Romanos 7:14 - Emberá Chamí

¹⁴ Dachiba kuitaa panuu Moisesba b̶ʉd̶a Dachi Akõre Jaurid̶eeba neesii. Maamina mʉ nau kakuad̶e b̶uu. Mʉ nedobʉid̶a kĩra b̶uu kachirua baita bari trajabarii b̶uamera.

Romanos 7:14 ပူးပေါင်းရင်းမြစ်များ

Mateo 16:23

Maamina Jesusba waya ichiaped̶a Pedromaa jarasii: —¡Satanás, mʉ jãkaabena ãyaa wãse! Mʉʉba waui b̶uu bichiba ida kabiwẽe. Bichiba Dachi Akõre kĩra kʉ̃risiawẽa b̶uu. Maumaarã ẽbẽra kĩra kʉ̃risia b̶uu.

Mateo 18:25

Mauba uru b̶uabasiid̶eeba kãareba paayu, chi reyba jarasii chi bari trajabarii kĩra nedobʉid̶amera; chi wẽra ome, chi warrarã maud̶e joma chi ne uru b̶uu baara.

Mateo 5:22

Maamina mʉʉba jaraaruu: barikiu waabena ome kĩruuruubʉrã Dachi Akõreba kastikai. Barikiuba waabenamaa sũreena aaruubʉrã machi jaradea ua b̶uabadaurãba kastikad̶ai. Maud̶e barikiuba waabenamaa kachirua jaraaruubʉrã, Dachi Akõreba tʉbʉchia aoko kub̶uu kiikaud̶aa wãbii.

Mateo 5:28

Maamina mʉʉba machimaa jaraaruu: mukĩra ab̶aba wẽra ichiaped̶a kʉ̃riaibʉrã ab̶aed̶e mau wẽra ome ichi sõd̶e kachirua wausii.

Lucas 5:8

Simón Pedro maud̶e ichi baara panuu bid̶a b̶eda ãrea jidauped̶aad̶a unusid̶aud̶e kãare kʉ̃risiad̶ai adua basii. Ichi ome panuu Santiago maud̶e Juan basii. Maarã Zebedeo warrarã basii. Maud̶e Simón Jesús daad̶e wãped̶a õdarrd̶e kob̶eeped̶a jarasii: —Mʉ Mechiu, bibuara b̶uu bichi mʉ jãkaabena ãyaa wãi, mʉ kachirua waubariid̶eeba. Jesusba Simonmaa jarasii: —Perarã́se, id̶iid̶eeba bichiba mʉ baita ẽbẽra jidaubarii b̶eei.

Lucas 7:6

Maka jarasid̶aud̶eeba Jesús maarã ome kokoroarã jaradea ua b̶uabarii deed̶aa wãsii. Maamina de kaita needuud̶e kokoroarã jaradea ua b̶uabariiba ichi kõpaerorã Jesusmaa naka jarad̶e bʉisii: «Mʉ mechiu, mʉ bichi kĩra biꞌia niiwãed̶eeba, mʉ ded̶e neebai b̶uu.

Romanos 3:9

Maud̶eeba ¿kãare jarad̶aima? ¿Jarad̶aika dai chi judiorã waabenarã audeara biꞌia nuree? ¡Makawãema! Mʉʉba nau kartad̶e kuitaabiasii judiorãba maud̶e judiowãerã bid̶a kachirua waubadau.

Romanos 6:6

Dachiba kuitaa panuu dachi kʉ̃risia chõra biusii Cristo baara cruzd̶e jirab̶uped̶aad̶a kĩra. Maka dachi kʉ̃risia chõraba nau kakuaba kachirua wau kʉ̃ria b̶uu waa poyaa waubiibai. Dachi waa kachirua baita bari trajabadaurãwãema.

Romanos 7:18

Mʉʉba kuitaa b̶uu mʉ sõd̶e ne bia wãꞌãema. Biꞌia jaraaruubʉrã, mʉ nau kakuad̶e b̶uud̶eeba ara mʉʉba kʉ̃ria b̶uud̶eeba biꞌia poyaa waukau. Mʉʉba biꞌia wau kʉ̃ria b̶umina poyaa waukau.

Gálatas 4:3

Ara mau kĩra Cristod̶e ijãad̶ai naed̶e dachi warraed̶ebena kĩra nureasii. Mau ewarid̶e dachiba nau iujãad̶ebena jauri mechiurã ijãa panasid̶au, chibari baita bari trajabarii kĩra.

Efesios 3:8

Joma ẽbẽrarã Dachi Akõred̶erã tãed̶e mʉ kaebeu nimina, ichi sõbiad̶eeba mʉ b̶usii judiowãerãmaa Cristo ʉ̃rʉbena ne bia chi wãꞌãekau jaradead̶e wãmera.

Hebreos 4:12

Biawãra Dachi Akõre bed̶ea chokae nii maud̶e poyaabarii nii. Ichi bed̶ea espada muriacha peed̶ea kĩra b̶uu. Ichi bed̶eaba dachi kʉ̃risia maud̶e dachi sõba wau kʉ̃ria b̶uu joma arakʉd̶e kuitaabiabarii dachi kʉ̃risia, dachi jauri maud̶e dachi sõ id̶u tõoruu kĩra.