Daniel 11:33 - Nau Brah Ndu Ngơi 2023

³³ Lĕ phung gĭt blau tâm phung ƀon lan mra ntĭm nti âk bunuyh, nđâp lah tâm du năng ƀât lât, khân păng mra chôt prah yor ma đao jêh ri yor ŭnh hit, yor nau jêng bu nă jêh ri ma nau mra pit in.

Daniel 11:33 ပူးပေါင်းရင်းမြစ်များ

Daniel 12:10

Âk bunuyh bu mra dơi ƀư kloh, jut nglang jêh ri ƀư rsang. Ƀiălah phung ƀai ăt mra thoi đŏng ƀư ƀai. Mâu geh phung ƀai mra gĭt rbăng ôh, ƀiălah phung njêh mra gĭt rbăng.

Malachi 2:7

Yorlah bâr mbung phung kôranh ƀư brah djôt prăp nau gĭt rbăng, bu mra joi nau ntrŭnh tă bơh trôm mbung păng, yorlah păng jêng nơm ntuh bâr Brah Yêhôva ma phung tahan.

Mathay 10:21

Nâu mra jao oh păng nơm ma bu gay ƀư nkhĭt, mbơ̆ mra jao kon păng nơm, phung kon mra plơ̆ dâk tâm rdâng đah mê̆ mbơ̆ jêh ri ƀư ăn ma khân păng khĭt.

Mathay 13:11

Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Mathay 20:23

Păng lah ma khân păng: “Khân may mra nhêt kachok Gâp; ƀiălah nau dơi gŭ pa ma mâu lah pa chiau Gâp, mâu di Gâp nơm ăn nau nây. Tâm ntŭk nây prăp ma mbu nơm Mbơ̆ Gâp ndrăp lor jêh.”

Mathay 24:9

Rnôk nây, bu mra jao khân may, ƀư ma khân may geh nau rêh ni jêh ri nkhĭt lơi khân may; lĕ rngôch bunuyh mra tâm rmot ma khân may yor amoh Gâp.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Yôhan 16:2

Khân păng mra nsot lơi khân may luh bơh ngih rƀŭn; jêh ri mra tât mông rnôk mbu nơm ƀư nkhĭt khân may mra mĭn păng pah kan ma Brah Ndu.

Kôranh Oh Mon 11:26

nôk dơi joi jêh, păng njŭn leo Y-Sôl ta ƀon Antiôs. Bar hê bunuyh tâm rƀŭn ndrel ma Phung Ngih Brah Ndu jêh ri ntĭm nti âk bunuyh tâm du năm. Ta ƀon Antiôs ro, bu ntơm kuăl phung oh mon jêng Phung Brah Krist.

Kôranh Oh Mon 14:21

Nôk bar hê kôranh oh mon mbơh nkoch Nau Mhe Mhan Ueh tâm ƀon nây jêh ri geh âk bunuyh chroh ma Kôranh Brah Yêsu, khân păng plơ̆ sĭt ta ƀon Listrơ, ƀon Ikôni, jêh ri ƀon Antiôs.

I Kôrintô 4:9

Yorlah gâp mĭn pô aơ, Brah Ndu hŏ dơm phung kôranh oh mon hên tâm ntŭk dŭt dêh tâm dâng, nâm bu phung bu rmal nkhĭt, yorlah hên jêng nau gơm ma neh ntu, tông mpăr jêh ri kon bunuyh.

II Timôthê 1:12

nây yơh jêng nau gâp dơn nau rêh ni. Ƀiălah gâp mâu đit prêng ôh, yorlah gâp gĭt ma mbu Nơm gâp chroh, jêh ri gâp gĭt ngăn ma Nơm nây geh nau brah king n'gang ndơ gâp jao jêh kŏ tât nar nây.

II Timôthê 4:6

Yorlah ma gâp, dôl bu nkhŭt jêh tâm ban ƀư ndơ nhhơr nhêt, nar gâp khĭt dăch jêh.

ហេឞ្រើ 11:34

nhhât lơi jêh ŭnh hit, klaih bơh mpiăt đao, dơi đah nau ji, jêng janh ktang tâm nau tâm lơh, ƀư ăn phung tahan rlăng nchuăt du.

Nau Tâm Mpơl 1:9

Gâp jêng Y-Yôhan, nâu khân may, bunuyh tâm pă ndrel nau rêh ni, ƀon bri hađăch jêh ri nau srôih ma khân may tâm Brah Yêsu, aƀaơ aơ gâp dôl gŭ ta kôdak rnha jêng Patmôs, yor nau ngơi Brah Ndu jêh ri nau Brah Yêsu mbơh.

Nau Tâm Mpơl 17:6

Gâp saơ bu ur nĕ nhŭl mham phung kloh ueh jêh ri mham phung mbơh nkoch ma Brah Yêsu. Tơlah gâp saơ păng, gâp hih rhâl hâu ngăn.

Nau Tâm Mpơl 2:13

‘Gâp gĭt ta ntŭk may gŭ; ntŭk nây jêng sưng hađăch Satan. May djôt nâp amoh Gâp jêh ri may mâu dun ôh nau chroh ma Gâp, nđâp tâm lĕ nar Y-Antipas, bunuyh mbơh răp jăp ma Gâp, bu hŏ nkhĭt păng ta ntŭk khân may, ta nây Satan gŭ.

Nau Tâm Mpơl 6:9

Tơlah Kon Biăp pơk tâp pŏng rơh prăm, gâp saơ tâm dâng nơng ƀư brah geh huêng phung bunuyh bu nkhĭt jêh yor nau ngơi Brah Ndu jêh ri yor nau khân păng mbơh nkoch.

Nau Tâm Mpơl 7:14

Gâp lah ma păng: “Hơi kôranh, may gĭt.” Kôranh bu ranh nây lah ma gâp: “Aơ jêng phung bunuyh luh tă bơh nau rêh ni toyh, hŏ pih jêh ao jêh ri pih tho ăn nglang ao khân păng nơm tâm mham Kon Biăp.