Santiago 1:21 - Emberá Chamí

²¹ Maud̶eeba ne joma kachirua maud̶e ne joma jipawãe b̶uu ida b̶ústuru. Maabae Dachi Akõreba ichi bed̶ea machi sõd̶e b̶ud̶a kʉ̃risia biad̶eeba ijã́sturu. Ara mau bed̶eaba machi Dachi Akõreba kastikaid̶ebena karibai.

Santiago 1:21 ပူးပေါင်းရင်းမြစ်များ

Mateo 5:5

Biꞌia panuu machi chi mechiu nuread̶ai baita jʉrʉd̶awẽa nuree, Dachi Akõreba machimaa nau iujãa joma deaid̶eeba.

Juan 6:63

Dachi Akõre Jauríburu chokae b̶uabiabarii. Nau kakuaba poyaa maka waukau. Mʉʉba machimaa jaradea b̶uu Dachi Akõre Jauriba dachi chokae b̶uabiabarii ʉ̃rʉbena.

Juan 6:68

Simón Pedroba panausii: —Dai Mechiu, dai ¿kaimaa wãd̶aima? Ab̶a bichiaburu daimaa jaradeabarii Dachi Akõre ome ewaricha chokae nuread̶amera.

Hechos 10:33

Ara makʉd̶e mʉʉba bichi jʉrʉbisii. Maud̶e bichi sõbia niid̶eeba, neesii. Jãabae joma dai nama Dachi Akõre daad̶e panuu Dachi Mechiuba bichimaa jarabi b̶uu ũrid̶ai baita.

Hechos 13:26

»Machi ãbarã Abrahamd̶ebena neeped̶aad̶arã maud̶e machi judiowãerã Dachi Akõre wapea nuree, Dachi Akõreba dachimaa mau bed̶ea dachi karibai ʉ̃rʉbena bʉisii.

Romanos 1:16

Mʉ kĩra nejasiakau chi bed̶ea bia Jesús ʉ̃rʉbena jaradeai baita, chi mau bed̶ea ijãaduu Dachi Akõreba ichi poyaad̶eeba joma karibabariid̶eeba; naa judiorã karibai maud̶e judiowãerã sid̶a.

Romanos 11:17

Waabenarã judiorã Dachi Akõred̶ebena awara paneesid̶au olivo bakuru jua tʉʉd̶a kĩra. Machi judiowãerã Dachi Akõreswãe panasid̶au olivo bakuru ichi du ab̶a moded̶e warid̶a kĩra. Maamina machi ẽbẽrarã Dachi Akõred̶erã paneesid̶au chi bakuru jua chi b̶ʉatud̶amaa kara nub̶ud̶a kĩra. Maka jãabae Dachi Akõreba machi sid̶a kariba b̶uu judiorã kariba b̶uad̶a kĩra.

Romanos 6:17

Naed̶e machi kachirua baita bari trajabadaurã basii. Maamina joma Dachi Akõre ʉ̃rʉbena jaradeaped̶aad̶a sõd̶eeba wau panuud̶eeba mʉʉba Dachi Akõremaa ichíturu kid̶ibai abarii.

1 Corintios 15:2

Mʉʉba jaradead̶a biawãra ijãa panuubʉrã, Dachi Akõreba karibai. Makawãebʉrã, machiba bari ijãasid̶au.

2 Corintios 7:1

Ãbarã, Dachi Akõreba dachimaa mau joma waui asiid̶eeba nau kakuaba kachirua waubarii maud̶e dachi kʉ̃risiad̶eeba waubarii joma ida b̶ud̶ai panuu. Dachi Akõre ãrea wapea panuud̶eeba ichi baita biꞌia nuread̶ai panuu.

Efesios 1:13

Mau awara machi judiowãerã bid̶a chi biawãra bed̶ea ũrisid̶aud̶e, mau dachi karibai bed̶ea bia ijãasid̶au. Maka Cristod̶e ijãasid̶aud̶e Dachi Akõreba ichi Jauri machimaa deasii ichiba jarad̶a kĩra. Dauchaa b̶uu kĩra mauba kuitaabia b̶uu machi ichid̶irã.

Efesios 4:22

Ãchimaa jaradeaped̶aad̶a naubʉ: naed̶e machiba wau panad̶a kĩra waa maka nibarã́sturu. Chi kakua kachirua wau kʉ̃ria b̶uuba setad̶eeba biꞌiwãe paneebiabarii. Mau ida b̶ústuru, paru sore ẽebadau kĩra.

Efesios 4:25

Maud̶eeba setaa ida b̶ústuru. Ab̶aburu biawãráturu waabenarã ome berreásturu, joma dachi arab̶au kakuad̶ebenad̶eeba.

Efesios 5:4

Bed̶ea kachirua, nebʉrʉ biꞌiwãe maud̶e bed̶ea miadaa mia ʉibi berrearã́sturu, maka berreai biꞌiwãe b̶uud̶eeba. Maumaarã Dachi Akõremaa biꞌia b̶uu áduru.

1 Tesalonicenses 1:5

Daiba chi bed̶ea bia Cristo ʉ̃rʉbena machimaa jaradeasid̶aud̶e bed̶eáturu berread̶aabasii. Maumaarã mau bed̶ea biawãra arakʉd̶e b̶uu kuitaa panuud̶eeba Dachi Akõre Jauri poyaabariid̶eeba berreasid̶au. Machiba kuitaa panuu dai saka machi tãed̶e nibaped̶aad̶a, machi biꞌia panad̶amera.

1 Tesalonicenses 2:13

Daiba ewaricha machi baita Dachi Akõremaa ichíturu kid̶ibai abadau. Machiba Dachi Akõre bed̶ea daid̶eeba ũrisid̶aud̶e ẽbẽra kʉ̃risia kĩra ijãad̶aabasii. Maumaarã mau bed̶ea biawãra chi Dachi Akõre bed̶ea kuitaaped̶aad̶ad̶eeba ijãasid̶au. Ara mau bed̶eaba machi chi Cristod̶e ijãabadaurãmaa biꞌia waubia b̶uu.

Tito 2:11

Dachi Akõreba jomaurãmaa unubiasii ichi sõbiad̶eeba ẽbẽrarã karibabarii.

Hebreos 12:1

Mau ẽbẽrarã ãreaba Dachi Akõred̶e maka biawãra ijãasid̶aud̶eeba, dachia bid̶a ara mau kĩra ijãa panad̶ai panuu. Chi dachimaa ida ijãabiakau maud̶e ara dachiba kachirua waubadauba dachi b̶ʉra uru b̶uabarii ãyaa b̶ud̶aped̶a, maabae joma dauchia jãadua panuud̶eeba wã́duru chi need̶ai panuumaa bad̶ai baita.

Hebreos 2:3

Ara mau kĩra Dachi Akõreba karibai ʉ̃rʉbena bed̶ea dachiba ida b̶uuduubʉrã, ¿Dachi Akõreba kastikaid̶ebena dachirã saka karibad̶aima? Mau bed̶ea ãrea biꞌia b̶uu Dachi Mechiu Jesusba naed̶e jaradeasii. Chi ũriped̶aad̶aba dachimaa mau bed̶ea biawãra abachid̶au.

Hebreos 4:2

Chi bed̶ea bia Dachi Akõreba kʉrrjĩrubiai ʉ̃rʉbena dachiba ũrisid̶au nabẽraed̶ebenarãba ũriped̶aad̶a kĩra. Dachiba sõd̶eeba ijãa panuud̶eeba Dachi Akõreba kʉrrjĩrubiaimaa wãd̶ai. Maamina nabẽraed̶ebenarãba ũrid̶aped̶a ijãad̶aabasiid̶eeba mau bed̶eaba karibaabasii. Ãchi ʉ̃rʉbena Dachi Akõreba naka jarasii: «Kĩru b̶uud̶e mʉʉba biawãrad̶eeba naka jarasii: “Mʉʉba kʉrrjĩrubiaimaa jãarã wãd̶aabai”». Maka jarasii nau iujãa waud̶ad̶eed̶ebena ichiba waui b̶uad̶a joma uru b̶umina.

Santiago 4:8

Dachi Akõre kaita nésturu, makarã ichi machi kaita neei. Machi chi kachirua waubadaurã, ¡machi jua jeraaduu kĩra waa kachirua waurã́sturu! Machi kʉ̃risia ome uru nuree, ¡kʉ̃risia kachirua ida b̶ud̶aped̶a Dachi Akõréturu kʉ̃risiásturu!

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

1 Pedro 1:9

Maka kĩrajʉʉ panuu Jesucristod̶e ijãa panuud̶eeba, Dachi Akõreba karibaid̶eeba.

1 Pedro 2:1

Maud̶eeba waabenarãmaa kachirua waud̶ai ida b̶ústuru. Waabenarãmaa setaa jararã́sturu. Chi nureeba ara ãchiba jarabadau kĩra waud̶akau. Mau ẽbẽrarã kĩra panarã́sturu. Waabenarãba uru panuu kakua, kachirua kʉ̃risiarã́sturu. Waabenarã ʉ̃rʉbena kachirua jararã́sturu.

1 Pedro 2:11

Mʉ ãbarã, nau iujãad̶e machi ãibena druad̶ebenarãb̶u. Maud̶eeba mʉʉba machimaa chi chuburia id̶iiruu nau kakuaba kachirua wau kʉ̃ria b̶uu ida b̶ud̶amera. Mau ara dachi ome chĩo b̶uu.