Santiago 3:6 - Emberá Chamí

⁶ Dachi kẽrame tʉbʉchia kĩra niid̶eeba joma kachirua jarabarii. Ab̶a mau dachi kakuad̶ebenad̶eeba dachi kakua joma pobibarii ab̶a biuduud̶aa. Maud̶e jʉbawãe niiba kachirua berreabiabarii tʉbʉchia koabiiruu kĩra.

Santiago 3:6 ပူးပေါင်းရင်းမြစ်များ

Mateo 12:24

Maamina ãchiba maka jara panuu fariseorãba ũrisid̶au. Maarãba jarasid̶au: «Jãu ẽbẽraba chi jai kachirua nuree duabʉibarii, chi jai kachirua nuree karr Beelzebuba mau poyaabarii deasiid̶eeba».

Mateo 5:22

Maamina mʉʉba jaraaruu: barikiu waabena ome kĩruuruubʉrã Dachi Akõreba kastikai. Barikiuba waabenamaa sũreena aaruubʉrã machi jaradea ua b̶uabadaurãba kastikad̶ai. Maud̶e barikiuba waabenamaa kachirua jaraaruubʉrã, Dachi Akõreba tʉbʉchia aoko kub̶uu kiikaud̶aa wãbii.

Marcos 7:15

Dachiba kobadauba Dachi Akõre daad̶e miadaa b̶ukau. Maumaarã chi sõd̶ebena neeruuba dachi miadaa waubibarii.

Lucas 16:24

Maud̶eeba jĩwa jarasii: “Chacha Abraham, mʉ kĩra chuburiáse. Lázaro bʉise. Ichi jua jimid̶i baniaba b̶ekeaped̶a mʉ kẽrame b̶ekead̶e neebise. Nau aoko nub̶uud̶e mʉ ãrea biꞌiwãe b̶uu”.

Hechos 20:30

Ara machid̶ebenarã bid̶a setaa jaradead̶ai Jesusd̶e ijãabadaurã ãyaa wãd̶amera.

Hechos 5:3

Pedroba jarasii: —Ananías, ¿Sakãe Satanasba waubi b̶uu kĩra wausma? Bichiba Dachi Akõre Jaurimaa setaa jaraaruu. Bichi drua nedobʉid̶ad̶ebena chi nejarr b̶aꞌãra uru b̶eeruu.

Hechos 6:13

Maud̶e waabenarã ẽbẽrarã araa adoesid̶au setaa jarad̶amera. Maarãba naka jarasid̶au: «Jãu ẽbẽraba Dachi Akõre de mechiu biꞌia b̶uu ʉ̃rʉbena maud̶e chi Moisesba b̶ʉd̶a ʉ̃rʉbena kachirua berrea b̶uabarii.

Tito 1:11

Ãchiba chi jaradeabai b̶uu jaradea panuud̶eeba decha ẽbẽrarãmaa biꞌiwãe kʉ̃risiabiabadau. Ab̶a chi nejarra bareburu jaradeabadau. Maarãmaa ida jaradeabiarã́se.

Santiago 2:7

Machi Jesucristod̶erãbʉ. Maamina ¿maarãba ichi trʉ̃ bia ʉ̃rʉbena kachirua jarabadauwãeka?

Santiago 3:7

Barikiu ãnimara moded̶ebena, ibanarã, b̶i jãaba nureabadau maud̶e mard̶ebena ẽbẽrarãba jidaud̶aped̶a ʉmʉmʉrʉabibadau.

2 Pedro 3:3

Nau ãrea kuitásturu: kaad̶ebena ewarid̶e Dachi Akõre atua jarabadaurã baraai. Ãchi kakuaba kachirua wau kʉ̃ria b̶uu wau panad̶ai.

3 Juan 1:10

Maud̶eeba mamaa wãaruud̶e mʉʉba jomaurãmaa kuitaabiai ichiba kachirua wau b̶uu. Ichiba dai ʉ̃rʉbena setaa kachirua jarabarii. Mau awara chi ãbarã mamaa wãaduu ichiba biꞌia irsibiabikau maud̶e chi ãbarãba ãchi ded̶e biꞌia irsibi kʉ̃ria panuud̶e ida b̶ukau. Maarã biꞌia irsibiiduubʉrã mau ãbarã duabʉikabarii.

Apocalipsis 12:9

Ara maud̶e chi dragón mechiu maud̶e joma chi ichi baara duanuu nau iujãad̶aa jirakuasid̶au. Mau dragón chi nabẽraed̶ebena damabʉ. Chi mau trʉ̃ jʉbawãe nii maud̶e Satanás abadau. Mauba joma nau iujãad̶ebenarã setaa kũrua ua b̶uu.

Apocalipsis 13:14

Dachi Akõreba mau ãnimara iorod̶ebena awara need̶amaa chi mau ẽbẽrarãba ne poyaa waud̶akau wauyu ida kabisii chi ãnimara mard̶ebena awara need̶a trʉ̃d̶e. Maka chi iorod̶ebena awara need̶aba nau iujãad̶ebenarã setaa kũruasii. Maka chi ãnimara kuenda juaba ne kaped̶aad̶a waubiasii, chi mau espadaba tõoped̶a maud̶e wabid̶a chokae nii kĩra. Maka wauped̶aad̶akare jomaurãba mau ãrea kʉ̃riad̶ai panuu asii.

Apocalipsis 18:23

Ʉ̃d̶aa koabarii waa unud̶aabai. Miakãiduud̶e kĩrajʉʉbadau waa ũrid̶aabai. Arabena ne kaebea nedobʉibadaurã nau iujãad̶e chi mechiu nureasii. Ariabena jaibanarãba druachabenarã joma setaa kũruabachid̶au.

Apocalipsis 19:20

Chi mura ʉ̃rʉ akʉ b̶uuba ãnimara kachirua maud̶e chi Dachi Akõre baita berreabarii chi biawãrawãe jidausii. Mauba ãnimara kachirua trʉ̃d̶eeba ẽbẽrarãba ne poyaa waud̶akau mechiu waubachii. Mauba ãnimara kachirua seña ida waubiaped̶aad̶a joma setaa kũruabachii. Mau chi ara ichi kĩra juaba ne kaped̶aad̶a ãrea kʉ̃riaped̶aad̶a setaa kũruabachii. Chi mura ʉ̃rʉ akʉ b̶uuba mau ãnimara kachirua maud̶e chi Dachi Akõre baita berreabarii chi biawãrawãe chokae panuu chob̶ea mar kĩra ed̶a azufre aoko nub̶uud̶e jiratasii.