Santiago 2:14 - Emberá Chamí

¹⁴ Ãbarã, ab̶auba Jesucristod̶e biawãra ijãa b̶uu aaruubʉrã, maamina biꞌia wauwẽa b̶uubʉrã, ¿mau aid̶ai b̶uka? ¿Mau biawãra karibai b̶uka?

Santiago 2:14 ပူးပေါင်းရင်းမြစ်များ

Mateo 5:20

Mʉʉba biawãra jaraaruu: Moisesba b̶ʉd̶a jaradeabadaurãba wau panuu kãyabãra maud̶e fariseorãba wau panuu kãyabãra machiba jipa waud̶aabasiibʉrã, Bajãad̶e B̶uuba machi ichi juad̶e ua b̶uabai.

Lucas 3:11

Juanba panausii: —Chi paru ome uru b̶uuba chi wãꞌãe niimaa ab̶a deai b̶uu. Chi koi uru b̶uuba chi koi wãꞌãe niimaa deai b̶uu.

Lucas 6:49

Maamina chi mʉ bed̶ea ũriped̶a ijãawẽe nau kĩra b̶uu: ẽbẽraba de wausii maamina de jʉ̃rʉ id̶u ʉyaabasii. Maud̶eeba do ãrea cheeruud̶e ichi de teataped̶a b̶aesii. Joma wãꞌãe b̶ari b̶eesii».

Hechos 15:9

Dachi Akõreba dachi ãchi ome kĩra aꞌawaraa waubasii. Ãchiba ijãasid̶aud̶e ãchi sõ jeraasii.

Hechos 8:13

Simón bid̶a ijãasii. Maabae boro eaped̶a Felipe baara nibad̶e wãsii. Felipeba ẽbẽrarãba ne poyaa waud̶akau mechiu wau b̶uu Simonba unusiid̶e kuitaa kʉ̃risiaswãe b̶eesii.

Hechos 8:21

Bichi sõ Dachi Akõre daad̶e jipawãe b̶uud̶eeba nau traju dai ome waukau b̶uu.

Romanos 2:25

Moisesba b̶ʉd̶a machiba wauduubʉrã, machi mukĩra chi kakua tõod̶a biꞌia b̶uu, ẽbẽrarã Dachi Akõred̶erã. Maamina mau Moisesba b̶ʉd̶a waud̶awẽebʉrã, machi Dachi Akõre daad̶e mukĩra chi kakua tõod̶awẽa nuree kĩra nuree.

1 Corintios 15:2

Mʉʉba jaradead̶a biawãra ijãa panuubʉrã, Dachi Akõreba karibai. Makawãebʉrã, machiba bari ijãasid̶au.

1 Corintios 16:22

Barikiuba Dachi Mechiu Jesucristo kʉ̃riawẽebʉrã, Dachi Akõreba mau ẽbẽra nebʉra barau ai. ¡Uche, Dachi Mechiu!

Gálatas 5:13

Ãbarã, Dachi Akõreba machi iusii ichiba ena duanad̶amera. Maamina karibaped̶aad̶ad̶eeba kʉ̃risiarã́sturu machi kakuaba kʉ̃ria b̶uu kĩra waud̶ai panuu. Maumaarã biawãra kʉ̃riad̶eeba chiya aid̶ásturu.

Gálatas 5:6

Cristo Jesusba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Maumaarã chi ichid̶e ijãa b̶uud̶eeba ichi ome ãbua b̶uu maud̶e waabenarã kʉ̃ria b̶uu.

1 Tesalonicenses 1:3

Daiba Dachi Akõre daad̶e ewaricha kĩraba panuu machiba Dachi Akõred̶e ijãa panuud̶eeba biꞌia wau panuu, kʉ̃riad̶eeba waabenarã kariba panuu maud̶e Dachi Mechiu Jesucristoba machi karibai ida b̶ud̶awẽa esed̶au panuu.

1 Timoteo 1:5

Mʉʉba maka jara b̶uu ãbarã kʉ̃risia sõbiad̶eeba, biawãra Dachi Akõred̶e ijãa panuud̶eeba chiya kʉ̃ria duanad̶amera.

1 Timoteo 4:8

Biawãra dachi kakua chaareabid̶ai baita wau panuubʉrã, dastu dachi kakua aid̶ad̶ai. Maamina Dachi Akõre baara nibaaduubʉrã, mauba dachi ne jomad̶e aid̶ai. Id̶ibae maud̶e kaad̶ebena ewarid̶e bid̶a karibai.

Tito 1:16

Ãchiba jarabadau Dachi Akõre kuitaa panuu, maamina ãchiba wau panuud̶eeba unubibadau ichi ida b̶u panuu. Ãchi sõ chaarea nuree maud̶e ne bia waud̶ai baita panad̶akau. Ãchiba waubadau Dachi Akõreba kʉ̃riakau.

Tito 3:8

Mau bed̶ea biawãrad̶eeba, mau ijãad̶ai panuu. Mʉʉba kʉ̃ria b̶uu bichiba mau ãrea jaradea b̶uai Dachi Akõred̶e ijãabadaurãba ne joma biꞌia wau wãd̶amera. Mau bed̶ea ãrea biꞌia b̶uu. Jomaurã karibabarii.

Hebreos 11:17

Abrahamba biawãra ijãa b̶uu kuitaayua Dachi Akõreba jarasii ichi warr baa deamera. Maamina mau naed̶e Dachi Akõreba ichimaa biawãra naka jarasii: «Bichi warr Isaacd̶eeba bichi ãichekerã ãrea imid̶ai». Dachi Akõreba maka jarasiid̶eeba Abrahamba ichi warr ara ab̶a nii baa deai baita b̶uasii.

Hebreos 13:9

Maamina waabenarãba barikiu ne ãyaa jaradeabadau. Maarãmaa ida setaa kũrabiarã́sturu. Machiba kooduuba maebʉrã kod̶awẽa panuuba aid̶akau. Chi maka wau panuuba biꞌia panad̶akau. Dachi Akõreba ichi sõbiad̶eeba aid̶a b̶uu machiba biꞌia sõd̶eeba ijãad̶amera.

Santiago 1:16

Ãbarã mʉa kʉ̃riakuabarii, ara machi du ab̶a nau ʉ̃rʉbena setaa kũruarã́sturu:

Santiago 2:16

maud̶e ab̶a machid̶ebenaba ichimaa jaraaruubʉrã, «mʉʉba kʉ̃ria b̶uu bichi biꞌia wãi, paru jʉ̃i baita uru b̶uai maud̶e ãrea ko b̶uai», maamina ne ab̶a bid̶a deawẽebʉrã, ¿mau jarad̶a aid̶aika? Aid̶akau.

Santiago 2:18

Maamina ab̶auba naka jaraaruu: «Bichiba Jesucristod̶e ijãa b̶uu abarii maud̶e mʉʉba biꞌia waubarii». Mʉʉba nau jaraaruu: bichiba biꞌia wauwẽa unubise, Jesucristod̶e biawãra ijãa b̶uu. Maud̶e biꞌia wau b̶uud̶eeba mʉʉba unubii Jesucristod̶e biawãra ijãa b̶uu.

Santiago 2:26

Biud̶a jauri wãꞌãe nii. Ara mau kĩra Dachi Akõred̶e ijãa b̶uu a b̶uuba biꞌia wauwẽebʉrã, biawãra ijãawẽa b̶uu. Ichiba ijãa b̶uu a b̶uu ẽbẽra biud̶a kĩra nii.

2 Pedro 1:5

Maud̶eeba Cristod̶e ijãa panuud̶eeba ãrea jʉrʉ́sturu jipa nibad̶ai baita; jipa nid̶aud̶e jʉrʉ́sturu kʉ̃risia kuitaa nuread̶ai baita;