Santiago 2:23 - Emberá Chamí

²³ Abrahamba waud̶aba kuitaabi b̶uu Dachi Akõre bed̶ead̶e b̶ʉ kub̶uu biawãrabʉ. Naka b̶ʉ kub̶uu: «Abrahamba Dachi Akõred̶e ijãasii. Maud̶eeba Dachi Akõreba mau nebʉraswãe nii unusii». Maud̶e Abraham Dachi Akõre ome kõpaero abachid̶au.

Santiago 2:23 ပူးပေါင်းရင်းမြစ်များ

Marcos 12:10

Machiba ¿Dachi Akõre Bed̶ea b̶ʉd̶a ed̶a jarad̶awãe panuka? Naka jara b̶uu: “Chi mo chi de waubadaurãba ida b̶uped̶aad̶a, mau chi biara b̶eesii.

Marcos 15:27

Aria nechirurã sid̶a ome cruzd̶e jirab̶usid̶au, ab̶a Jesús jua biare, ab̶a jua sordoare.

Lucas 4:21

Maud̶e Jesusba jarasii: —Mau bed̶ea ed̶a jarad̶a id̶i machi daad̶e makaaruu.

Hechos 1:16

«Ãbarã, nabẽraed̶e Dachi Akõre Jauriba Judasba waui ʉ̃rʉbena Davidmaa b̶ʉbisii. Dachi Akõre bed̶ead̶e b̶ʉ kub̶uu kĩra biawãra makai b̶uasiid̶eeba Judasba ẽbẽrarã uad̶osii Jesús jidaud̶amera.

Romanos 11:2

Dachi Akõreba naed̶e israeld̶ebenarã jʉrʉ adausii ichi puuru b̶uamera. Maud̶eeba ãchi ida b̶uwẽa b̶uu. Machiba Dachi Akõre bed̶ead̶e Elías ʉ̃rʉbena b̶ʉd̶a kuitaa panuu. Eliasba Dachi Akõremaa israeld̶ebenarã ʉ̃rʉbena naka biꞌiwãe jarasii.

Romanos 9:17

Ichi bed̶ead̶e, ichiba faraonmaa jarad̶a naka b̶ʉ kub̶uu: «Mʉʉba bichi chi rey mechiu b̶usii mʉ poyaa unubiai baita. Maka mʉ joma nau iujãad̶e trʉ̃ poa b̶uai».

Gálatas 3:22

Maamina Dachi Akõre bed̶ead̶e b̶ʉ kub̶uu kachiruaba jomaurã jʉ̃a uru b̶uu. Maka Jesucristoba ichi Akõreba jarad̶a wausiid̶eeba, chi ichid̶e ijãaduurãba mau Dachi Akõreba deai jarad̶a adaud̶ai.

Gálatas 3:6

Abraham ʉ̃rʉbena kʉ̃risiásturu. «Abrahamba Dachi Akõred̶e ijãasii. Maud̶eeba Dachi Akõreba ichi nebʉraswãe nii unusii».

2 Timoteo 3:16

Dachi Akõreba joma Ichi Bed̶ea b̶ʉbisii. Joma mau biꞌia b̶uu jaradeai baita, kachirua wau nuree kastikai baita, biꞌiwãe wau nuree jipa wau kuitaabiai baita maud̶e saka kĩra jipa nibad̶ai kuitaabiai baita.

Santiago 2:24

Maud̶eeba machiba kuitaa panuu Dachi Akõreba dachi jipa unukau, bari dachiba ichid̶e ijãa panuu a panuud̶eeba, maumaarã jipa unu b̶uu ichid̶e ijãaped̶aad̶a biꞌia wau panuud̶eeba.

1 Pedro 2:6

Dachi Akõre bed̶ead̶e Jesucristo ʉ̃rʉbena naka b̶ʉ kub̶uu: «Ũrísturu, Sión puurud̶e mʉʉba de waui baitabena mo chi bibuara b̶uu b̶uuruu. Mau mo bia maud̶e mau chi nejarr ãrea id̶ibadau mʉʉba jʉrʉ adausii. Maud̶eeba chi ichid̶e ijãa b̶uuba bari ijãa b̶uabai».