Romanos 7:24 - Emberá Chamí

²⁴ ¡Mʉ miichuburi! ¿Kaiba mʉ enaima nau chi kakua biui b̶uuba kachirua wau kʉ̃ria b̶uud̶ebena?

Romanos 7:24 ပူးပေါင်းရင်းမြစ်များ

Mateo 5:4

Biꞌia panuu machi kĩra nomaa nuree, Dachi Akõreba mau kĩra nomaa wãꞌaebiid̶eeba.

Mateo 5:6

Biꞌia panuu chi sõd̶eeba jipa wau kʉ̃riabadau, machiba kʉ̃ria b̶ee Dachi Akõreba deaid̶eeba.

Lucas 4:18

«Dachi Akõre Jauri mʉ ome b̶uu. Mauba mʉ b̶usii chi ne wãꞌãe nureerãmaa jaramera Dachi Akõreba ãchi karibai. Ichiba mʉ bʉisii chi kĩra nomaa nuree sõbia paneebiamera, jidau adoeped̶aad̶arã enatad̶ai jaramera, dau pãriu nureerã unubiamera, chi barau nuree juad̶e biꞌiwãe nuree juakaa adaud̶amera, maud̶e jaramera Dachi Mechiuba ẽbẽrarã ne bia waui ewari basii».

Romanos 6:6

Dachiba kuitaa panuu dachi kʉ̃risia chõra biusii Cristo baara cruzd̶e jirab̶uped̶aad̶a kĩra. Maka dachi kʉ̃risia chõraba nau kakuaba kachirua wau kʉ̃ria b̶uu waa poyaa waubiibai. Dachi waa kachirua baita bari trajabadaurãwãema.

Romanos 8:13

Machi nau kakuaba wau kʉ̃ria b̶uud̶eeba nibaaduubʉrã biud̶ai. Maamina chi nau kakuaba kachirua wau kʉ̃ria b̶uu Dachi Akõre Jaurid̶eeba ida b̶uuduubʉrã, Dachi Akõre ome chokae panad̶ai.

Romanos 8:2

Cristod̶eeba Dachi Akõre Jauriba dachimaa chi chokae b̶uai chiwid̶i deasiid̶eeba, dachi kachiruad̶ebena maud̶e biud̶ai bad̶ad̶ebena enakuasii.

Romanos 8:23

Maud̶e dachia bid̶a puꞌuaba isa neebii esed̶au panuu, Dachi Akõreba dachi chi kakua biꞌia b̶umera. Ichi warrarã adauruud̶e maka waui. Ichi Jauri dachimaa naed̶e deasii biawãra dachi ichi warrarã kuitaad̶amera.

Romanos 8:26

Mau awara ara dachi du ab̶a poyaara panuud̶eeba Dachi Akõre Jauriba aid̶a b̶uu. Biawãra adua panuu saka Dachi Akõremaa arakʉd̶e ʉtaa id̶id̶ai. Maamina Dachi Akõre Jauriba chi bed̶ea dachiba poyaa berread̶akaud̶eeba dachi kakua Dachi Akõremaa ʉtaa id̶ibarii.

Colosenses 2:11

Machi ichid̶irã nureed̶eeba, machi mukĩra chi kakua tõoped̶aad̶a kĩra nuree. Maamina ẽbẽra juaba maka waud̶aabasii. Maumaarã jara b̶uu dachi kakuaba kachirua wau kʉ̃ria b̶uud̶ebena karibasii. Mau mukĩra chi kakua tõod̶a Cristoba wausii.

2 Timoteo 4:18

Ichiba joma mʉ kachirua wauruud̶ebena karibai. Mʉ biꞌia nuped̶a bajãad̶aa adooi, ichid̶irã ichi juad̶e ua b̶uud̶aa. Ewaricha ichimaa ãrea biꞌia berread̶ai panuu. Biꞌia b̶uu maka b̶uai.

Tito 2:14

Dachi baita Jesucristoba ara ichi ida beabisii ne joma kachiruad̶ebena karibai baita. Dachi ara ichi baita biꞌia b̶usii ichi puurud̶e panad̶amera maud̶e ne joma biꞌia wau kʉ̃ria panad̶amera.

Hebreos 2:15

Jesusba jʉbawãe nii poyaasiid̶eeba, biud̶ai baita wapea nuread̶a ichiba joma karibakuasii. Ewaricha biud̶ai wapea panuud̶eeba ãchi kĩra nomaa panasid̶au bari trajabadaurã kĩra.

Apocalipsis 21:4

Ãchi dau b̶aa ichiba joma poabiai. Naed̶e b̶uad̶a joma wãꞌãesiid̶eeba, maarã waa biud̶aabai, jẽad̶aabai, kĩra nomaa jẽad̶aabai, maud̶e waa biꞌiwãe panad̶aabai».