Romanos 9:20 - Emberá Chamí

²⁰ Maamina ¿chi maka berrea b̶uuba Dachi Akõremaa maka berreai b̶uka? ¿Chokoba chi kabariimaa naka jarai b̶uka: «Bichiba sakãe mʉ jãka kasma?»

Romanos 9:20 ပူးပေါင်းရင်းမြစ်များ

Mateo 20:15

¿Bichimaarã, mʉ chi nejarra mʉʉba wau kʉ̃ria b̶uu kĩra wauwẽa b̶uka? Mʉ ẽbẽra sõbia niid̶eeba ¿bichi kĩru b̶uka?”

Lucas 12:14

Maamina Jesusba ichimaa jarasii: —Kõpaero, ¿kaiba mʉ b̶usma machi nebʉra ichiamera?

Romanos 14:4

¿Bichi kaima maka ab̶au baita bari trajabariimaa kachirua jarai baita? Ichi chibaríburu jarai biꞌia wau b̶uu maebʉrã kachirua wau b̶uu. Maamina Dachi Mechiuba jarai joma ichi baita bari trajabadaurãba biꞌia wau panuu, ichi poyaad̶eeba aid̶a b̶uud̶eeba biꞌia wau panad̶amera.

Romanos 2:1

Maka b̶uud̶e ab̶auba kʉ̃risiabai b̶uu Dachi Akõre daad̶e nebʉraswãe nii. Chi aude jipa wau b̶uu a b̶uuba maka kʉ̃risiabai b̶uu. Ab̶auba kachirua wau b̶uu a jaraaruud̶e ara ichi ʉ̃rʉbena jara b̶uu, ichia bid̶a ara mau kĩra waubariid̶eeba.

Romanos 2:3

Maka bichiba waabenarãba kachirua wau panuu aaruubʉrã, maamina ara mau wau b̶uubʉrã, kʉ̃risiabai b̶uu Dachi Akõreba mau nebʉra kastikaabai.

Romanos 9:21

¿Chi choko kabariiba wau kʉ̃ria b̶uu kĩra wauiwãe b̶uka? ¿Choko kĩrajʉʉ bara b̶uabarii ewari baitabena maud̶e barikia ewari baitabena sid̶a arab̶au ioroba kai b̶uwẽka?

Romanos 9:22

Ara mau kĩra Dachi Akõreba wau kʉ̃riad̶a naka wausii. Ẽbẽrarãba kachirua wau panuu baita Dachi Akõreba ichi kĩrubarii unubia b̶uud̶eeba maud̶e ichi poyaad̶eeba kastikaped̶a tʉbʉ aokod̶e jiratai basii. Maamina chi ãchiba kachirua wau panuu joma dauchia jãadua b̶uasii.

1 Corintios 1:20

Biawãra Dachi Akõreba nau iujãad̶ebena kʉ̃risia kuitaa biꞌiwãe b̶uu kuitaabiasii. Maud̶eeba ¿chi ãrea kuitaa nuree kãare sãasma? ¿Chi Moisesba b̶ʉd̶a jaradeabadaurã kãare sãasma? ¿Chi id̶ibaebena kʉ̃risia kuitaad̶eeba berreabadaurã kãare sãasma?

1 Corintios 7:16

Neekau, ¿bichiba kuitaa b̶uka Dachi Akõreba bichi mukĩra karibai bichi kakua? Ãba, ¿bichia bid̶a kuitaa b̶uka Dachi Akõreba bichi wẽra karibai bichi kakua?

1 Timoteo 6:5

Mau ẽbẽrarã kʉ̃risia biawãe nuree maud̶e biawãra berrea adua nuree sid̶a barikia oa kachirua berreabadau. Ãchiba kʉ̃risiabadau Dachi Akõred̶e ijãa b̶uud̶eeba chi nejarra adaud̶ai.

2 Timoteo 2:20

De mechiud̶e paratu nee waud̶a duanuu maud̶e parata waud̶a duanuu. Maud̶e bakuru waud̶a maud̶e ioro kad̶a sid̶a duanuu. Waabenarã biꞌia panuud̶eeba barikia ewari baita panuuwãema, maamina waabena barikia ewari baita panuu.

Tito 2:9

Chibari baita bari trajabadaurãmaa jaradease ãchi chibariba jara b̶uu joma waud̶amera. Ne joma biꞌia waud̶ai panuu ãchi chibariba biꞌia unumera. Ãchiba jaraaruu arakʉd̶e panaud̶aabai panuu.

Santiago 2:20

¡Bichi kʉ̃risiaswãe nii! Chi Jesucristod̶e ijãa b̶uu a b̶uuba biꞌia wauwẽebʉrã biawãra ijãawẽa b̶uu. ¿Mʉʉba bichimaa kuitaabii b̶uka?