Daniel 11:35 - Nau Brah Ndu Ngơi 2023

³⁵ Ƀaƀă tâm phung gĭt mĭn mra tŭp gay yor ma nây dơi jut lơi nau ƀơ̆, ƀư kloh jêh ri tho nglang ăn rnôk nglĕ dŭt, yorlah hôm gŭ kâp kŏ tât mông tâm nal jêh.

Daniel 11:35 ပူးပေါင်းရင်းမြစ်များ

II Nau Rêh Jêng 32:31

Ƀiălah tơlah phung mbơh hađăch Babilôn prơh hăn tât gay ôp ma nau mbên khlay hŏ geh jêh tâm n'gor păng, pôri Brah Ndu du, ƀât lât gay ŭch rlong uănh păng, jêh ri ŭch gĭt lĕ rngôch ntil nau tâm nuih n'hâm păng.

Nau Hôr 17:3

Glah gay krĕt prăk, năk gay krĕt mah, Ƀiălah Brah Yêhôva rlong uănh nuih n'hâm kon bunuyh.

Êsai 27:9

Pôri, yor nau pakơi aơ nau tih Yakôb bu mra yô̆, Jêh ri aơ jêng lĕ rngôch nau păng ƀư gay ma jut kloh nau tih păng: Ăn păng ƀư ma lĕ rngôch lŭ tâm nơng ƀư brah Plơ̆ jêng tâm ban ma lŭ klo lêk jêh, Lĕ rup brah Asêrim jêh ri lĕ nơng ƀư brah nhhơr ndơ ƀâu kah Mâu mra ndâk tay ôh.

Daniel 11:27

Bi ma bar hê hađăch nây, tâm nuih n'hâm ŭch mĭn ƀư mhĭk ndrăng khân păng nơm; khân păng gŭ ndrel du mlâm sưng sông sa ƀiălah khân păng tâm ngơi ma nau ndơm. Ƀiălah nau ngơi nây mâu jêng yorlah nau nglĕ dŭt mra tât tâm rnôk tâm nal jêh.

Daniel 11:29

Ta mông tâm nal jêh hađăch nây mra plơ̆ tay jêh ri hăn lăp ta mpeh pa dâng, ƀiălah nôk aơ mâu tâm ban ma nôk lor ôh.

Daniel 11:33

Lĕ phung gĭt blau tâm phung ƀon lan mra ntĭm nti âk bunuyh, nđâp lah tâm du năng ƀât lât, khân păng mra chôt prah yor ma đao jêh ri yor ŭnh hit, yor nau jêng bu nă jêh ri ma nau mra pit in.

Daniel 11:40

Ta rnôk nglĕ dŭt, hađăch mpeh pa dâng mra hăn tâm lơh đah hađăch mpeh pa lơ. Ƀiălah hađăch mpeh pa lơ djôt ndeh seh, phung tahan ncho seh jêh ri âk kumpăn hăn tâm lơh nâm bu phŭt chuănh. Hađăch nây hôm e hăn lơh lĕ bri dak, ler nâm bu dak lip.

Daniel 12:3

Phung gĭt rbăng mra nchrat nâm bu nau ang ta klơ trôk; jêh ri phung njŭn leo âk bunuyh tât ma nau sŏng srăng mra nchrat ang nâm bu phung mănh ƀaƀơ n'ho ro.

Daniel 12:4

Bi may, hơi Y-Daniel, nchăng hom nau aơ jêh ri tâp pŏng lơi ndrom samƀŭt aơ kŏ tât ta rnôk nglĕ dŭt. Âk bunuyh mra nsong ta aơ ta ri jêh ri nau gĭt rbăng mra hao lơn.”

Daniel 8:10

Păng văch ma toyh tât ma phung tahan tâm trôk, ƀư ăn ma du kô̆ tâm phung tahan jêh ri du kô̆ tâm phung mănh tŭp ta neh ntu, jêh nây jot plên klơ khân păng.

Daniel 8:17

Nơm nây, văch êp ro ntŭk gâp gŭ dâk. Saơ nơm nây tât, gâp klach ngăn jêh ri păn muh măt ta neh. Ƀiălah nơm nây lah ma gâp: “Hơi kon bunuyh, gĭt rbăng hom nau tâm saơ aơ di ma rnôk nglĕ dŭt.”

Daniel 8:19

jêh ri lah: “Aơ, gâp mra ăn may gĭt moh nau mra tât ta nglĕ dŭt nau ji nuih, yorlah nau nây di ma rnôk nglĕ dŭt tâm nal jêh.

Daniel 9:27

Kôranh nây mra ƀư nau tâm rnglăp nâp đah âk bunuyh tâm du pơh. Ƀiălah tât ta n'gul pơh nây, păng mra rlu lơi nau nhhơr mpa ƀư brah jêh ri nau nhhơr ndơ ƀư brah rnih môi. Nơm ƀư rai mra tât klơ năr lĕ nau ƀơ̆ ƀơch kŏ tât nau gưl ƀư rai nglĕ dŭt hŏ nal jêh klơ phung ƀư rai.”

Habakuk 2:3

Yorlah nau tâm saơ hôm e kâp rnôk tât geh nau tâm di; Păng văch gơnh hăn tât ntŭk nglĕ dŭt, mâu mƀruh ôh. Tơlah păng băt tât, ăn gŭ kâp ƀât; N'hêl nanê̆ păng mra tât, mâu mbrĕ mbrơi ôh.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Mathay 26:56

Ƀiălah lĕ rngôch nau aơ tât geh jêh gay nau phung nơm mbơh lor tâm Nau Brah Ndu Ngơi dơi tât di ngăn.” Dôl nây, lĕ rngôch phung oh mon chalơi Păng jêh ri nchuăt du.

Yôhan 15:2

Moh n'gĭng tâm Gâp mâu geh play, Păng koh mƀăr lơi, jêh ri lĕ n'gĭng geh play, Păng ƀư ueh, gay ma păng play âk lơn đŏng.

Yôhan 20:25

Phung oh mon êng lah ma păng: “Hên hŏ saơ jêh Kôranh Brah.” Ƀiălah Y-Thômas lah: “Lah gâp mâu saơ ôh têl kđĭn ta mpang ti Păng, lah gâp mâu lŏk ôh nglau ti gâp ta ntŭk têl kđĭn, jêh ri lah mpang ti gâp mâu bi ta ntŭk pŭng vĕ Păng, gâp mâu mra chroh ôh.”

Kôranh Oh Mon 13:13

Y-Pôl jêh ri phung băl păng jŭr ncho kumpăn ta ƀon Paphôs hăn tât ta ƀon Pergi tâm n'gor Pamphili. Ƀiălah Y-Yôhan tâm nkhah đah khân păng, plơ̆ sĭt ta ƀon Yêrusalem.

Nau Vay Nkah Tay 8:16

Tâm bri rdah Păng ăn ma khân may sa mana, ndơ sa phung chô yau khân may ê hŏ tă gĭt ôh, gay ma khân may dơn nau rêh ni ji ngot jêh ri nau rlong uănh, gay nglĕ dŭt ăn ma nau ueh uĭn ma khân may.

Yakơ 1:2

Hơi phung oh nâu gâp, ăn khân may kơp ma nau rlong uănh ăp ntil tât ma khân may tâm ban ma nau răm maak da dê,

Nau Tâm Mpơl 14:15

Du huê tông mpăr êng hăn luh tă bơh ngih brah, nter bâr huy kuăl ma Nơm gŭ tâm ndâr tŭk: “Yơr hom nhuĕ May luh jêh ri rek hom, yorlah yan rek tât jêh, yan kăch roih tâm neh ntu dŭm jêh.”

Nau Tâm Mpơl 17:17

Yorlah Brah Ndu ƀư ăn khân păng mĭn ntrâng ƀư nau Păng mĭn tâm du ai nuih n'hâm ndrăng khân păng jao ƀon bri hađăch khân păng nơm ma mpô mpa dŭt janh, ma tât nôk nau ngơi Brah Ndu lĕ tât di ngăn.

Nau Tâm Mpơl 2:10

May lơi klach ôh ma lĕ nau rêh ni may bơi dơn. Aơ, brah mhĭk dăch mƀăr ƀaƀă tâm phung khân may ăn tâm ndrung gay rlong uănh khân may; jêh ri khân may mra geh nau rêh ni tâm jât nar. Gŭ răp jăp hom tât khĭt, jêh ri Gâp mra ăn ma may đon hađăch nau rêh.’

Nau Tâm Mpơl 7:14

Gâp lah ma păng: “Hơi kôranh, may gĭt.” Kôranh bu ranh nây lah ma gâp: “Aơ jêng phung bunuyh luh tă bơh nau rêh ni toyh, hŏ pih jêh ao jêh ri pih tho ăn nglang ao khân păng nơm tâm mham Kon Biăp.