Romanos 8:38 - Emberá Chamí

^38-39 Maud̶eeba mʉʉba kuitaa b̶uu dachi biuduubʉrã maebʉrã chokae panuubʉrã, Dachi Akõreba dachi kʉ̃riad̶ebena awara panad̶aabai. Nau ewarid̶e maud̶e kaad̶ebena ewarid̶e awara panad̶aabai. Maud̶e angelerãba, jai kachiruarãba, chi jai kachirua mechiurãba, chi ʉtʉbenarãba, chi ekarebenarãba, maebʉrã ab̶a bid̶a Dachi Akõreba waud̶ad̶ebena bid̶a dachi ichiba kʉ̃riad̶ebena poyaa ãyaa duanud̶aabai. Ara mau kʉ̃ria, Dachi Mechiu Jesucristod̶eeba unubiasii.

Romanos 8:38 ပူးပေါင်းရင်းမြစ်များ

Juan 10:28

Mʉʉba jãarã Dachi Akõre ome ewaricha chokae b̶uabiabarii. Ewari ab̶a bid̶a wãꞌãed̶aabai maud̶e ab̶au bid̶a mʉ juad̶ebena poyaa juakaa adaud̶aabai.

Romanos 14:7

Ab̶a bid̶a ara ichid̶eeba chokae b̶uabai. Maud̶e ab̶a bid̶a ara ichid̶eeba biubai.

Romanos 14:8

Chokae panuud̶e Dachi Mechiu baita chokae panuu. Maud̶e biuduud̶e Dachi Mechiu baita biud̶ai. Maka chokae panuubʉrã maebʉrã biuped̶aad̶abʉrã Dachi Mechiud̶ebʉ.

Romanos 4:21

Kuitaa b̶uasii Dachi Akõreba waui jarad̶a biawãra joma poyaa waui.

Romanos 6:23

Biawãra kachirua wau panuu kakua ẽbẽrarã biud̶ai. Maamina Dachi Mechiu Jesucristod̶eeba Dachi Akõreba ewaricha chokae b̶uabiai, ne kaebea bari dea b̶uu kĩra.

1 Corintios 15:24

Kaad̶ebena ewarid̶e Cristoba jai kachiruarã jaradea ua b̶uabadaurã, jai kachiruarã mechiurã maud̶e jai kachirua meserãa nuree joma poyaai. Maabae ichid̶irã ichi juad̶e nuree Dachi Bajãad̶ebena Akõremaa deai.

2 Corintios 11:14

Jãarã ʉ̃rʉbena machiba kauwa kʉ̃risiad̶ai adua panuuwãema. Satanás sid̶a ángel ʉ̃d̶aad̶ebena kĩra neebarii.

2 Corintios 4:13

Dachi Akõre bed̶ead̶e b̶ʉ kub̶uu: «Mʉʉba Dachi Akõred̶e ijãasiid̶eeba berreasii». Ara mau kĩra daiba Dachi Akõred̶e biawãra ijãa panuud̶eeba ichi ʉ̃rʉbena berrea panuu.

Efesios 1:21

Dachi Akõreba ichi jomaurã mechiu b̶usii: jai kachirua karrarã audeara, bajãad̶ebena chi mechiu nuree audeara, chi poyaabadau audeara maud̶e chi aude jua chaarea nuree audeara. Nau ewarid̶e ichi jomaurã audeara chi mechiu nii maud̶e kaad̶ebena ewarid̶e bid̶a maka b̶uai.

Colosenses 1:16

Ichid̶eeba Dachi Akõreba ne joma wausii. Bajãad̶e nuree, nau druad̶e nuree, dachiba unubadau maud̶e dachiba unud̶akau joma wausii. Joma chi dachiba unud̶akau jaradea ua b̶uabadaurã, chi mechiurã maud̶e chi meserãa nuree wausii. Dachi Akõreba Cristod̶eeba joma wausii maud̶e Cristo baita wausii.

Colosenses 2:15

Maud̶eeba Dachi Akõreba joma dachiba unud̶akau chi mechiu nuree poyaasii. Mau waud̶a ichiba jomaurãmaa unubiasii.

2 Timoteo 1:12

Mau baita mʉ maka biꞌiwãe b̶uu. Maamina kĩrakayayuwãe b̶uu. Mʉʉba kuitaa b̶uu kaid̶e ijãa b̶uu. Maud̶e kuitaa b̶uu mʉʉba ichi juad̶e b̶ud̶a, ichiba poyaa nui b̶uu ab̶a ichiba kastikai ewarid̶aa.

Hebreos 11:13

Joma maarã ẽbẽrarã Dachi Akõred̶e ijãa badaped̶aad̶a biusid̶au. Maamina Dachi Akõreba deai jarad̶a ãchiba nau iujãad̶e adaud̶aabasii. Maamina kuitaasid̶au kaad̶ebena ewarid̶e ichiba joma deai. Maud̶eeba kĩrajʉʉsid̶au maud̶e arakʉd̶e jarasid̶au nau iujãad̶e ãchi ãyarebena druad̶ebena kĩra duanuu maud̶e ãibena druacha duanuu.

1 Pedro 3:22

Jesucristo chokae jiraduped̶a, bajãad̶aa wãped̶a Dachi Akõre jua biare b̶uu. Joma angelerã, joma jai kachiruarã chi mechiurã maud̶e chi meserãa nuree ichi juad̶e uru b̶uu.