Santiago 1:26 - Emberá Chamí

²⁶ Ab̶auba Dachi Akõred̶e ijãa b̶uu kʉ̃risia b̶uubʉrã, maamina ichi kẽrame biꞌia nuwẽebʉrã, ara ichi du ab̶a setaa kũrua b̶uu. Biawãra bari ijãa b̶uu.

Santiago 1:26 ပူးပေါင်းရင်းမြစ်များ

Mateo 15:9

Mʉ bari kʉ̃riabadau. Mʉ bed̶ea jaradead̶ai bad̶amaarã, ẽbẽra kʉ̃risiaburu jaradeabadau.

Marcos 7:7

Mʉ bari kʉ̃riabadau. Mʉ bed̶ea jaradead̶ai bad̶amaarã, ẽbẽra kʉ̃risiaburu jaradeabadau.

Lucas 8:18

Maud̶eeba ãrea kauwa ũri panásturu. Ab̶auba biawãra kuitaaruubʉrã, Dachi Akõreba aude kuitaabii. Maamina chi adua niiba ne kuitaa b̶uu kʉ̃risiaruubʉrã ichiba kʉ̃risia b̶uu Dachi Akõreba mau juakaa adaui».

1 Corintios 15:15

Cristo chokae jiraduubasiibʉrã, Dachi Akõreba ichi chokae jiradubisii aaduud̶e daiba Dachi Akõre ʉ̃rʉbena setaa jara panuu. Biawãra biuped̶aad̶a chokae jiradud̶awẽebʉrã, mauba jara b̶uu Cristo sid̶a chokae jiraduubasii.

1 Corintios 15:2

Mʉʉba jaradead̶a biawãra ijãa panuubʉrã, Dachi Akõreba karibai. Makawãebʉrã, machiba bari ijãasid̶au.

1 Corintios 3:18

Ara machi du ab̶a setaa kũruarã́sturu. Ab̶auba chi nau iujãad̶ebena kʉ̃risia kuitaa kĩra ne kuitaa b̶uu kʉ̃risia b̶uubʉrã, waa maka kʉ̃risiabai b̶uu. Maumaarã chi biawãra kʉ̃risia kuitaa uru b̶uai baita nau iujãad̶ebenarã daad̶e ne adua b̶uu kĩra b̶uai b̶uu.

Gálatas 2:6

Chi mechiurã abadau ãbarãba kʉ̃risia awara jarad̶aabasii mʉʉba jaradeamera. Maumaarã kuitaasid̶au Dachi Akõreba mʉ bʉisii chi bed̶ea bia Cristo ʉ̃rʉbena judiowãerãmaa jaradeamera Pedro judiorãmaa bʉid̶a kĩra. (Ãchi chi mechiurã panuu abadamina, mʉ baita arab̶aud̶e b̶uu, Dachi Akõreba dachi kĩra awara unukaud̶eeba).

Gálatas 2:9

Ãbarã chi mechiurã Santiagoba, Pedroba maud̶e Juanba kuitaasid̶au Dachi Akõreba ichi sõbiad̶eeba biawãra mʉ judiowãerãmaa bʉisii. Maud̶e ãchi mʉ ome maud̶e Bernabé ome jua deasid̶au kuitaabid̶ai baita arab̶au kʉ̃risia uru panuu. Ãchiba jarasid̶au daiba judiowãerãmaa jaradea panad̶ai, maud̶e ãchiba judiorãmaa jaradea panad̶ai.

Gálatas 3:4

Machi biꞌiwãe panad̶a Cristo kakua ¿bari makaska? ¡Mʉʉmaarã, machi bari ãrea biꞌiwãe panad̶aabasii!

Gálatas 6:3

Chi mechiuwãe b̶uuba ichi chi mechiu nii kʉ̃risia b̶uubʉrã, ara ichi du ab̶a setaa kũrua b̶uu.

Efesios 4:29

Bed̶ea kachirua berrearã́sturu. Maumaarã bed̶ea biáturu berreásturu waabenarã aid̶ad̶ai baita. Maka machi bed̶ea ũri nuree biꞌia panad̶ai.

Efesios 5:4

Bed̶ea kachirua, nebʉrʉ biꞌiwãe maud̶e bed̶ea miadaa mia ʉibi berrearã́sturu, maka berreai biꞌiwãe b̶uud̶eeba. Maumaarã Dachi Akõremaa biꞌia b̶uu áduru.

Colosenses 4:6

Bed̶ea biad̶eeba berreásturu jomaurãba biꞌia ũrid̶amera. Maka Cristo ʉ̃rʉbena id̶iiduud̶e machiba kuitaa panad̶ai saka panaud̶ai panuu.

Santiago 1:19

Ãbarã mʉa kʉ̃riakuabarii, nau kʉ̃risia panásturu: Jomaurãba biꞌia ũrid̶ai baita nuread̶ai panuu, biꞌia nuread̶ai panuu, maud̶e barikia isa kĩrud̶aabai panuu.

Santiago 1:22

Dachi Akõre bed̶ea jara b̶uu kĩra wau panásturu. Ab̶aburu ũriiduu panarã́sturu. Maka nureebʉrã, ara machi du ab̶a setaa kũrua nuread̶ai.

Santiago 2:20

¡Bichi kʉ̃risiaswãe nii! Chi Jesucristod̶e ijãa b̶uu a b̶uuba biꞌia wauwẽebʉrã biawãra ijãawẽa b̶uu. ¿Mʉʉba bichimaa kuitaabii b̶uka?

1 Pedro 3:10

Dachi Akõre bed̶ead̶e naka b̶ʉ kub̶uu: «Ab̶a kĩrajʉʉ b̶uai kʉ̃ria b̶uubʉrã, ichi kẽrame nui b̶uu kachirua berrearãamera. Ewari ãrea biꞌia b̶uai kʉ̃ria b̶uubʉrã, ichi okarr nui b̶uu, setaa jararãamera.