Romanos 8:26 - Emberá Chamí

²⁶ Mau awara ara dachi du ab̶a poyaara panuud̶eeba Dachi Akõre Jauriba aid̶a b̶uu. Biawãra adua panuu saka Dachi Akõremaa arakʉd̶e ʉtaa id̶id̶ai. Maamina Dachi Akõre Jauriba chi bed̶ea dachiba poyaa berread̶akaud̶eeba dachi kakua Dachi Akõremaa ʉtaa id̶ibarii.

Romanos 8:26 ပူးပေါင်းရင်းမြစ်များ

Mateo 10:20

Ara machi kʉ̃risiad̶eeba berread̶aabai, maumaarã machi kakua Dachi Akõre Jauri berreai.

Mateo 20:22

Maud̶e Jesusba jarasii: —Machiba adua panuu kãare id̶i panuu. Mʉ ãrea biꞌiwãe b̶uai. ¿Machi sid̶a biawãra ara mau kĩra ãrea biꞌiwãe panad̶ai kʉ̃ria panuka? Ãchiba panausid̶au: —Maerã, poyaa biꞌiwãe panad̶ai panuu.

Lucas 22:44

Jesús ãrea kĩra nomaa b̶uud̶eeba Dachi Akõremaa waya ʉtaa id̶isii. Maud̶e ichi jʉa oa kĩra iorod̶e b̶aesii.]

Juan 14:16

Maud̶eeba mʉ Chachamaa id̶ii machi Karibabarii bʉimera. Mau machi baara ewaricha b̶uai.

Romanos 15:1

Dachiba ijãa panuu ʉ̃rʉbena ãrea kuitaa nureerãba dachiba kʉ̃ria panuu waud̶ai audeara, chi adua nuree aid̶ad̶ai panuu.

Romanos 7:24

¡Mʉ miichuburi! ¿Kaiba mʉ enaima nau chi kakua biui b̶uuba kachirua wau kʉ̃ria b̶uud̶ebena?

Romanos 8:15

Machiba Dachi Akõre Jauri adausid̶aud̶e machi wapeabiabasii, chi chibari baita bari trajabarii makabarii kĩra. Maumaarã machi duanusii Dachi Akõre warrarã bad̶amera maud̶e «Chacha» ad̶amera.

2 Corintios 5:2

Maud̶eeba nau kakuad̶e panuud̶e dachiba chi bajãad̶ebena kakua ãrea adaud̶ai kʉ̃ria panuu.

2 Corintios 5:4

Biawãra dachi nau kakuad̶e panuud̶e ãrea biꞌiwãe panabadau maud̶e kĩra nomaa berreabadau. Maamina mʉʉba jarawẽa b̶uu dachi biu kʉ̃ria panuu nau kakua uru paneed̶amaaba. Maumaarã bajãad̶ebena kakua adau kʉ̃ria panuu. Maka dachi kakua biui b̶uu wãꞌãeped̶a dachi kakua biukau b̶eei.

Gálatas 4:6

Machi Dachi Akõre warrarãd̶eeba ichi Warr Jauri bʉisii machi sõd̶e b̶uamera. Ichi Jauri dachi sõd̶e b̶uuba «¡Mʉ Chacha!» abarii kuitaad̶amera dachi Ichi warrarãbʉ.

Efesios 2:18

Cristod̶eeba dachi omeeba arab̶au Bajãad̶ebena Akõremaa poyaa ara kaita need̶ai, ichi arab̶au Jaurid̶eeba.

Efesios 6:18

Ewaricha ne joma baita Dachi Akõre Jaurid̶eeba ʉtaa id̶i panásturu. Dau ʉ̃rʉma panuud̶eeba, joma ichi ẽbẽrarã baita kakua ãkaad̶awẽa ʉtaa id̶i panásturu.

Hebreos 4:15

Jesús dachi Paare Mechiuba kuitaa b̶uu dachi meserãaswãe nuree. Jʉbawãe niiba mau kachiruad̶e b̶aebii chaa b̶uasii dachi kachiruad̶e b̶aebii chaa b̶uabarii kĩra. Makasmina Jesusba kachirua waubasii.

Hebreos 5:2

Ẽbẽrarãba adua panuud̶eeba kachirua wauped̶aad̶a paare mechiuba poyaa kuitaa b̶uu kĩra chuburiai baita, ichia bid̶a arab̶aud̶e waubariid̶eeba.

Santiago 4:3

Maud̶e machiba Dachi Akõremaa ʉtaa id̶iiduud̶e ne poyaa adaud̶akau kʉ̃risia kachiruad̶eeba ʉtaa id̶ibadaud̶eeba. Machiba ʉtaa id̶ibadau, ara machiaburu kʉ̃ria panuu kĩra waud̶ai baita.