Bu ur Rut 4:6 - Nau Brah Ndu Ngơi 2023

⁶ Nơm geh nau dơi chuai drăp ndơn plơ̆ lah: “Tơlah pônây gâp mâu dơi ôh tâm chuai păng ma gâp nơm, klach lah gâp ƀư nau mhĭk ma drăp ndơn gâp. Dăn ma may chuai drăp ndơn nây ntrok an ma gâp yorlah gâp mâu dơi ôh tâm chuai păng.”

Bunong Bible Latin Script Cambodian dialect

⁶ Bu klô i nây ơh ma păng: “Lah ndri gâp mâu ôh dơi rvăt, yorlah gâp klach roh neh gâp nơm. Ăn may rvăt dôh, gâp mâu ôh dơi rvăt!”

Bunong

⁶ ឞូ​ក្លោ​អី​នៃ​អើស​មា​ពាង់៖ “លាស​នទ្រី​គ៝ប់​មោ​អោស​ទើយ​រាវាត់ យ៝រ​លាស​គ៝ប់​ក្លាច​រ៝ស​នែស​គ៝ប់​នើម។ អ៝ន់​មៃ​រាវាត់​ទោស គ៝ប់​មោ​អោស​ទើយ​រាវាត់!”

Bu ur Rut 4:6 ပူးပေါင်းရင်းမြစ်များ

Nau Ntơm 38:8

Y-Yuđa lah ma Y-Ônan: “May hăn gŭ ndrel ur nâu may, ăn may ƀư tĭng nau vay oh sai păng, gay geh kon ma nâu may.”

Kan Lêvi 25:25

Tơlah oh nâu may tŭp tâm nau ndĭt trơi jêh ri tăch du kô̆ drăp ndơn, ruh me noi deh dăch păng mra văch jêh ri tâm chuai neh oh nâu păng hŏ tăch jêh.

Nau Vay Nkah Tay 25:7

Tơlah bu klâu nây mâu ŭch ôh ntrok ur nâu mâu lah ur oh păng, pôri ur nâu păng nây mra hăn ta mpông ƀon tâm mâp ma phung kôranh bu ranh jêh ri lah: ‘Oh sai gâp dun mâu ŭch thoi ntrok amoh nâu păng tâm phung Israel, păng mâu ŭch ôh ƀư ma gâp tĭng nâm nau vay di ma du huê oh nâu sai.’

Nau Vay Nkah Tay 25:8

Phung bu ranh ƀon nây mra kuăl bu klâu nây tât jêh ri lah đah păng. Tơlah bu klâu păng ăt dun ngăn jêh ri lah: ‘Gâp mâu ŭch gŭ păng ôh,’

Nau Vay Nkah Tay 25:9

pôri ur nâu mâu lah ur oh păng mra văch dăch ta bunuyh nây, doh lơi ntâu jot tă bơh jâng păng jêh ri soh dak diu ta muh măt bu klâu nây tanăp măt phung kôranh bu ranh, jêh ri păng mra ngơi lah: ‘Bunuyh mâu ŭch ndâk noi deh ma nâu păng, bunuyh nây mra geh kơt nĕ!’

Bu ur Rut 2:20

H'Naômi lah ma ƀăn păng pô aơ: “Dăn ma Brah Yêhôva ăn nau ueh uĭn ma Y-Bôas yorlah Păng mâu blau dŭt ăn nau yô̆ ma phung rêh jêh ri phung khĭt!” H'Naômi lah tay: “Bu klâu nây jêng ndŭl mpôl đah he, jêng du huê tâm phung geh nau dơi chuai drăp ndơn bơh he.”

Bu ur Rut 3:13

Gŭ ta aơ măng aơ. Ôi taơ, tơlah păng ŭch chuai tay drăp ndơn hôm e jêng ueh yơh; ăn păng ƀư nau nây. Ƀiălah tơlah păng mâu ŭch ôh chuai tay drăp ndơn, gâp sŏk amoh Brah Yêhôva gŭ rêh mro mrăng gay ton pô aơ, nanê̆ gâp mra chuai tay drăp ndơn ay! Bê̆ch hom ta aơ kŏ tât ôi.”

Bu ur Rut 3:9

Y-Bôas ôp: “Mbu ay?” Păng plơ̆ lah: “Gâp jêng H'Rut, oh mon bu ur may. Dăn ma may ntâk phôi ta klơ oh mon bu ur may yorlah may geh nau dơi chuai drăp ndơn gâp.”