Romanos 8:13 - Emberá Chamí

¹³ Machi nau kakuaba wau kʉ̃ria b̶uud̶eeba nibaaduubʉrã biud̶ai. Maamina chi nau kakuaba kachirua wau kʉ̃ria b̶uu Dachi Akõre Jaurid̶eeba ida b̶uuduubʉrã, Dachi Akõre ome chokae panad̶ai.

Romanos 8:13 ပူးပေါင်းရင်းမြစ်များ

Romanos 6:21

Maamina kachirua wau panuud̶eeba ¿kãare biꞌia adausid̶ama? ¿Maka wau panad̶a kakua, kĩra nejasia panuuwãeka? Kachirua wau panuu kakua ẽbẽrarã biud̶ai.

Romanos 6:23

Biawãra kachirua wau panuu kakua ẽbẽrarã biud̶ai. Maamina Dachi Mechiu Jesucristod̶eeba Dachi Akõreba ewaricha chokae b̶uabiai, ne kaebea bari dea b̶uu kĩra.

Romanos 7:5

Dachi nau kakuaba wau kʉ̃ria b̶uud̶eeba nibasid̶aud̶e Moisesba b̶ʉd̶ad̶e jara b̶uu kakua kachirua aude wau kʉ̃riasid̶au. Maud̶e kachirua waud̶ai panuu kakua biud̶ai panasid̶au.

Romanos 8:12

Maud̶eeba ãbarã, dachi biawãra Dachi Akõre Jaurid̶eeba nibad̶ai panuu. Nau kakuaba wau kʉ̃ria b̶uud̶eeba nibad̶aabai panuu.

1 Corintios 9:27

Maumaarã mʉ kakua chaarea wau b̶uu maud̶e mʉ kakuaba waubai b̶uu mʉʉba waubi b̶uu. Maka joma wau b̶uu Dachi Akõreba deai jarad̶a adaui baita. Maka wauwẽebʉrã, mʉʉba ẽbẽrarãmaa jaradea b̶uasmina Dachi Akõreba deai jarad̶a poyaa adaubai.

Gálatas 5:24

Cristod̶erãba chi nau kakuaba ne joma kachirua wau kʉ̃ria b̶uu cruzd̶e jirab̶u beasid̶au.

Gálatas 6:8

Maud̶eeba nau kakuaba kachirua wau kʉ̃ria b̶uu ab̶auba wau b̶uubʉrã, Dachi Akõreba mau ẽbẽra ichiai. Maamina Dachi Akõre Jauriba kʉ̃ria b̶uu ab̶auba wau b̶uubʉrã, Dachi Akõreba mau ẽbẽra ewaricha ichi ome chokae b̶ui.

Efesios 4:22

Ãchimaa jaradeaped̶aad̶a naubʉ: naed̶e machiba wau panad̶a kĩra waa maka nibarã́sturu. Chi kakua kachirua wau kʉ̃ria b̶uuba setad̶eeba biꞌiwãe paneebiabarii. Mau ida b̶ústuru, paru sore ẽebadau kĩra.

Efesios 4:30

Kachirua wauduuba Dachi Akõre Jauri kĩra nomaabirã́sturu. Dachi Akõreba mau machimaa deasii ichid̶irã kuitaa panad̶amera. Ichi Jauri machi baara b̶uai ab̶a Dachi Akõreba ichi ẽbẽrarã joma biꞌia b̶ui ewarid̶aa.

Efesios 5:18

Ituaba biu nibarã́sturu. Mauba kachirua aude waubibarii. Biu nibad̶ai audeara Dachi Akõre Jaurid̶eeba nureásturu.

Tito 2:12

Mauba dachimaa kuitaabia b̶uu ne joma kachirua maud̶e nau iujãad̶ebenarãba kʉ̃riabadau ida b̶ud̶ai panuu. Maud̶e kuitaabia b̶uu dachi nau iujãad̶e panuud̶e kʉ̃risia sõbiad̶eeba dachi kakua kĩra jipa nibad̶ai panuu Dachi Akõreba kʉ̃ria b̶uu kĩra.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

1 Pedro 2:11

Mʉ ãbarã, nau iujãad̶e machi ãibena druad̶ebenarãb̶u. Maud̶eeba mʉʉba machimaa chi chuburia id̶iiruu nau kakuaba kachirua wau kʉ̃ria b̶uu ida b̶ud̶amera. Mau ara dachi ome chĩo b̶uu.