Bu ur Rut 1:17 - Nau Brah Ndu Ngơi 2023

¹⁷ Ta moh ntŭk mê̆ khĭt, gâp ŭch khĭt đŏng Jêh ri bu tâp gâp ta ntŭk nây. Knŏng nau khĭt dơm, Lah geh nau êng ƀư ăn gâp tâm nkhah mê̆, Dăn Brah Yêhôva ăn nau tât ta gâp!”

Bunong Bible Latin Script Cambodian dialect

¹⁷ Ah ntŭk ƀe khât, gâp khât ta ri đŏng Jêh ri bu tŏp gâp ta ntŭk nây đŏng. Nau khât dơm dơi tâm nkhah gâp bơh ƀe Lah mâu ngăn Dăn Brah Yêhôva tê̆ dôih kuŏng ma gâp dôh!”

Bunong

¹⁷ អាស​នតុក​បែ​ខឹត គ៝ប់​ខឹត​តា​រី​ដ៝ង់ ជេសរី​ឞូ​ត៝ប់​គ៝ប់​តា​នតុក​នៃ​ដ៝ង់។ នាវ​ខឹត​ទើម​ទើយ​តឹម​ងខាស​គ៝ប់​ឞើស​បែ លាស​មោ​ងាន់ ទាន់​ឞ្រាស​យេហោវា  ​តេៈ​ទោយ្ស​ក្វ៝ង់​មា​គ៝ប់​ទោស!”

Bu ur Rut 1:17 ပူးပေါင်းရင်းမြစ်များ

II Samuel 15:21

Ƀiălah Y-Itai lah ma hađăch: “Tĭng nâm Brah Yêhôva gŭ rêh mro mrăng jêh ri hađăch jêng kôranh gâp gŭ rêh, hađăch jêng kôranh gâp mra gŭ ta ntŭk, nđâp lah tâm nau rêh mâu lah tâm nau khĭt, oh mon hađăch mra gŭ ta nây tâm ban lĕ.”

II Samuel 19:13

Khân may tâm ban lĕ lah hom ma Y-Amasa pô aơ: ‘Mâu di hĕ may jêng nting gâp jêh ri nglay săk gâp? Tơlah ntơm aƀaơ rlet panăp, may mâu ƀư kôranh ma phung tahan gâp ntrok ma Y-Jôap, dăn Brah Ndu rmal ma gâp jâk ngăn.’”

II Samuel 3:35

Jêh nau nây, lĕ rngôch phung ƀon lan tât nchâp Y-Đavit sông sa piăng let êlor lôch nar, ƀiălah Y-Đavit sơm ton lah: “Tơlah êlor nar nhâp, gâp sa du glo piăng let mâu lah ndơ êng, ăn Brah Ndu rmal jâk ngăn ma gâp.”

II Samuel 3:9

Ăn Brah Ndu tâm rmal gâp jâk jêr tơlah gâp mâu yor ma Y-Đavit ƀư rĭng lĕ nau Brah Yêhôva hŏ ton jêh ma păng,

I Phung Hađăch 13:31

Tâp brôi lôch jêh, păng lah ma phung kon bu klâu păng pô aơ: “Tơlah gâp khĭt, khân may tâp gâp tâm môch hŏ tâp jêh bunuyh Brah Ndu, gay nting gâp ta meng nting păng.

I Phung Hađăch 19:2

H'Jêsêbel prơh du huê bunuyh hăn mâp Y-Êli jêh ri lah: “Tơlah ta mông aơ tâm nar ôi taơ, gâp mâu geh ƀư ôh ma nau rêh may nâm bu nau rêh du huê tâm phung kôranh nơm may hŏ nkhĭt, dăn phung brah rmal gâp jâk ngăn.”

I Phung Hađăch 2:23

Jêh nây, hađăch Salômôn sŏk amoh Brah Yêhôva gay sơm ton pô aơ: “Ăn Brah Yêhôva nkra ma gâp dŭt jru tơlah Y-Adônija mâu khĭt ôh yor ma nau păng dăn aơ!

I Phung Hađăch 20:10

Y-Ben-Hadat prơh tay bunuyh êng đŏng hăn lah pô aơ: “Tơlah ndruyh neh ta Samari geh tŏng ma lĕ tahan gâp ăp nơm dơi geh du mbăt, dăn phung brah ƀư nau mhĭk ma gâp jâk ngăn!”

II Phung Hađăch 6:31

Hađăch sơm ton pô aơ: “Mbơh sơm Brah Ndu rmal gâp jâk ngăn, tơlah nar aơ bôk Y-Êlisê, kon Y-Saphat, hôm e klơ săng nglik păng.”

Nau Mprơ Ơm 45:10

Ơ kon bu ur, iăt hom, mĭn rvê hom jêh ri rkêng hom tôr! Chuêl hom ƀon lan jêh ri ngih mbơ̆ ay,

Kôranh Oh Mon 11:23

Tơlah păng tât jêh ta nây jêh ri saơ nau yô̆ Brah Ndu ăn. Păng răm maak jêh ri nsŭk nsôr lĕ rngôch bunuyh nâp nuih n'hâm tĭng Kôranh Brah;

Kôranh Oh Mon 20:24

Ƀiălah gâp mâu kơp nau rêh gâp khlay ôh, knŏng tơlah lôch jêh nau rlong jêh ri nau pah kan gâp sŏk dơn tă bơh Kôranh Brah jêng Brah Yêsu, ăn gâp mbơh Nau Mhe Mhan Ueh ma nau yô̆ Brah Ndu.

Bu ur Rut 1:16

Ƀiălah H'Rut ơh: “Lơi nchâp gâp chalơi ay Mâu lah ndôn plơ̆ sĭt! Ntŭk mê̆ hăn kon tǐng hăn ta nây; Moh ntŭk mê̆ gŭ kon mra gŭ ta ntŭk nây đŏng. Phung ƀon lan ay jêng phung ƀon lan gâp; Brah Ndu ay mra jêng Brah Ndu gâp.

Bu ur Rut 4:15

Oh bê nây mra bonh leng nuih n'hâm ay, siăm rong ay dôl ay ranh, yorlah ƀăn ay hŏ deh an ma ay. Ƀăn ay jêng khlay lơn pơh nuyh kon bu klâu ay.”

I Samuel 14:44

Y-Sôl lah: “Hơi Y-Jônathan, tơlah may mâu khĭt, dăn Brah Ndu ƀư nau tât ma gâp jâk jêr.”

I Samuel 20:13

bi tơlah mbơ̆ gâp sŏl ko ƀư mhĭk ma may, gâp mra ăn may gĭt lor, ăn may du, jêh ri may mra hăn đăp mpăn. Tơlah mâu, dăn ma Brah Yêhôva rmal jâk jêr ma Y-Jônathan! Dăn ma Brah Yêhôva gŭ ndrel ma may, nâm bu Păng hŏ gŭ ndrel ma mbơ̆ gâp!

I Samuel 25:22

Ăn Brah Ndu nkra nơm tâm rdâng ma Y-Đavit! Ntơm bơh aƀaơ tât ôi taơ, gâp mâu mra ăn du huê bu klâu tâm phung Y-Nabal hôm rêh.”

I Samuel 3:17

Y-Êli lah: “Moh nau Brah Yêhôva hŏ mbơh jêh ma may? May lơi ta pôn mo ôh nau nây ma gâp. Tơlah may pôn mo ma gâp du ntil nau tâm lĕ rngôch ntil nau Păng hŏ lah jêh ma may, dăn Brah Ndu rmal may jâk ngăn.”