Santiago 4:17 - Emberá Chamí

¹⁷ Chi biꞌia waui kuitaa b̶uuba maka wauwẽebʉrã, kachirua wau b̶uu.

Santiago 4:17 ပူးပေါင်းရင်းမြစ်များ

Juan 13:17

¿Ũrisid̶aka? Maka wauduubʉrã biawãra biꞌia panad̶ai.

Juan 15:22

»Mʉʉba ãchimaa jarad̶e need̶awãe basirã ãchi kachirua wauped̶aad̶a kakua nebʉrad̶e nuread̶aabai basii. Maamina mʉ bed̶ea ũrisid̶aud̶eeba, ãchiba kachirua wau panuu kakua mau adua panasii ad̶ai.

Juan 9:41

Jesusba panausii: —Machi biawãra dau pãriu nuread̶a basirã, kachirua waubadau kakua nebʉrad̶e panad̶aabai basii. Maamina machiba unu panuu a panuud̶eeba nebʉrad̶e panuu.

Romanos 1:32

Maarãba biꞌia kuitaa panuu Dachi Akõreba chi maka wau nuree ãrea kastikai. Maamina ara maka wau nibabadau maud̶e waabenarãba ara mau kĩra kachirua wauduud̶e mau biꞌia b̶uu a kʉ̃risiabadau.

Romanos 7:13

Makarã ¿Moisesba b̶ʉd̶a biꞌia b̶uuba mʉ biubiska? ¡Makawãema! Maumaarã kachirua wau b̶uu kakua mʉ maka biui b̶uasii. Mʉʉba kachirua wau b̶uu kakua mau Moisesba b̶ʉd̶a biꞌia b̶uuba jara b̶uu mʉ biui b̶uu. Maka arakʉd̶e unubi b̶uu chi kachirua saka b̶uu. Mʉʉba kachirua wau b̶uu biawãra ãrea kachirua b̶uu.

2 Pedro 2:21

Maud̶eeba Dachi Akõre bed̶ea kuitaaped̶aad̶a ida b̶ud̶ai bad̶amaarã, bibuara b̶uu Dachi Akõreba jipa wau b̶uu kuitaad̶aabai.