva lah: ‘Aơ, Gâp mra njŭn leo Nêbukatnetsar, hađăch Babilôn, jêng hađăch ma phung hađăch, nđâp ma phung seh, ndeh seh, phung tahan ncho seh, ndrel ma phung tahan âk râk, ktang tă bơh bri lơ văch tât lơh ƀon Tyre.

Daniel 1:2

Kôranh Brah jao Y-Jêhôjakim, hađăch bri Yuđa, jêh ri ƀaƀă ndơ dŏng tâm ngih Brah Ndu tâm ti hađăch Nêbukatnetsar. Hađăch aơ djôt lĕ ndơ nây nglăp ta ngih brah păng tâm bri Sinar, jêh ri ăn tâm jay drăp brah păng.

Daniel 2:31

Ơ hađăch, aơ, may hŏ saơ jêh du mlâm rup toyh. Rup nây toyh ngăn jêh ri nchrat ang ngăn, gŭ dâk tanăp may, păng klach ngăn.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Daniel 4:19

Rnôk nây, Y-Daniel, ăt rnha Y-Beltisasar, mâu dơi ngơi tâm ƀât lât. Lĕ nau mĭn ƀư ma păng rŭng răng. Hađăch lah: “Hơi Y-Beltisasar, lơi ăn nau mbơi jêh ri nau rblang ƀư rŭng may ôh.” Y-Beltisasar plơ̆ lah: “Ơ kôranh gâp, ăn nau mbơi aơ tât ma phung tâm rmot ma may, jêh ri nau rblang prăp ma phung rlăng đah may!

Daniel 4:22

Ơ hađăch, tơm si nây jêng may yơh. Hađăch hŏ jêng toyh ktang jêh ri ndrŏng kuăng; nau dŭt prêh may n'hao tât ta klơ trôk, nau may dơi chiă uănh lăk dĭ tât ta nglĕ dŭt rplay neh.

Daniel 4:25

Bu mra nsot may tă bơh kon bunuyh jêh ri may mra gŭ ndrel mpô mpa bri tâm ndrêch. Bu mra ăn may sa gơ̆ nâm bu ndrôk jêh ri mra bĕ ma dak ngom bơh trôk; pơh gưl yan mra rgăn ta hađăch kŏ tât hađăch gĭt pô aơ Nơm Dŭt Prêh chiă uănh ƀon bri hađăch kon bunuyh jêh ri Păng ăn ma mbu nơm tĭng nau mĭn Păng ŭch.

Daniel 4:3

Ơ! Lĕ nau mbên klay Păng toyh ngăn ngên, Lĕ nau khlay Păng mâu blau ntĭt ôh! Ƀon bri hađăch Păng jêng ƀon bri hađăch n'ho ro, Nau Păng chiă uănh gŭ tâm lĕ rngôch rnôk.”

Daniel 4:32

Bu mra nsot may tă bơh ta nklang phung bunuyh jêh ri gŭ ndrel ma mpô mpa bri. Bu mra ăn may sa gơ̆ nâm bu ndrôk jêh ri lăn tâm pơh gưl kŏ may gĭt rbăng pô aơ Nơm Dŭt Prêh chiă uănh tâm ƀon bri hađăch kon bunuyh jêh ri ăn ma bu tĭng nau Păng nơm ŭch.”

Daniel 4:34

Tơlah lôch jêh nar nây, gâp, Y-Nêbukatnetsar, n'gơr măt ta klơ trôk, nau gĭt rbăng plơ̆ sĭt tay, gâp tâm rnê lah ueh ma Nơm Dŭt Prêh. Gâp mprơ tâm rnê jêh ri mât ton Nơm Rêh N'ho Ro. Nau dơi Păng chiă uănh jêng nau dơi n'ho ro, Ƀon bri hađăch Păng ntơm bơh rnôk aơ tât rnôk ri.

Daniel 5:18

Ơ hađăch, Brah Ndu Nơm Dŭt Prêh ăn jêh ƀon bri hađăch, nau dơi dŭt prêh, nau chrêk rmah, jêh ri nau rnam ăn ma mbơ̆ may jêng Y-Nêbukatnetsar.

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Ndrom Samƀŭt bơh Ôsê 8:10

Nđâp tơlah khân păng nkhôm âk gay tâm rnglăp đah lĕ bri dak Pôri abaơ ăt Gâp mra tâm rgum khân păng. Gay mâu jŏ đŏng ôh khân păng ntơm râm nsâr Tâm dâng bơh hađăch jêh ri phung kôranh chiă uănh.

Mathay 6:13

Lơi ta njŭn leo hên tâm nau ndơm ôh, Ƀiălah ăn May rklaih hên bơh nơm tih mhĭk! [Yor ma ƀon bri hađăch, nau brah, nau chrêk rmah jêng ndơ mbơ̆ n'ho ro. Amen.]’

Yôhan 19:11

Brah Yêsu plơ̆ lah: “Lah tă bơh klơ mâu ăn, may mâu geh nau dơi klơ Gâp ôh, mbu nơm jao Gâp ma may jêng geh nau tih jru lơn đŏng.”

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,

Nau Tâm Mpơl 17:14

Khân păng mra tâm lơh đah Kon Biăp jêh ri Kon Biăp mra dơi đah khân păng, yorlah Kon Biăp jêng hađăch ma phung hađăch, Kôranh Brah ma lĕ rngôch kôranh brah; jêh ri phung gŭ ndrel ma Păng, jêng phung bunuyh geh nau kuăl jêh, nau săch jêh, jêh ri gŭ răp jăp, ăt mra dơi.”

Nau Tâm Mpơl 19:16

Ta ao jêh ri ta tơm blu Păng geh nchih du amoh: HAĐĂCH MA PHUNG HAĐĂCH, KÔRANH BRAH MA PHUNG KÔRANH BRAH.

Nau Tâm Mpơl 4:11

“Ơ Brah Ndu jêng Kôranh Brah hên, Kôranh Brah khư sŏk dơn nau chrêk rmah, nau yơk jêh ri nau dơi, Yorlah Kôranh Brah rhăk njêng jêh lĕ rngôch ndơ, Jêh ri tĭng nâm Kôranh Brah ŭch lĕ rngôch ndơ jêng geh jêh ri May rhăk njêng jêh khân păng.”

Nau Tâm Mpơl 5:12

mprơ huy pô aơ: “Kon Biăp bu nkhĭt jêh Khư sŏk dơn nau dơi, nau ndrŏng, nau blau mĭn, Nau ktang, nau yơk, nau chrêk rmah jêh ri nau tâm rnê!”