Santiago 2:8 - Emberá Chamí

⁸ Machiba Moisesba b̶ʉd̶ad̶ebena chi mechiu b̶uu biawãra wau panuubʉrã, biꞌia wau panuu. Dachi Akõre bed̶ead̶e mau Moisesba b̶ʉd̶ad̶e naka jara b̶uu: «Waabenarã kʉ̃riáse ara bichi kʉ̃ria b̶uu kĩra».

Santiago 2:8 ပူးပေါင်းရင်းမြစ်များ

Mateo 22:39

Maud̶e mawãare b̶uu ara mau kĩra b̶uu. Mauba naka jara b̶uu: “Waabenarã kʉ̃riáse ara bichi kʉ̃ria b̶uu kĩra”.

Mateo 25:21

Chi chibariba jarasii: “Biꞌia b̶uu, trajabarii bia nii, bichiba jipa waubarii. Mʉʉba b̶aꞌãra dead̶aba bichiba biꞌia wausiid̶eeba mʉʉba maucha aude deai. Ed̶a neese mʉ ome kĩrajʉʉ b̶uai baita”.

Mateo 25:23

Chi chibariba jarasii: “Biꞌia b̶uu, trajabarii bia nii, bichiba jipa waubarii. Mʉʉba b̶aꞌãra dead̶aba bichiba biꞌia wausiid̶eeba mʉʉba bichimaa maucha ãrea dearuu. Ed̶a neese mʉ ome kĩrajʉʉ b̶uai baita”.

Mateo 7:12

Machiba kʉ̃ria panuu waabenarãba machimaa biꞌia waud̶ai. Maud̶eeba, ara mau kĩra machiba waabenarãmaa biꞌia wáusturu, Moisesba b̶ʉd̶ad̶e maud̶e Dachi Akõre baita berreabadaurãba b̶ʉd̶ad̶e maka jara b̶uud̶eeba.

Romanos 13:10

Chi kʉ̃ria uru b̶uuba waabenarã kachirua waukau. Waabenarã kʉ̃ria b̶uud̶e joma Moisesba b̶ʉd̶a wau b̶uu.

Gálatas 5:14

Moisesba b̶ʉd̶a nau bed̶ea ab̶aba joma jara b̶uu: «Ab̶au kʉ̃riáse ara bichi kʉ̃ria b̶uu kĩra».

Gálatas 6:2

Nebʉrad̶e panuud̶e chiya aid̶ásturu. Maka Cristoba waubi b̶uu machiba joma waud̶ai.

Filipenses 4:14

Maamina mʉʉba machíturu kid̶ibai aaruu, mʉ ãrea biꞌiwãe b̶uud̶e aid̶asid̶aud̶eeba. Biawãra machiba biꞌia wausid̶au.

1 Tesalonicenses 4:9

Mau awara machi saka ãbarã ome chiya kʉ̃riad̶ai panuu ʉ̃rʉbena, mʉʉba nau kartad̶e ¿kãare b̶ʉima? Ara Dachi Akõréburu machimaa mau jaradeasii.

Santiago 1:25

Maamina barikiuba Dachi Akõre bed̶ea ũrid̶a kĩraba b̶uai ida b̶uwẽebʉrã, ãrea biꞌia b̶uai. Ẽbẽraba mau bed̶ea jipa b̶uu dachi kariba b̶uu ewaricha biꞌia kʉ̃risiaped̶a wau b̶uubʉrã, ichiba maka wau b̶uud̶eeba ãrea biꞌia b̶uai.

Santiago 2:12

Kauwa berreásturu maud̶e jipa wáusturu, Dachi Akõreba chi dachi enabarii leyba dachi nebʉra ichiaid̶eeba.

Santiago 2:19

Bichiba ijãa b̶uu Dachi Akõre ab̶aburu nii. ¡Ãrea biꞌia b̶uu! Jai kachiruarã bid̶a maka ijãa panuu, maamina Dachi Akõre wapeaba uribadau.

Santiago 4:11

Ãbarã, waabenarã ʉ̃rʉbena kachirua jararã́sturu. Ab̶auba ichi ãba ʉ̃rʉbena kachirua jaraaruubʉrã maebʉrã jidearuubʉrã, Moisesba b̶ʉd̶a ʉ̃rʉbena kachirua jara b̶uu, maud̶e mau Moisesba b̶ʉd̶a jidea b̶uu. Ab̶auba Moisesba b̶ʉd̶a maka jideai kʉ̃risia b̶uubʉrã, mau Moisesba b̶ʉd̶ad̶e jara b̶uu wauwẽa b̶uu. Moisesba b̶ʉd̶ad̶e jara b̶uu audeara ichi waabenarã nebʉra ichiabarii b̶eesii.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.