Santiago 3:13 - Emberá Chamí

¹³ Machi kʉ̃risia kuitaa nuree maud̶e ne kuitaa nuree kʉ̃risia panuubʉrã, unubiásturu biawãra maka nuree, machi biꞌia nibabadaud̶eeba. Chi mechiu nuree kʉ̃risiad̶awẽa kʉ̃risia kuitaad̶eeba biꞌia waud̶ai panuu.

Santiago 3:13 ပူးပေါင်းရင်းမြစ်များ

Mateo 11:29

Mʉʉmaa ida adoebísturu. Mʉʉba ne jara b̶uu ũrísturu. Mʉ joma dauchia jãadua b̶uabarii maud̶e mʉ sõd̶eeba waabenarã audeara kuitaa b̶uu a kʉ̃risiakau. Mʉʉmaa needuubʉrã machi biawãra kʉrrjĩrubiai.

Mateo 21:5

«Sión puurud̶ebenarãmaa jarásturu: “Ichiásturu, machi Rey burro ʉ̃rʉ machimaa neeruu. Chi mechiu kĩra neewẽe. Burro cheke ʉ̃rʉ neeruu”».

Mateo 5:5

Biꞌia panuu machi chi mechiu nuread̶ai baita jʉrʉd̶awẽa nuree, Dachi Akõreba machimaa nau iujãa joma deaid̶eeba.

Mateo 7:24

»Maud̶eeba barikiuba mʉ bed̶ea ũriped̶a ijãaruubʉrã, nau kĩra b̶uai: ẽbẽra kʉ̃risia kuitaa b̶uuba ichi de mo ʉ̃rʉ wausii.

1 Corintios 6:5

Mʉʉba mau jara b̶uu machi kĩrakayad̶amera. ¿Machi tãed̶e kʉ̃risia kuitaa nii ab̶a bid̶a wãꞌãeka, ãbarã nebʉrad̶e panuurã biꞌia berreabiai baita?

2 Corintios 10:1

Mʉ Pablobʉ. Cristo kʉ̃riad̶eeba maud̶e ichi sõbiad̶eeba mʉʉba machimaa chi chuburia id̶iiruu mʉ bed̶ea ũrid̶amera. Waabenarãba jara panuu machi ome b̶uud̶e mʉʉba wapea b̶uabarii machi iadaai baita, maamina machi ome b̶uuwãed̶e wapeakau kartad̶eeba iadaai baita.

2 Corintios 8:24

Mau ãbarãmaa unubiásturu machiba ãchi biawãra kʉ̃ria panuu. Maka ãchiba kuitaad̶ai daiba machi ʉ̃rʉbena biꞌia jaraped̶aad̶a biawãra basii. Waabenarã ãbarã bid̶a ara mau kĩra kuitaad̶ai.

Gálatas 5:23

waabenarã audeara biꞌia nuree kʉ̃risiad̶akau maud̶e dachi kakua jipa uru nureabadau. Mau ley wãꞌãe, joma mau jarad̶a «kachirua» ai baita.

Gálatas 6:1

Ãbarã, machid̶ebena ab̶a mia aduad̶e kachiruad̶e b̶aeruubʉrã, machi chi Dachi Akõre Jaurid̶eeba nureerãba, waabenarã audeara biꞌia nuree kʉ̃risiad̶akaud̶eeba, aid̶ad̶ai panuu mau waya jipa nibamera. Maamina kauwa panásturu machi sid̶a ara mau kĩra kachiruad̶e b̶aerãad̶amera.

Gálatas 6:4

Ab̶auba wau b̶uu ichiad̶ai bad̶amaarã dachiba wau panuu ichiad̶ai panuu, jipa wau panuu kuitaad̶ai. Maka ara dachiba wau panuu kakua kĩrajʉʉ panad̶ai.

Efesios 4:2

Machi waabenarã audeara biꞌia nuree kʉ̃risiarã́sturu. Kʉ̃riad̶eeba chiya dauchia jãadua nureásturu.

Filipenses 1:27

Jipa nibásturu chi bed̶ea bia Cristo ʉ̃rʉbena jara b̶uu kĩra. Makarã mʉʉba machi ichiad̶e wãaruubʉrã, maebʉrã machi ome b̶uuwãed̶e machi ʉ̃rʉbena ũriiruubʉrã, kuitaai machiba arab̶au kʉ̃risiad̶eeba ãbua ãrea ijãa panuu maud̶e ãbua ãrea traja panuu mau bed̶ea bia kuitaabid̶ai baita.

Colosenses 3:12

Dachi Akõreba machi kʉ̃riad̶eeba jʉrʉ adausii ichi baita biꞌia nuread̶amera. Maud̶eeba waabenarã kĩra chuburia panásturu. Ẽbẽra bia panásturu. Machi waabenarã audeara biꞌia nuree kʉ̃risiarã́sturu. Jomaurã ome kʉ̃risia biad̶eeba panásturu. Ne jomad̶e jãadua panásturu.

1 Timoteo 4:12

Bichi kũudrãa b̶umina ab̶aumaa bid̶a ida kabirã́se. Maumaarã bichiba berrearuud̶eeba, ne wau b̶uud̶eeba, waabenarã biawãra kʉ̃ria b̶uud̶eeba, kĩra jipa b̶uud̶eeba, maud̶e Cristod̶e ijãa b̶uud̶eeba ãbarãmaa unubiáse saka panad̶ai panuu.

1 Timoteo 6:11

Maamina bichiba Cristod̶e ijãa niid̶eeba joma maud̶ebena ãyaa wãse. Jipa nibase. Dachi Akõre baara wãse. Sõd̶eeba biawãra Cristod̶e ijãa b̶uase. Jomaurã kʉ̃ria b̶uase. Joma jãaduase. Jaradea ua b̶uabarimina, jomaurã ome sõbiad̶eeba b̶uase.

2 Timoteo 2:25

Ichiba bed̶ea biad̶eeba Dachi Akõre bed̶ea kuitaabia b̶uu, chi ichiba jaradea b̶uu kʉ̃riad̶akau ẽbẽrarãmaa, maka Dachi Akõreba maarã karibaaruubʉrã. Maka ichimaa waya need̶aped̶a chi biawãra bed̶ea kuitaad̶ai.

Tito 3:2

Ãbarãmaa jarase: ab̶au ʉ̃rʉbena kachirua berread̶awẽa panad̶ai panuu maud̶e oa kachirua berread̶awẽa panad̶ai panuu, maumaarã jomaurã ome sõbia nuread̶ai panuu, maarã audeara kʉ̃risiad̶awẽa.

Hebreos 13:5

Chi nejarr kʉ̃ria panarã́sturu. Maumaarã ara machiba uru nureeba kĩrajʉʉ panásturu Dachi Akõreba naka jarasiid̶eeba: «Mʉʉba bichi b̶ʉiwẽe maud̶e ida b̶uwẽe».

Santiago 1:21

Maud̶eeba ne joma kachirua maud̶e ne joma jipawãe b̶uu ida b̶ústuru. Maabae Dachi Akõreba ichi bed̶ea machi sõd̶e b̶ud̶a kʉ̃risia biad̶eeba ijã́sturu. Ara mau bed̶eaba machi Dachi Akõreba kastikaid̶ebena karibai.

Santiago 2:18

Maamina ab̶auba naka jaraaruu: «Bichiba Jesucristod̶e ijãa b̶uu abarii maud̶e mʉʉba biꞌia waubarii». Mʉʉba nau jaraaruu: bichiba biꞌia wauwẽa unubise, Jesucristod̶e biawãra ijãa b̶uu. Maud̶e biꞌia wau b̶uud̶eeba mʉʉba unubii Jesucristod̶e biawãra ijãa b̶uu.

Santiago 3:1

Ãbarã, machiba kuitaa panuu Dachi Akõreba dachi chi Ichi bed̶ea jaradeabadaurã aude ichiai. Maud̶eeba ãrea machid̶ebenaba jʉrʉd̶aabai panuu jaradeabadaurã nuread̶ai baita.

Santiago 3:17

Maamina chi Dachi Akõreba dea b̶uu kʉ̃risia kuitaa uru nureerãba ne jomad̶e jipa waubadau, jomaurã ome jirukaraayuwãe nuread̶ai baita jʉrʉbadau, jomaurã ome biꞌia panabadau, ab̶auba jara b̶uu ũrid̶ai baita panabadau, waabenarã kĩra chuburiabadau maud̶e ne joma biꞌia waubadau. Ab̶a waabenarã audeara biꞌia waud̶akau. Ichiba jara b̶uu kĩra biawãra waubarii.

1 Pedro 1:15

Dachi Akõreba machi iusii. Ichi ne jomad̶e jipa nii. Maud̶eeba machiba wauduucha jipa panásturu.

1 Pedro 2:12

Dachi Akõred̶e ijãad̶akaurã tãed̶e jipa nibásturu. Maka ãchiba machi kachirua waubadaurã a panumina, machiba biꞌia wau panuu unu panuu. Maabae Dachi Akõre neeruud̶e machi ʉ̃rʉbena ichimaa biꞌia berread̶ai.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

1 Pedro 3:4

Maumaarã machi kĩrawãrea sõd̶éburu b̶uai b̶uu; sõbia b̶uud̶eeba maud̶e jirukaraayuwãe b̶uud̶eeba b̶uai b̶uu. Mau kĩrawãrea wãꞌãekau maud̶e Dachi Akõreba biꞌia unu b̶uu.