Amôt 5:17 - Nau Brah Ndu Ngơi 2023

¹⁷ Lĕ rngôch đang krăk ƀâu mra huy nau nhĭm vơl Yorlah Gâp mra rgăn ta nklang khân may.” Brah Yêhôva lah pônây.

Amôt 5:17 ပူးပေါင်းရင်းမြစ်များ

Nau Ngluh Êjipt 11:4

Y-Môis ngơi: “Brah Yêhôva lah: ‘Klăp lah klong măng Gâp mra hăn rgăn lam n'gor Êjipt.

Nau Ngluh Êjipt 12:12

Tâm măng nây, Gâp mra hăn lam n'gor Êjipt, ƀư nđêh nji lĕ rngôch kon bôk rah tâm n'gor Êjipt, nđâp bunuyh jêh ri mpô mpa. Gâp mra phat dôih lĕ rngôch brah n'gor Êjipt yorlah Gâp jêng Brah Yêhôva.

Nau Ngluh Êjipt 12:23

Brah Yêhôva mra hăn rgăn gay ƀư nđêh nji phung Êjipt; dôl saơ mham ta mbong mpông luh lăp, Păng mra hăn rgăn ro jêh ri mâu ăn ôh tông mpăr ƀư rai lăp tâm ngih khân may gay ƀư nau nđêh nji.

Êsai 16:10

Bu hŏ sŏk lơi jêh nau răm maak Bơh đang tơm sa play; Jêh ri tâm đang krăk ƀâu Mâu lĕ hôm geh nau troh răm maak, Mâu geh nơm jot play krăk ƀâu tâm ntu păt ndrănh; Gâp hŏ ƀư roh jêh nau troh răm maak ma nơm jot play krăk ƀâu.

Yêrêmi 48:33

Nau maak răm hâk maak hŏ roh jêh Tă bơh đang mir geh jêng ngăn bri Môap; Gâp hŏ ƀư ăn ma ndrănh suăt kro tă bơh ntŭk kĭn păt; Mâu hôm geh bunuyh troh maak đŏng ôh dôl jot play krăk ƀâu; Nđâp tơlah geh bâr troh nter ăt mâu jêng bâr troh maak ôh.

Yôel 3:17

“Rnôk nây, khân may mra gĭt Gâp jêng Yêhôva Brah Ndu khân may, Nơm gŭ ta Siôn, jêng yôk kloh ueh Gâp. Yêrusalem mra jêng ƀon kloh ueh Jêh ri phung bu năch mâu mra hôm pit in păng đŏng ôh.”

Nahum 1:12

Ƀiălah Brah Yêhôva lah: “Nđâp lah khân păng geh nau tâm rnglăp ndrel âk kđôi lĕ, Bu mra ƀư rai jêh ri ăn roh khân păng. Hơi phung ƀon lan Gâp, nđâp lah Gâp hŏ ƀư nkrit jêh khân may, Gâp mâu mra ƀư nkrit khân may đŏng ôh.

Nahum 1:15

Aơ, ta klơ phung yôk Geh jâng phung ntuh mbơh nau mhe mhan ueh, Jêh ri mbơh nau đăp mpăn! Hơi Yuđa, prăp hom ăp nar tâm rƀŭn Jêh ri ƀư ăn nanê̆ nau ton, Yorlah phung rlăng mâu mra tŭn jot may đŏng ôh, Păng hŏ rai lĕ jêh.

Sakari 9:8

Gâp mra ƀư pôih gay gak ngih Gâp, Gay njrăng ma bunuyh hăn nsong. Nơm tŭn jot mra mâu hôm tŭn jot phung ƀon lan Gâp đŏng ôh, Yorlah aƀaơ ri Gâp hŏ treng uănh đah trôm măt Gâp nơm.