Romanos 7:23 - Emberá Chamí

²³ Maamina june kʉ̃risia sid̶a mʉ sõd̶e b̶uu. Mauba mʉ jʉ̃a uru b̶uu kĩra mʉʉmaa kachirua waubibarii. Chi mʉʉba biꞌia wau kʉ̃ria b̶uu mau kʉ̃risiaba ida waubi kʉ̃riakau, ne bia waui kʉ̃risia ome chĩo b̶uu kĩra.

Romanos 7:23 ပူးပေါင်းရင်းမြစ်များ

Romanos 6:13

Machi kakuamaa ida kachirua waubirã́sturu. Maumaarã ara machi Dachi Akõremaa deásturu. Machi kachiruad̶e biu panad̶a Dachi Akõre baita chokae paneesid̶au. Maud̶eeba machi chi kakua Dachi Akõremaa deásturu jipa waud̶ai baita.

Romanos 6:19

Mʉʉba maka berrea b̶uu nau kʉ̃risia jaradeai baita. Maka jaradea b̶uu machiba ãi kʉ̃risiarãad̶amera. Biawãra naed̶e ara machi du ab̶a deasid̶au kachirua baita bari trajabadaurã nuread̶ai baita. Maka machiba mia pera wausid̶aud̶e joma kachirua ewaricha aude wau panabachid̶au. Maamina jãabae Dachi Akõre baita bari trajabadaurãd̶eeba, ara machi du ab̶a deásturu jipa waud̶ai baita. Maka Dachi Akõre baita biꞌia nuread̶ai.

Romanos 7:14

Dachiba kuitaa panuu Moisesba b̶ʉd̶a Dachi Akõre Jaurid̶eeba neesii. Maamina mʉ nau kakuad̶e b̶uu. Mʉ nedobʉid̶a kĩra b̶uu kachirua baita bari trajabarii b̶uamera.

Romanos 7:21

Maud̶eeba nau kuitaa b̶uu: mʉʉba biꞌia wau kʉ̃ria b̶umina kachirua mʉ sõd̶e b̶uuba kachirua waubibarii.

Romanos 7:25

Mau Dachi Akõréburu Dachi Mechiu Jesucristod̶eeba mʉ karibai. Maud̶eeba mʉʉba ichíturu kid̶ibai aaruu. Biawãra mʉ kʉ̃risiad̶e Moisesba b̶ʉd̶a wau kʉ̃ria b̶uu, maamina nau kakuad̶e b̶uud̶eeba kachirua mʉ sõd̶e b̶uuba kachirua waubibarii.

Romanos 7:5

Dachi nau kakuaba wau kʉ̃ria b̶uud̶eeba nibasid̶aud̶e Moisesba b̶ʉd̶ad̶e jara b̶uu kakua kachirua aude wau kʉ̃riasid̶au. Maud̶e kachirua waud̶ai panuu kakua biud̶ai panasid̶au.

Romanos 8:2

Cristod̶eeba Dachi Akõre Jauriba dachimaa chi chokae b̶uai chiwid̶i deasiid̶eeba, dachi kachiruad̶ebena maud̶e biud̶ai bad̶ad̶ebena enakuasii.

Gálatas 5:17

Nau kakuaba kachirua wau kʉ̃ria b̶uu Dachi Akõre Jauriba kʉ̃riakau. Maud̶e Dachi Akõre Jauriba waubii kʉ̃ria b̶uu nau kakuaba kʉ̃riakau. Mau ãbua biꞌia panad̶akaud̶eeba machiba wau kʉ̃ria panuu poyaa waud̶aabai.

Hebreos 12:4

Machi kachirua ome chĩo panumina wabid̶a machi bead̶awẽa panuu Jesús beaped̶aad̶a kĩra.

Santiago 3:2

Joma dachiba ãrea biꞌiwãe waubadau. Ab̶auba berrearuud̶e ab̶a sõ puꞌuabikaubʉrã, ne jomad̶e jipa nii maud̶e ichi kakua joma jipa b̶uu.

Santiago 4:1

¿Machi sakãe chĩobadama maud̶e oa kachirua berreabadama? Machiba kachirua wau kʉ̃ria panuu machi sõd̶e chĩo b̶uu maka waud̶amera.

1 Pedro 2:11

Mʉ ãbarã, nau iujãad̶e machi ãibena druad̶ebenarãb̶u. Maud̶eeba mʉʉba machimaa chi chuburia id̶iiruu nau kakuaba kachirua wau kʉ̃ria b̶uu ida b̶ud̶amera. Mau ara dachi ome chĩo b̶uu.