Santiago 1:17 - Emberá Chamí

¹⁷ Ʉtareeba Dachi Bajãad̶ebena Akõreba ne joma ãrea biꞌia b̶ee dachimaa deabarii. Ichiaburu ne joma bajãad̶e koabadau waukuasii. Maarã ewaricha arab̶aud̶e koad̶akau. Maumaarã Dachi Akõre kĩra awara b̶uakau maud̶e diware waukau.

Santiago 1:17 ပူးပေါင်းရင်းမြစ်များ

Mateo 7:11

Machi chi kachirua nureeba machi warrarãmaa ne kaebea dead̶ai kuitaa panuubʉrã, ¿machi Akõre bajãad̶e b̶uuba chi ʉtaa id̶i panuumaa ne kaebea bia deabai b̶uka?

Lucas 11:13

Machi chi kachirua nureeba machi warrarãmaa ne kaebea dead̶ai kuitaa panuubʉrã, ¿machi Akõre bajãad̶e b̶uuba chi ʉtaa id̶i panuumaa ichi Jauri deabai b̶uka?

Juan 1:9

Chi nau iujãad̶e neei b̶uad̶a mau biawãra ʉ̃d̶aabʉ. Mau jomaurã baita koabarii.

Juan 3:27

Maud̶eeba Juanba jarasii: —Ab̶au bid̶a poyaa uru b̶uabai, chi mau Dachi Akõreba ichimaa dearuuwãebʉrã.

Juan 3:3

Jesusba ichimaa jarasii: —Mʉʉba bichimaa biawãra jaraaruu: wãwa adaubarii kĩra, waya chiwid̶i b̶eewẽebʉrã, Dachi Akõre juad̶e poyaa b̶uabai ichid̶irã baara.

Juan 8:12

Mau maad̶akare Jesusba ẽbẽrarãmaa waya jarasii: —Mʉ nau iujãad̶e ʉ̃d̶aa kĩra nii. Barikia mʉ baara wãaruubʉrã pãriud̶e nibaabai, maumaarã ʉ̃d̶aad̶e b̶uud̶eeba chokae b̶uai uru b̶uai.

Hechos 11:18

Jerusalend̶ebena ãbarãba mau ũrisid̶aud̶e waa kachirua jarad̶aabasii, maumaarã Dachi Akõremaa naka biꞌia berreasid̶au: —¡Biawãra Dachi Akõreba judiowãerã karibasii ãchi kachirua ida b̶ud̶aped̶a ichimaa need̶amera! ¡Maka ewaricha ichi baara chokae panad̶ai!

Hechos 5:31

Dachi Akõreba Jesús ichi jua biare b̶usii Dachi Mechiu maud̶e dachi Karibabarii b̶uamera. Ichid̶eeba israeld̶ebenarãba kachirua ida b̶ud̶aped̶a waya Dachi Akõremaa poyaa need̶ai. Makarã ãchiba kachirua wauped̶aad̶a Dachi Akõreba perdonai.

Romanos 6:23

Biawãra kachirua wau panuu kakua ẽbẽrarã biud̶ai. Maamina Dachi Mechiu Jesucristod̶eeba Dachi Akõreba ewaricha chokae b̶uabiai, ne kaebea bari dea b̶uu kĩra.

1 Corintios 4:7

¿Kaiba machi waabenarã audeara biꞌia b̶usma? Dachi Akõreba dead̶a awara ¿machiba kãare uru panuma? Machiba Dachi Akõred̶ebena ne joma adauped̶aad̶ad̶eeba ¿sakãe ara machi du ab̶a adauped̶aad̶a kĩra berrea panuma?

2 Corintios 4:6

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

Efesios 1:18

Maud̶e ʉtaa id̶ibarii Dachi Akõreba machi kʉ̃risia ewamera. Maka machiba kuitaad̶ai kãare ichid̶ebena adaud̶ai baita esed̶au panuu, mau adaud̶amera iusiid̶eeba. Maud̶e machiba kuitaad̶ai ichi ẽbẽrarãba adaud̶ai ãrea biꞌia b̶uu.

Efesios 2:8

Jesusd̶e ijãasid̶aud̶eeba Dachi Akõreba ichi sõbiad̶eeba machi karibasii. Ara machi du ab̶a karibad̶aabasii, maumaarã Dachi Akõréburu bari karibasii.

Filipenses 1:29

Ichi biad̶eeba machi iubasii ab̶aburu Cristod̶e ijãa panad̶amera, maumaarã iusii Cristo kakua ãrea biꞌiwãe panad̶amera.

1 Timoteo 6:16

Ichíturu biukau. Ichi b̶uumaa jẽratĩu b̶uud̶eeba ab̶a bid̶a ara kaita poyaa wãd̶aabai panuu. Ichi ab̶au bid̶a unud̶awẽa panuu maud̶e poyaa unud̶akau. Mʉʉba kʉ̃ria b̶uu ewaricha jomaurãba ichimaa biꞌia berrea panad̶ayu maud̶e ichi poyaabariiba jomaurã poyaa uru b̶uai. Biꞌia b̶uu maka b̶uai.

Hebreos 13:8

Jesucristo june ãyaa b̶uakau. Nuid̶a nibad̶a kĩra id̶i bid̶a maka nii, maud̶e ewaricha maka nibai.

Santiago 1:5

Machid̶ebena ab̶aba kʉ̃risia kuitaawẽa niibʉrã, Dachi Akõremaa ʉtaa id̶ii b̶uu. Maabae Dachi Akõreba deai. Ichimaa ʉtaa id̶iiduubʉrã iadaawẽa sõbiad̶eeba jomaurãmaa deabarii.

Santiago 3:15

Machi kʉ̃risia kuitaad̶eeba maka kʉ̃risia panuubʉrã, mau kʉ̃risia kuitaa Dachi Akõred̶ebena neekau, maumaarã nau iujãad̶ebena, ẽbẽrarãd̶ebena maud̶e jʉbawãe niid̶ebena neebarii.

Santiago 3:17

Maamina chi Dachi Akõreba dea b̶uu kʉ̃risia kuitaa uru nureerãba ne jomad̶e jipa waubadau, jomaurã ome jirukaraayuwãe nuread̶ai baita jʉrʉbadau, jomaurã ome biꞌia panabadau, ab̶auba jara b̶uu ũrid̶ai baita panabadau, waabenarã kĩra chuburiabadau maud̶e ne joma biꞌia waubadau. Ab̶a waabenarã audeara biꞌia waud̶akau. Ichiba jara b̶uu kĩra biawãra waubarii.

1 Juan 1:5

Daiba Jesucristod̶eeba ũriped̶aad̶a machimaa jara panuu naubʉ: Dachi Akõre ʉ̃d̶aa kĩra nii ne jomad̶e jipa niid̶eeba. Mauba ichid̶e pãriu ab̶a bid̶a wãꞌãe.

1 Juan 4:10

Chi biawãra kʉ̃ria naka b̶uu: chi kʉ̃riad̶eeba Dachi Akõreba ichi Warr bʉisii biumera dachi kachirua perdonai baita. Dachi Akõreba maka waubasii dachiba ichi kʉ̃ria panasiid̶eeba, maumaarã maka wausii ichiba dachi kʉ̃riasiid̶eeba.

Apocalipsis 21:23

Ʉmadaswãe, jed̶akoswãe mau puuru ʉ̃d̶aa nub̶uabarii Dachi Akõre kĩrawãreaba maud̶e Oeja Kaebe Niiba ʉ̃d̶aa b̶uuba.

Apocalipsis 22:5

Ẽsabud̶ebena wãꞌãe bai. Dachi Akõre Mechiuba ʉ̃d̶aa deaid̶eeba, ẽbẽrarã ʉ̃d̶aaswãe biꞌia duanad̶ai maud̶e ʉmadaswãe. Ewaricha ãchi ichi ome ãbua chi karrarã nuread̶ai.