Santiago 3:9 - Emberá Chamí

⁹ Dachi kẽrameba Dachi Bajãad̶ebena Mechiumaa biꞌia berreabadau maud̶e ara mau kẽrameba ẽbẽrarãmaa kachirua jarabadau, Dachi Akõreba mau ẽbẽra ara ichi kĩra waud̶amina.

Santiago 3:9 ပူးပေါင်းရင်းမြစ်များ

Mateo 26:74

Pedroba jarasii: —¡Mʉʉba setaa jaraaruubʉrã Dachi Akõreba mʉ kastikai! Biawãra jaraaruu: mʉʉba jãu ẽbẽra unukau. Ara makʉd̶e eterr birusii.

Mateo 5:44

Maamina mʉʉba jaraaruu: machi kĩramaabadaurã kʉ̃riásturu. Chi machimaa kachirua jaraaduumaa biꞌia jarásturu; machi kĩramaa panuu biꞌia wáusturu. Dachi Akõremaa ʉtaa id̶ísturu ãchi aid̶amera.

Hechos 2:26

Maud̶eeba mʉ sõ kĩrajʉʉ b̶uu; mʉ ãrea kĩrajʉʉ kari b̶uu. Mʉʉba kuitaa b̶uu biurumina mʉ jirukaraayuwãe nibai.

Romanos 3:14

Kĩramaa panuud̶eeba ãchi iiba kachirua jarabadau.

1 Corintios 11:7

Mukĩrarã borod̶e ne jʉ̃d̶aabai panuu Dachi Akõreba ara ichi kĩra wausiid̶eeba maud̶e mukĩrarãba Dachi Akõre ãchi chibari unubi panuud̶eeba. Maamina wẽrarãba unubi panuu mukĩra ãchi chibaribʉ.

Efesios 1:3

Dachi Mechiu Jesucristo Akõremaa biꞌia berread̶ai panuu. Cristo ome panuud̶eeba ichi Jaurid̶eeba chi bia joma dachimaa bajãad̶ebena dea b̶uu.

Santiago 1:27

Chi biawãra ijãa b̶uuba naka waui b̶uu Dachi Bajãad̶ebena Akõreba ichiba wau b̶uu biꞌia unumera maud̶e jipa unumera: jẽramara maud̶e pẽdrãarã ãrea biꞌiwãe panuu aid̶ai b̶uu, maud̶e nau iujãad̶e nuree kachirua wau b̶uabai b̶uu.

Santiago 3:10

Ara maud̶ebena okarrba bed̶ea bia maud̶e bed̶ea kachirua berreabarii. Ãbarã, mau makad̶aabai b̶uu.

1 Pedro 1:3

Dachi Mechiu Jesucristo, dachi Bajãad̶ebena Akõremaa biꞌia berread̶ai panuu. Ichiba dachi ãrea kĩra chuburiasiid̶eeba Jesucristo biu b̶uad̶a chokae jiradusiid̶eeba dachi waya chokae duaneebiasii. Maud̶eeba kuitaa panuu