Romanos 8:10 - Emberá Chamí

¹⁰ Maamina Cristo machi sõd̶e b̶uubʉrã, machi jauri chokae b̶uu Dachi Akõreba machi nebʉraswãe nuree a b̶uud̶eeba. Machiba kachirua wau panad̶a kakua nau kakuad̶e biud̶ai.

Romanos 8:10 ပူးပေါင်းရင်းမြစ်များ

Juan 14:23

Jesusba panausii: —Chi mʉ kʉ̃ria b̶uuba mʉ bed̶ea wau b̶uai. Maud̶e mʉ Chachaba mau kʉ̃ria b̶uai. Maabae dai ichimaa need̶ai ichi baara panad̶ai baita.

Juan 15:5

»Mʉ uva bakurubʉ. Machi mʉ bakuru juabʉ. Chi mʉ baara nuree Dachi Akõreba kʉ̃ria b̶uu ãrea waud̶ai, mʉ machi baara niid̶eeba. Machiba mʉʉswãe Dachi Akõre baita poyaa waud̶aabai.

Juan 17:23

Mʉ ãchi ome b̶uud̶eeba maud̶e bichi mʉ ome b̶uud̶eeba dachi joma ãbua chi kakua ab̶a nii kĩra panad̶ai. Maka nau iujãad̶e nureeba kuitaad̶ai bichiba mʉ bʉisii maud̶e kuitaad̶ai bichiba ãchi kʉ̃ria b̶uu mʉ kʉ̃ria b̶uu kĩra.

Juan 4:14

Maamina chi mʉʉba dea b̶uu bania dooruubʉrã waa obisiabai. Chi mʉʉba dea b̶uu bania ichid̶e ewaricha che b̶uu maud̶e mau ẽbẽra Dachi Akõre ome ewaricha chokae b̶uai.

Juan 6:54

Mʉ kakua chi biawãra chikobʉ. Mʉ oa chi biawãra dobadaubʉ. Maud̶eeba chi mʉ kooruu maud̶e chi mʉ oa dooruu Dachi Akõre ome ewaricha chokae b̶uai. Nau iujãa baribai ewarid̶e mʉʉba mau ẽbẽra chokae jiradubii.

Juan 6:56

Chi mʉ kooruu maud̶e chi mʉ oa dooruu mʉ ome b̶uu maud̶e mʉ ichi ome b̶uu.

Romanos 5:12

Ẽbẽra ab̶ad̶eeba kachirua nau iujãad̶e neesii. Maud̶e mau kachiruad̶eeba dachi biud̶ai neesii. Jomaurãba kachirua waubadaud̶eeba biubadau.

Romanos 5:21

Biawãra ẽbẽrarãba kachirua waubadaud̶eeba biubadau. Maamina Dachi Akõreba ichi sõbiad̶eeba ẽbẽrarã chi ichid̶irã jipa nuree baara duanubarii Dachi Mechiu Jesucristod̶eeba ewaricha ichi ome chokae panad̶amera.

Romanos 8:11

Maamina ichi Jauri machi sõd̶e b̶uud̶eeba, ichid̶eeba machi chi kakua biui b̶uu chokae jiradubii, Cristo Jesús chokae jiradubid̶a kĩra.

1 Corintios 15:45

Dachi Akõre bed̶ead̶e b̶ʉ kub̶uu: «Chi nabena ẽbẽra Adán abadau Dachi Akõreba chokae b̶uabisii». Maamina Cristo chi kaad̶ebena Adán abadau b̶usii ichi jaurid̶eeba chokae b̶uai deamera.

2 Corintios 13:5

Ara machicha ãrea kʉ̃risiásturu biawãra Jesusd̶e ijãa panuu kuitaad̶ai baita. Ara machicha ãrea ichiásturu jipa nibad̶a kuitaad̶ai baita. ¿Machiba adua panuka Jesucristo machi sõd̶e b̶uu? Machi sõd̶e b̶uuwãebʉrã ichid̶irãwãema.

2 Corintios 4:11

Biawãra dai wabid̶a chokae panuud̶e Jesús kakua ẽbẽrarãba dai bea kʉ̃ria panad̶ai. Maka dai chi kakua biui b̶uud̶eeba jomaurãba Jesús chokae b̶uu unud̶ai.

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

Gálatas 2:20

Mʉ Cristo ome cruzd̶e ãbua jirab̶usid̶au. Maud̶eeba ara mʉʉd̶eeba b̶uwãema, maumaarã Cristo mʉ sõd̶e b̶uu. Nau kakuad̶e chokae b̶uumisa mʉ Dachi Akõre Warr Jesusd̶eeba nibai. Ara mau Jesús, Dachi Akõreba waubi b̶uu wausiid̶eeba, mʉ kʉ̃riasii maud̶e mʉ kakua ichi ida beabisii.

Efesios 3:17

Maud̶e ʉtaa id̶i b̶uu ijãa panuud̶eeba Cristo machi sõd̶e b̶uamera maud̶e machi ne jomad̶e kʉ̃riad̶eeba panad̶amera. Maka chaarea nuread̶ai ãrea karr jidau panuu kĩra.

Filipenses 1:23

Chaarea b̶uu jarai baita mau omed̶ebena sãu aude biꞌia b̶uu. Mʉʉmaarã biꞌia b̶uu biui, Cristo ome b̶uai baita.

Filipenses 3:9

maud̶e ichi ome b̶uai baita. Mʉ ichi ome b̶uuwãe chi Moisesba b̶ʉd̶ad̶eeba, maumaarã maka nii Cristoba ichi Akõreba jarad̶a kĩra wausiid̶eeba, dachi kakua biusiid̶eeba. Mʉʉba Cristod̶e ijãa b̶uud̶eeba, Dachi Akõreba mʉ ichi ome uru b̶uu.

Colosenses 1:27

Mau bed̶ea naed̶e kuitaabiawẽa b̶uad̶a, ichid̶irãmaa kuitaabiasii. Mau bed̶ea bia chi judiowãerã baita bid̶a b̶uu. Ichiba kuitaabiawẽa b̶uad̶a nau: Cristo machi sõd̶e b̶uu. Ichid̶eeba kuitaa panuu ichi biad̶eeba ne adaud̶ai.

1 Tesalonicenses 4:16

Maumaarã Dachi Mechiu bajãad̶ebena neei. Berrearuu jĩwa ũrid̶ai, ángel chi mechiu sid̶a berrearuu ũrid̶ai, maud̶e Dachi Akõre kachu jĩwa chaaruu ũrid̶ai. Maud̶e chi Cristod̶e ijãabadaurã biuped̶aad̶a naa chokae jiradud̶ai.

Hebreos 12:23

Machi Dachi Akõre warrarã araa ãbua duanuumaa neesid̶au. Dachi Akõremaarã joma Ichi warr iminabʉ. Bajãad̶ebenad̶eeba ãchi trʉ̃ aria b̶ʉ kub̶uu. Machi chi dachi nebʉra joma kastikabariimaa neesid̶au. Chi ẽbẽrarã jipa nuree Dachi Akõreba biꞌia duanud̶amaa neesid̶au.

Hebreos 9:27

Joma b̶es ab̶aburu biud̶ai. Mau maad̶akare Dachi Akõreba nebʉra ichiai.

Apocalipsis 14:13

Mau maad̶akare mʉʉba bajãad̶e ab̶aba jaraaruu ũrisii: «Chi kartad̶e naka b̶ʉse: “Id̶iid̶eeba chi Dachi Mechiud̶e ijãa biubadaurã biꞌia panad̶ai”». Maud̶e Dachi Akõreba naka jarasii: «Biawãra biꞌia panad̶ai. Maarã biꞌiwãe panad̶ad̶ebena kʉrrjĩru panad̶ai, maarãba biꞌia wauped̶aad̶a waa chau kãriid̶eeba».