Santiago 4:7 - Emberá Chamí

⁷ Maud̶eeba Dachi Akõre juad̶e panásturu. Jʉbawãe nii ijãarã́sturu. Maka ichi machid̶ebena ãyaa wãi.

Santiago 4:7 ပူးပေါင်းရင်းမြစ်များ

Mateo 11:29

Mʉʉmaa ida adoebísturu. Mʉʉba ne jara b̶uu ũrísturu. Mʉ joma dauchia jãadua b̶uabarii maud̶e mʉ sõd̶eeba waabenarã audeara kuitaa b̶uu a kʉ̃risiakau. Mʉʉmaa needuubʉrã machi biawãra kʉrrjĩrubiai.

Hechos 26:19

»Mʉ rey Agripa, Jesusba mau ewarid̶e mʉʉmaa jarad̶a joma wausii.

Hechos 9:6

Jiraduped̶a Damasco puurud̶aa wãse. Jamaria ab̶auba jarai bichiba kãare waui b̶uu.

Romanos 10:3

Ãchiba unud̶akau saka Dachi Akõreba ẽbẽrarã ichi jipa nuree baara duanui, ichiba bed̶ea dead̶a kĩra. Maumaarã mau ida b̶ud̶aped̶a ara ãchiba wau panuuba jʉrʉ panuu Dachi Akõre puuru jipa b̶uu bad̶ai baita.

Romanos 14:11

Dachi Akõre bed̶ead̶e naka b̶ʉ kub̶uu: «Dachi Mechiuba naka jara b̶uu: mʉ biawãra chokae b̶uud̶eeba biawãrad̶eeba jaraaruu jomaurã mʉ daad̶e õdarrd̶e kopaneed̶ai mʉʉmaa biꞌia berread̶ai baita. Maud̶e jomaurãba “mʉ Dachi Akõre” a jarad̶ai».

Efesios 4:27

Jʉbawãe niimaa ida setaa kũruabiarã́sturu.

Efesios 5:21

Cristo wapea panuud̶eeba arab̶aud̶e chiya ijã́sturu.

Efesios 6:13

Maud̶eeba chi kokoroaba ichi ʉ̃rʉ chaarea b̶uu jʉ̃barii Dachi Akõreba machimaa dead̶a jʉ̃́sturu. Maka jʉbawãe niiba kachiruad̶e b̶aebii chaaruud̶e machi poyaa dauchia jãadua panad̶ai. Poyaad̶aped̶a ãrea chaarea nuread̶ai.

Hebreos 12:9

Dachi nau iujãad̶ebena akõrerãba dachi iadaabachid̶aud̶eeba dachiba maarã wapeabachid̶au. Mauba ¿ewaricha chokae nuread̶ai baita dachi Bajãad̶ebena Akõre makaa wapead̶aabai panuka?

1 Pedro 2:13

Dachi Mechiu Jesucristo baita joma nau iujãad̶ebena karrarã bed̶ea ijã́sturu. Nau iujãad̶ebena karrba jaraaruu ijã́sturu ichi chi mechiu niid̶eeba.

1 Pedro 5:6

Maud̶eeba Dachi Akõre juad̶e panásturu, chi ne joma poyaa waubarii Ichi daad̶e chi mechiu kĩra nureewãe baita. Maka chi ichiba b̶ui ewarid̶e, machi chi mechiurã b̶ui.