Amôt 6:14 - Nau Brah Ndu Ngơi 2023

¹⁴ Yor nây, Yêhôva Brah Ndu ma phung tahan lah: “Hơi ngih Israel, Gâp mra ăn du bri dak văch tâm rdâng đah khân may; Păng mra tŭn jot khân may, ntơm bơh ntŭk lăp ƀon Hamat Tât ta Dak N'hor Arabah.”

Amôt 6:14 ပူးပေါင်းရင်းမြစ်များ

I Phung Hađăch 8:65

Tâm nôk nây, Y-Salômôn jêh ri lĕ rngôch phung ƀon lan Israel ndrel ma păng râng rƀŭn tra năp măt Yêhôva jêng Brah Ndu he tâm pơh nar, jêh nây ntop pơh nar đŏng, pôri geh lĕ rngôch jêng jât puăn nar. Nây jêng du phung tâm rƀŭn dŭt âk râk ntơm bơh n'har ƀon Hamat ma tât n'hor dak Êjipt.

II Phung Hađăch 14:25

Păng nơm sŏk sĭt n'har bri n'gor Israel ntơm bơh n'har ƀon Hamat tât ma dak mƀŭt Arabah, tĭng nâm nau Yêhôva Brah Ndu Israel hŏ ngơi jêh ma trôm mbung oh mon Păng jêng nơm mbơh lor Y-Yôna, kon Y-Amitai, gŭ ta ƀon Gat-Hêpher.

II Phung Hađăch 15:29

Tâm rnôk rô̆ Y-Pêka, hađăch Israel chiă uănh, geh Y-Tiglat-Pilêser, hađăch Asiri, văch tât pit sŏk Ijôn, Abel-Bet-Maka, Janôa, Kêdês, Hasôr, n'gor Gilêat, n'gor Galilê, jêh ri lĕ n'gor neh Naptali. Jêh nây păng nhŭp phung ƀon lan tâm lĕ n'gor nây njŭn leo tât ta n'gor Asiri.

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

Êsai 7:20

Tâm nar nây, Kôranh Brah mra dŏng pêh poih nkhôm mpeh đah ri dak krong, jêng hađăch bri Asiri, gay poih bôk jêh ri rsau jâng khân may, jêh ri poih nđâp ma têp kang tâm ban lĕ.

Êsêkiêl 47:20

Mpeh nhâp nar mra jêng Dak Mƀŭt Toyh, tă bơh n'har mpeh pa dâng kŏ tât ntŭk lăp ƀon Hamat. Aơ jêng n'har mpeh nhâp nar.

Ndrom Samƀŭt bơh Ôsê 10:5

Phung gŭ tâm n'gor Samari mra krit klach Ăn lĕ ndrôk kon, Bêt-Aven Phung ƀon lan mra nhĭm nhhiăng ma păng, Phung kôranh ƀư brah ŭch ngăn ma păng ăt nhĭm nhhiăng Yorlah nau chrêk rmah păng hŏ du roh jêh.

Amôt 3:11

Yor nây, Kôranh Brah Yêhôva lah: “Ri, phung rlăng mra văch tât nchueng bri neh aơ; Păng ƀư rai nau ktang may, Jêh ri pit in lĕ pôih toyh may.”