Santiago 4:2 - Emberá Chamí

² Machiba ne adaud̶ai ãrea kʉ̃riabadamina poyaa adaud̶akau. Maud̶eeba mia beabadau. Waabenarãd̶e ne kaebea adaud̶ai kʉ̃riabadau. Maamina poyaa adaud̶akaud̶eeba oa kachirua berreabadau maud̶e chĩobadau. Machiba chi kʉ̃ria panuu adaud̶akau, Dachi Akõremaa ʉtaa id̶id̶akaud̶eeba.

Santiago 4:2 ပူးပေါင်းရင်းမြစ်များ

Juan 16:24

Machiba wabid̶a Dachi Akõremaa ab̶au bid̶a mʉ trʉ̃d̶eeba id̶id̶awẽa panuu. Maamina maka id̶iiduubʉrã adaud̶ai. Maka machi ãrea kĩrajʉʉ nuread̶ai.

Juan 4:10

Jesusba panausii: —Dachi Akõreba dea b̶uu bichiba kuitaaibʉrã maud̶e cha bania id̶i b̶uu kai kuitaaibʉrã, bichiba mʉʉmaa bania id̶ii basii. Maabae mʉʉba bania chokae b̶uabibarii deai basii.

Santiago 1:5

Machid̶ebena ab̶aba kʉ̃risia kuitaawẽa niibʉrã, Dachi Akõremaa ʉtaa id̶ii b̶uu. Maabae Dachi Akõreba deai. Ichimaa ʉtaa id̶iiduubʉrã iadaawẽa sõbiad̶eeba jomaurãmaa deabarii.

Santiago 5:6

Machiba chi ẽbẽra jipa nii nebʉra barau ad̶aped̶a beasid̶au. Maud̶e mauba ne waubasii bearãad̶amera.

1 Juan 3:15

Chi ichi ãba kĩramaa b̶uu Dachi Akõre daad̶e mia beabarii. Machiba kuitaa panuu chi mia beabarii ewaricha Dachi Akõre ome chokae b̶uabai.