Romanos 8:4 - Emberá Chamí

⁴ Ichiba maka wausii dachiba poyaa jipa waud̶amera Moisesba b̶ʉd̶ad̶e jara b̶uu kĩra. Jãabae dachi poyaa jipa nibad̶ai nau kakuaba wau kʉ̃ria b̶uud̶e nibad̶akaud̶eeba, maumaarã Dachi Akõre Jaurid̶eeba nibabadaud̶eeba.

Romanos 8:4 ပူးပေါင်းရင်းမြစ်များ

Lucas 1:6

Ãchi omea Dachi Akõre daad̶e jipa panasid̶au. Dachi Mechiuba waubii jarad̶a joma wau panuud̶eeba kachirua jarad̶ayuswãe panasid̶au.

Romanos 2:26

Maud̶e judiowãeba mau Moisesba b̶ʉd̶a wau b̶uubʉrã, mukĩra chi kakua tõowẽa b̶umina Dachi Akõre daad̶e mukĩra chi kakua tõo nii kĩra nii.

Romanos 3:31

Jesusd̶e ijãa panuud̶eeba ¿Moisesba b̶ʉd̶a ida b̶u panuka? Makawãema, maumaarã mau Moisesba b̶ʉd̶a biꞌia b̶uu unubadau.

2 Corintios 10:2

Maka jara panumina machimaa neeruud̶e dai kachirua jara panuu mʉʉba biawãra iadaai. Ãchiba jara panuu dai nau kakuaba kʉ̃ria b̶uu kĩra nibabadau. Maud̶eeba machi sid̶a iadaamaaba mʉʉba chi chuburia id̶iiruu jipa waud̶amera.

2 Corintios 10:3

Dai nau kakuad̶e panuu maamina nau kakuad̶eeba chĩo panuuwãe kachirua poyaad̶ai baita.

Gálatas 5:16

Maud̶eeba mʉʉba jaraaruu: Dachi Akõre Jaurid̶eeba nibásturu. Makaaruubʉrã machi kakuaba kachirua wau kʉ̃ria b̶uu waud̶aabai.

Colosenses 1:22

Maamina Cristo biusiid̶eeba Dachi Akõreba machi mau ome biꞌia b̶usii ichi daad̶e kachiruaswãe nuread̶amera maud̶e waabenarãba machi ʉ̃rʉbena kachirua jarad̶ayuswãe nuread̶amera.

Hebreos 12:23

Machi Dachi Akõre warrarã araa ãbua duanuumaa neesid̶au. Dachi Akõremaarã joma Ichi warr iminabʉ. Bajãad̶ebenad̶eeba ãchi trʉ̃ aria b̶ʉ kub̶uu. Machi chi dachi nebʉra joma kastikabariimaa neesid̶au. Chi ẽbẽrarã jipa nuree Dachi Akõreba biꞌia duanud̶amaa neesid̶au.

1 Juan 3:2

Ãbarã, dachi Dachi Akõre warrarãbʉ. Dachi Akõreba wabid̶a unubiawẽa b̶uu dachi saka nuread̶ai. Maamina kuitaa panuu Cristo neeruud̶e ichi kĩra nuread̶ai, mau ewarid̶e ichi saka nii unud̶aid̶eeba.

Judas 1:24

Dachi Akõreba machi poyaa nu ua b̶uai b̶uu kachiruad̶e b̶aerãad̶amera. Ichi kĩrawãrea daad̶e kachiruaswãe poyaa biꞌia b̶ui. Aria machi kĩrajʉʉ panad̶ai.

Apocalipsis 14:5

Maarãba b̶es ab̶a bid̶a setaa jarad̶akau. Bari kachiruaswãe nuree.