Romanos 7:11 - Emberá Chamí

¹¹ Moisesba b̶ʉd̶ad̶e jara b̶uu kakua mʉʉba kachirua aude wau kʉ̃riasii. Maabae kachiruaba mʉ setaa kũruasii kʉ̃risiamera Moisesba b̶ʉd̶aba jipa b̶uai. Maamina ũrikaud̶eeba biui b̶uasii.

Romanos 7:11 ပူးပေါင်းရင်းမြစ်များ

Romanos 3:20

Biawãra Moisesba b̶ʉd̶a wau b̶uud̶eeba ẽbẽra ab̶a bid̶a Dachi Akõreba chi ichid̶irã jipa nuree baara duanuubai. Mau Moisesba b̶ʉd̶ad̶eeba kuitaabia b̶uu dachiba kachirua waubadau.

Romanos 7:13

Makarã ¿Moisesba b̶ʉd̶a biꞌia b̶uuba mʉ biubiska? ¡Makawãema! Maumaarã kachirua wau b̶uu kakua mʉ maka biui b̶uasii. Mʉʉba kachirua wau b̶uu kakua mau Moisesba b̶ʉd̶a biꞌia b̶uuba jara b̶uu mʉ biui b̶uu. Maka arakʉd̶e unubi b̶uu chi kachirua saka b̶uu. Mʉʉba kachirua wau b̶uu biawãra ãrea kachirua b̶uu.

Romanos 7:8

Maamina «kʉ̃riarã́bad̶e» asiid̶eeba kachirua wau kʉ̃ria b̶uud̶eeba mʉʉba ne joma aude kʉ̃riasii. Biawãra Moisesba b̶ʉd̶a wãꞌãe basirã aude kachirua wau kʉ̃riabai basii.

Efesios 4:22

Ãchimaa jaradeaped̶aad̶a naubʉ: naed̶e machiba wau panad̶a kĩra waa maka nibarã́sturu. Chi kakua kachirua wau kʉ̃ria b̶uuba setad̶eeba biꞌiwãe paneebiabarii. Mau ida b̶ústuru, paru sore ẽebadau kĩra.

Hebreos 3:13

Wabid̶a ãyadaa b̶uud̶eed̶e ewaricha chiya aid̶a panásturu biꞌia ijãad̶ai baita. Maka ab̶a bid̶a kachiruaba setaa kũruaped̶a sõ chaarea nureabai.

Santiago 1:22

Dachi Akõre bed̶ea jara b̶uu kĩra wau panásturu. Ab̶aburu ũriiduu panarã́sturu. Maka nureebʉrã, ara machi du ab̶a setaa kũrua nuread̶ai.

Santiago 1:26

Ab̶auba Dachi Akõred̶e ijãa b̶uu kʉ̃risia b̶uubʉrã, maamina ichi kẽrame biꞌia nuwẽebʉrã, ara ichi du ab̶a setaa kũrua b̶uu. Biawãra bari ijãa b̶uu.