Santiago 1:1 - Emberá Chamí

¹ Mʉ Santiagobʉ, Dachi Akõre baita bari trajabarii maud̶e Dachi Mechiu Jesucristo baita bari trajabarii. Nau karta b̶ʉʉruu Israel 12 warrarãd̶ebena neeped̶aad̶arã druacha nuree baita. Mʉʉba kʉ̃ria b̶uu machi biꞌia panad̶ayu.

Santiago 1:1 ပူးပေါင်းရင်းမြစ်များ

Mateo 10:3

Felipe; Bartolomé; Tomás; Romad̶ebena baita chi nejarra pebarii b̶uad̶a Mateo; Alfeo warr Santiago; Tadeo;

Mateo 13:55

¿Ichi dachi puurud̶ebena bakuruba ne kaebea waubarii warrwãeka? Ichi nawe ¿Mariawãeka? Ichi ãbarã ¿Santiago, José, Simón maud̶e Judaswãeka?

Mateo 19:28

Jesusba panausii: —Mʉʉba biawãra jaraaruu: Dachi Akõreba ne joma chiwid̶i waui ewarid̶e mʉ, chi Ẽbẽra Ba B̶uad̶a mʉ rey ãkau biad̶e akʉ b̶eei. Maud̶e machi mʉ baara nibabadaurã 12 rey ãkaud̶e akʉ paneed̶ai Israeld̶ebena neeped̶aad̶a 12 puuru nebʉra ichiad̶ai baita.

Marcos 3:18

Naarã sid̶a duanusii: Andrés, Felipe, Bartolomé, Mateo, Tomás, Alfeo warr Santiago, Tadeo maud̶e Simón Cananeo.

Lucas 22:30

Mʉ puurud̶e machi mʉ ome kod̶ai. Machi rey ãkaud̶e akʉ paneed̶ai Israeld̶ebena neeped̶aad̶a 12 puuru nebʉra ichiad̶ai baita».

Lucas 6:15

Mateo, Tomás, Alfeo warr Santiago, Simón Celote abadau,

Juan 12:26

Barikia mʉ baita bari trajabarii ba kʉ̃ria b̶uubʉrã, mʉ baara nibai b̶uu. Mʉ wãaruumaa, mʉ baita bari trajabarii sid̶a wãi. Barikiu mʉ baita bari trajabariibʉrã, mʉ Chachaba mau chi mechiu b̶ui.

Juan 7:35

Maud̶eeba judiorã aria duanuuba ãchi chiya jara bara b̶eesid̶au: —¿Samaa wãid̶eeba dachiba ichi waa unud̶aabaima? asid̶au. ¿Griegorã druad̶aa wãika judiorã aria duanuurãmaa jaradeai baita?

Hechos 1:13

Jerusalend̶e need̶aped̶a de jã ʉtʉbenad̶e ãchi panabadaumaa wãsid̶au. Ãchi naarã basii: Pedro, Juan, Santiago, Andrés, Felipe, Tomás, Bartolomé, Mateo, Alfeo warr Santiago, Simón Celote maud̶e Santiago warr Judas.

Hechos 12:17

Maamina Pedroba ichi juaba jarasii chũpead̶amera. Maabae joma nebʉrʉsii sakaburu Dachi Mechiuba ichi jʉ̃a b̶uad̶a aid̶asii. Joma nebʉrʉped̶a jarasii: —Joma mau Santiagomaa maud̶e waabena ãbarãmaa jarásturu. Maad̶akare Pedro ãyaa wãsii.

Hechos 15:13

Mau joma berreaped̶aad̶akare Santiagoba jarasii: —Ãbarã, mʉ bed̶ea ũrísturu.

Hechos 15:21

Maka waud̶aabai panuu dachi nabẽraed̶ebena ewarid̶e Moisesba b̶ʉd̶a puurucha jaradeabadaud̶eeba. Bari panabadau ewaricha mau Moisesba b̶ʉd̶a dachi judiorã araa ãbua imibadau decha jĩwa ed̶a jarabadau.

Hechos 15:23

Ãchi ome karta naka b̶ʉ urubʉisid̶au: Jesusba bʉid̶arã, chi ijãabadaurã nubadaurã maud̶e joma ãbarãba nau karta b̶ʉʉduu, chi judiowãerã Antioquía puurud̶ebena baita, Siria druad̶ebena baita maud̶e Cilicia druad̶ebena baita. Daiba kʉ̃ria panuu machi biꞌia panad̶ai.

Hechos 2:5

Pentecostés ewarid̶eeba judiorã druachad̶ebena chi Dachi Akõre kʉ̃ria nuree Jerusalend̶e duanasid̶au.

Hechos 21:18

Norema Pablo dai ome Santiago ichiad̶e wãsid̶au. Ãbarã nubadaurã sid̶a joma aria duanasid̶au.

Hechos 23:26

Mʉ, Claudio Lisiasba nau karta b̶ʉʉruu mʉ karr Félix baita. Mʉʉba kʉ̃ria b̶uu bichi biꞌia b̶uai.

Hechos 26:7

Biawãra joma Israel 12 warrarãd̶ebena neeped̶aad̶arãba ijãa panuu Dachi Akõreba dachi chokae jiradubii. Maud̶eeba dachiba ãyadaa maud̶e ẽsabud̶e Dachi Akõremaa biꞌia berreabadau. Mʉ rey Agripa, mau ijãa b̶uu kakua waabena judiorãba mʉ jidea panuu. Maud̶e Pabloba chi judiorã aria nureerãmaa jarasii: —Dachi Akõreba dachi chokae jiradubii ijãa panuubʉrã ¿sakãe ijãad̶awẽa panuma ichiba biu b̶uad̶a ab̶a chokae jiradubid̶a?

Hechos 8:1

Sauloba Esteban beaped̶aad̶a biꞌia unusii. Maud̶e chi nuree Dachi Akõre kʉ̃riabadaurãba Esteban jau b̶ud̶aped̶a, ãrea jẽasid̶au. Mau ewarid̶e ẽbẽrarãba Jerusalend̶e Jesusd̶e ijãabadaurã ãrea kachirua wau paneesid̶au. Maud̶eeba Jesusd̶e ijãabadaurã joma Judea druad̶aa maud̶e Samaria druad̶aa miru wãsid̶au. Jesusba bʉid̶arã Jerusalend̶e paneesid̶au.

Romanos 1:1

Mʉ Pablobʉ, Jesucristo baita bari trajabariibʉ. Dachi Akõreba mʉ jʉrʉ adausii Jesucristoba bʉid̶a b̶uamera maud̶e b̶usii chi bed̶ea bia Dachi Akõre ʉ̃rʉbena jaradead̶e wãmera.

Gálatas 1:19

Pedro awara, Jesucristoba bʉid̶arãd̶ebena, Dachi Mechiu ãba Santiagóturu unusii. Waabenarã mʉʉba unuubasii.

Gálatas 2:12

Naka kachirua wausii: chi nuree ãbarã judiorã ẽbẽrarã Santiagod̶ebenarã Antioquía puurud̶aa wãsid̶au. Ãchiba jarabachid̶au judiowãerã mukĩra chi kakua tõod̶ai panuu ẽbẽrarã Dachi Akõred̶erã nuread̶ai baita. Ãchi need̶ai naed̶e Pedro ãbarã judiowãerã ome kobachii, maamina mau ãbarã judiorã need̶aped̶a ichi waya ãbarã judiowãerã ome koobasii. Maumaarã ãyaa wãsii. Wapea b̶uasii chi judiowãerã ãchi mukĩra chi kakua tõod̶ai panuu a jara panuu ʉ̃rʉbena.

Gálatas 2:9

Ãbarã chi mechiurã Santiagoba, Pedroba maud̶e Juanba kuitaasid̶au Dachi Akõreba ichi sõbiad̶eeba biawãra mʉ judiowãerãmaa bʉisii. Maud̶e ãchi mʉ ome maud̶e Bernabé ome jua deasid̶au kuitaabid̶ai baita arab̶au kʉ̃risia uru panuu. Ãchiba jarasid̶au daiba judiowãerãmaa jaradea panad̶ai, maud̶e ãchiba judiorãmaa jaradea panad̶ai.

Filipenses 1:1

Mʉ Pablobʉ. Timoteo mʉ ome b̶uu. Dai Jesucristo baita bari trajabadaurãbʉ. Mʉʉba nau karta ãbarã Filipos puurud̶ebenarã baita b̶ʉʉruu: ijãabadaurã nubadaurã, ijãabadaurã aid̶abadaurã, joma ẽbẽrarã Dachi Akõred̶erã Jesucristo ome nureerã baita.

2 Timoteo 4:21

Kui chei ewari bai naed̶e isa neese. Ãbarã Eubuloba, Pudenteba, Linoba, Claudiaba maud̶e joma ãbarãba jarabʉi panuu bichi biꞌia b̶uai.

Tito 1:1

Mʉ Pablobʉ, Dachi Akõre baita bari trajabarii maud̶e Jesucristoba bʉid̶a. Mʉ bʉisii Dachi Akõreba jʉrʉ adaud̶arãba ichid̶e ijãad̶amera maud̶e chi biawãra bed̶ea kuitaad̶aped̶a Dachi Akõreba kʉ̃ria b̶uu kĩra nuread̶amera.

1 Pedro 1:1

Mʉ Pedrobʉ, Jesucristoba bʉid̶abʉ. Mʉʉba nau karta b̶ʉʉruu Dachi Akõreba jʉrʉ adaud̶arã Ponto druad̶e, Galacia druad̶e, Capadocia druad̶e, Asia druad̶e, Bitinia druad̶e maud̶e drua awarad̶ebenarã kĩra panabadau baita.

2 Pedro 1:1

Mʉ Simón Pedrobʉ, Jesucristo baita bari trajabariibʉ maud̶e ichiba bʉid̶abʉ. Mʉʉba nau karta b̶ʉʉruu chi Dachi Akõred̶e maud̶e Dachi Karibabarii Jesucristod̶e ijãabadaurã baita. Ichi jipa niid̶eeba, dai ome arab̶aud̶e biꞌia ijãa panuu.

Judas 1:1

Mʉ Judasbʉ, Santiago ãba maud̶e Jesucristo baita bari trajabarii. Nau karta b̶ʉmaa b̶uu joma Dachi Akõre bajãad̶ebenaba iukuad̶a baita. Ichiba machi kʉ̃riakuabarii maud̶e Jesucristod̶eeba nu ua b̶uabarii.

Apocalipsis 7:4

Maud̶e mʉʉba ũrisii Dachi Akõre sello uru panuu sãabe panuu: 144.000 basii. Maarã joma Israeld̶ebena imiped̶aad̶arã basii.