Romanos 9:4 - Emberá Chamí

⁴ chi israeld̶ebenarã. Dachi Akõreba naed̶e ãchi jʉrʉ adausii ichi warrarã nuread̶amera. Ichi kĩrawãrea ted̶echoa maarãmaa unubiasii. Ãchi nabẽraed̶ebenarã ome bed̶ea deasii. Moisesba b̶ʉd̶a maarãmaa deasii. Ãchimaa kuitaabiasii ichi de mechiud̶e kãare waud̶ai panuu maud̶e joma ichiba deai jarad̶a ãchi baita b̶uasii.

Romanos 9:4 ပူးပေါင်းရင်းမြစ်များ

Mateo 21:33

»Ũrísturu. June nebʉrʉʉruu. Ẽbẽra ab̶a b̶uasii. Ewari ab̶aud̶e mau ẽbẽraba uva uusii maabae mokaraba ad̶u karaasii. Aria chob̶ea korosii chi uva barasui baita. Maud̶e de ʉtʉ wausii mamauba joma ichiai baita. Maabae ichi uva uu nub̶uu waabenarã ẽbẽrarã juad̶e b̶usii. Maarã ome bed̶ea deasid̶au chi uva uud̶a chauruud̶e sãabe ichimaa dead̶ai panuu. Maka bed̶ea dead̶aped̶a chi chibari ãibena druad̶aa wãsii.

Juan 1:17

Dachi Akõreba naed̶e Moisesba b̶ʉd̶a deasii, maamina Jesucristod̶eeba dachimaa kuitaabiasii ichi biawãra saka nii maud̶e ichi sõbiad̶eeba dachi ãrea kariba b̶uu.

Juan 1:47

Jesusba Natanael ichimaa neeruu unusiid̶e, jarasii: —¡Ichiásturu! Nau biawãra israeld̶ebenabʉ. Ichiba ab̶a bid̶a setaa kũruakau.

Hechos 2:39

Dachi Akõre chi Mechiuba ichi Jauri deai jarad̶a machi baita b̶uu, machi warrarã baita b̶uu maud̶e ẽbẽrarã kaitawẽ nureerã baita b̶uu. Joma chi Dachi Akõre Mechiuba iukua b̶uu ẽbẽrarã baita b̶uu.

Romanos 3:2

Makawãema. Ãread̶e judiorã bai ãrea biꞌia b̶uu. Naa mʉʉba jaraaruu maka panuu Dachi Akõreba ichi bed̶ea maarãmaa deasiid̶eeba.

Romanos 8:15

Machiba Dachi Akõre Jauri adausid̶aud̶e machi wapeabiabasii, chi chibari baita bari trajabarii makabarii kĩra. Maumaarã machi duanusii Dachi Akõre warrarã bad̶amera maud̶e «Chacha» ad̶amera.

Romanos 9:6

Mʉʉba jarawẽa b̶uu Dachi Akõreba chi Israeld̶ebenarã baita waui ad̶a wauwẽa b̶uu. Maumaarã mʉʉba jara b̶uu joma Israeld̶ebena imiped̶aad̶a Dachi Akõre daad̶e biawãra israeld̶ebenarãwãe.

2 Corintios 11:22

Ãchi hebreorã a panuu. ¿Mʉ sid̶a arab̶auwãeka? Ãchi Israeld̶ebenarã a panuu. ¿Mʉ sid̶a arab̶auwãeka? Ãchi Abrahamd̶ebena imiped̶aad̶arã a panuu. ¿Mʉ sid̶a arab̶auwãeka?

Gálatas 3:16

Ara mau kĩra Dachi Akõreba Abrahammaa, maud̶e chi ichid̶ebena neei b̶uumaa jarasii mauba jomaurã karibai. Dachi Akõre bed̶ead̶e b̶ʉwẽa b̶uu «Abrahamd̶ebena imid̶ai ẽbẽrarã» ãrea ẽbẽrarã jara b̶uu kĩra. Maumaarã b̶ʉ kub̶uu Dachi Akõreba Abrahamd̶ebena neei b̶uumaa maka jarasii ab̶au ʉ̃rʉbenáturu berrea b̶uud̶eeba. Mau Cristobʉ.

Efesios 2:12

Kĩrabásturu naed̶e machi Cristowãe nureasii maud̶e israeld̶ebenarãwãe basii. Dachi Akõre ãchi ome bed̶ea deasiid̶e ichiba machimaa ab̶a bid̶a deai bad̶a jaraabasii. Mau awara machi saka biꞌia nuread̶aiswãe panasid̶au maud̶e nau druad̶e Dachi Akõreswãe nureasii.

Hebreos 9:1

Dachi Akõre israeld̶ebenarã ome naed̶e bed̶ea deasiid̶e jarasii ichi ãnimara e de nau iujãad̶e waud̶ai panuu maud̶e mau ded̶e saka waud̶ai panuu.

Hebreos 9:10

Moisesba b̶ʉd̶aba náturu ab̶aburu kuitaabiasii chi dachi kakua chi ʉ̃rʉbena ome waubadau jaradeabadau: kãare kod̶ai panuu, kãare dod̶ai panuu maud̶e Dachi Akõreba jeraabi b̶uu saka jeraad̶ai panuu. Joma mau waubachid̶au ab̶a Dachi Akõreba joma chiwid̶i wauruud̶aa.

Hebreos 9:3

Chi mawãare b̶uu pieza paru eab̶ari jirab̶u ad̶u b̶uasii. Mau pieza «Dachi Akõre baita biꞌia b̶uu pieza» abachid̶au.

Hebreos 9:5

Baura ʉ̃rʉ ángel kĩra ikia bara panuu ome panasid̶au. Chi ikiaba chi tapa ʉ̃rʉ jũra topanasid̶au. Ãchi panuumaa Dachi Akõre kĩrawãrea ted̶echoa neebachii. Mau tapa ʉ̃rʉ paareba oa jĩtod̶okaaruud̶e Dachi Akõreba ẽbẽrarãba kachirua wauped̶aad̶a perdonabachii. Ara makʉd̶e mau ʉ̃rʉbena daiba nau kartad̶e poyaa biꞌia jaradead̶aabai.

Hebreos 9:6

Mau joma wausid̶aud̶e paarerã ewaricha chi nabena piezad̶e ed̶a wãbachid̶au Dachi Akõre baita waud̶ai panuu joma waud̶ai baita.