Romanos 6:23 - Emberá Chamí

²³ Biawãra kachirua wau panuu kakua ẽbẽrarã biud̶ai. Maamina Dachi Mechiu Jesucristod̶eeba Dachi Akõreba ewaricha chokae b̶uabiai, ne kaebea bari dea b̶uu kĩra.

Romanos 6:23 ပူးပေါင်းရင်းမြစ်များ

Mateo 25:46

Maabae Dachi Akõreba maarã tʉbʉchia kiikaud̶aa bʉi, maamina chi jipa nuree eneei ichi baara ewaricha chokae panad̶amera.

Juan 10:28

Mʉʉba jãarã Dachi Akõre ome ewaricha chokae b̶uabiabarii. Ewari ab̶a bid̶a wãꞌãed̶aabai maud̶e ab̶au bid̶a mʉ juad̶ebena poyaa juakaa adaud̶aabai.

Juan 17:2

Bichiba joma ẽbẽrarã mʉ juad̶e b̶usii, chi mʉʉmaa dead̶akad̶acha ewaricha chokae duanubiamera.

Juan 3:36

Chi ichi Warrd̶e ijãa b̶uu Dachi Akõre ome ewaricha chokae b̶uai, maamina chi ichi Warr ida b̶u b̶uu Dachi Akõre ome ewaricha chokae b̶uabai. Mau Dachi Akõreba kastikai.

Juan 4:14

Maamina chi mʉʉba dea b̶uu bania dooruubʉrã waa obisiabai. Chi mʉʉba dea b̶uu bania ichid̶e ewaricha che b̶uu maud̶e mau ẽbẽra Dachi Akõre ome ewaricha chokae b̶uai.

Juan 4:36

Chi uu nub̶uu junad̶ai ewari neesii. Uu nub̶uu junaaduu kĩra machi trajad̶ai ẽbẽrarãba mʉʉd̶e ijãad̶amera. Maka ãchi Dachi Akõre baara ewaricha chokae duanad̶ai. Chi uu nub̶uu junabarii kĩrajʉʉbarii chi ichimaa paaduu adaui baita. Ara mau kĩra machi kĩrajʉʉd̶ai ẽbẽrarãba mʉʉd̶e ijãaduu kakua. Chi uu nub̶uu junabarii chi uubarii ome kĩrajʉʉ panad̶ai.

Juan 5:24

»Mʉʉba biawãra jaraaruu: barikiuba mʉ bed̶ea ũriped̶a mʉ bʉid̶a ijãaruubʉrã, mau ẽbẽra mau ome ewaricha chokae b̶uai. Dachi Akõreba mau ichiabai. Biawãra mau ẽbẽra biu b̶uad̶a chokae b̶uu.

Juan 6:27

Trajarã́sturu chiko b̶eraabarii nedod̶ai baita. Maumaarã trajásturu chi Dachi Akõre ome ewaricha chokae b̶uabibarii chiko nedod̶ai baita. Mau mʉ, chi Ẽbẽra Ba B̶uad̶aba deai. Dachi Akõreba mʉ mau baita b̶usii.

Juan 6:40

Mʉ Chachaba biawãra kʉ̃ria b̶uu ẽbẽrarãba mʉ ichi Warr kuitaad̶aped̶a ijãad̶ai ichi ome ewaricha chokae nuread̶amera. Makaburu mʉʉba ãchi nau baribai ewarid̶e chokae jiradubiai.

Juan 6:68

Simón Pedroba panausii: —Dai Mechiu, dai ¿kaimaa wãd̶aima? Ab̶a bichiaburu daimaa jaradeabarii Dachi Akõre ome ewaricha chokae nuread̶amera.

Romanos 1:32

Maarãba biꞌia kuitaa panuu Dachi Akõreba chi maka wau nuree ãrea kastikai. Maamina ara maka wau nibabadau maud̶e waabenarãba ara mau kĩra kachirua wauduud̶e mau biꞌia b̶uu a kʉ̃risiabadau.

Romanos 2:7

Chi nureerãba biꞌia wau panuu Dachi Akõreba maarã biꞌia unumera, biꞌia jaramera maud̶e ewaricha ãchi ome chokae b̶uamera. Maarã biawãra chokae panabiai.

Romanos 5:12

Ẽbẽra ab̶ad̶eeba kachirua nau iujãad̶e neesii. Maud̶e mau kachiruad̶eeba dachi biud̶ai neesii. Jomaurãba kachirua waubadaud̶eeba biubadau.

Romanos 5:17

Biawãra ẽbẽra ab̶aba kachirua waud̶a kakua joma biubadau. Maamina june ẽbẽrad̶eeba, mau kãyabãra ewaricha ichi ome chi reyrã kĩra panad̶ai. Mau Jesucristod̶eeba Dachi Akõreba ne ab̶a bid̶a deábad̶e awẽa, ichi sõbiad̶eeba ãrea karibaped̶a, ẽbẽrarã nebʉraswãe nuree a jarabarii.

Romanos 5:21

Biawãra ẽbẽrarãba kachirua waubadaud̶eeba biubadau. Maamina Dachi Akõreba ichi sõbiad̶eeba ẽbẽrarã chi ichid̶irã jipa nuree baara duanubarii Dachi Mechiu Jesucristod̶eeba ewaricha ichi ome chokae panad̶amera.

Romanos 6:16

Machiba kuitaa panuu ara machi du ab̶a ab̶aumaa bari trajabadaurã nuread̶ai baita deaduubʉrã, chi chibariba jaraaruu joma waud̶ai panuu. Ara mau kĩra machiba chi kachirua machi chibari kĩra b̶uuduubʉrã, kachirua waud̶aped̶a biud̶ai. Maamina Dachi Akõre machi chibari b̶uuduubʉrã, ichi bed̶ea wauduud̶e jipa nibad̶ai.

Romanos 6:21

Maamina kachirua wau panuud̶eeba ¿kãare biꞌia adausid̶ama? ¿Maka wau panad̶a kakua, kĩra nejasia panuuwãeka? Kachirua wau panuu kakua ẽbẽrarã biud̶ai.

Romanos 8:13

Machi nau kakuaba wau kʉ̃ria b̶uud̶eeba nibaaduubʉrã biud̶ai. Maamina chi nau kakuaba kachirua wau kʉ̃ria b̶uu Dachi Akõre Jaurid̶eeba ida b̶uuduubʉrã, Dachi Akõre ome chokae panad̶ai.

Romanos 8:38

Maud̶eeba mʉʉba kuitaa b̶uu dachi biuduubʉrã maebʉrã chokae panuubʉrã, Dachi Akõreba dachi kʉ̃riad̶ebena awara panad̶aabai. Nau ewarid̶e maud̶e kaad̶ebena ewarid̶e awara panad̶aabai. Maud̶e angelerãba, jai kachiruarãba, chi jai kachirua mechiurãba, chi ʉtʉbenarãba, chi ekarebenarãba, maebʉrã ab̶a bid̶a Dachi Akõreba waud̶ad̶ebena bid̶a dachi ichiba kʉ̃riad̶ebena poyaa ãyaa duanud̶aabai. Ara mau kʉ̃ria, Dachi Mechiu Jesucristod̶eeba unubiasii.

Romanos 8:6

Ab̶auba chi nau kakuaba wau kʉ̃ria b̶uu kʉ̃risia b̶uaruubʉrã biui. Maamina chi Dachi Akõre Jauriba kʉ̃ria b̶uu kʉ̃risia b̶uaruubʉrã jirukaraayuwãe b̶uai maud̶e Dachi Akõre ome chokae b̶uai.

Gálatas 3:10

Chi Moisesba b̶ʉd̶a wau panuud̶eeba chi Dachi Akõred̶e jipa nuree baara paneed̶ai kʉ̃risia nuree, nebʉra barau a b̶uu. Mau Moisesba b̶ʉd̶ad̶e naka b̶ʉ kub̶uu: «Nau Moisesba b̶ʉd̶a joma wauwẽa nii Dachi Akõreba nebʉra barau ai».

Tito 1:2

Chi maka ijãa panuuba Dachi Akõre ome ewaricha chokae panad̶ai baita esed̶au panuu, nau drua waui naed̶e Dachi Akõre setaa jarakauba maka waui asiid̶eeba.

Santiago 1:15

Kachirua waui kʉ̃risiaped̶a mau wau b̶eebarii. Maka wau b̶eesiid̶eeba biuruud̶e Dachi Akõred̶ebena ewaricha awara b̶uai.

1 Juan 2:25

Maka ãbua panuubʉrã, Cristoba dachimaa biawãra jarasii ewaricha Dachi Akõre ome chokae panad̶ai.

Apocalipsis 21:8

Maamina chi mʉ baara wãd̶ai sõ borekea nuree, chi Dachi Akõred̶e ijãad̶akaurã, chi Dachi Akõreba kʉ̃riakau waubadaurã, chi mia beabadaurã, chi dachi kakuaba barikiu kachirua waubadaurã, jaibanarã, chi Dachi Akõre kuenda juaba ne kaped̶aad̶ad̶e ijãabadaurã, maud̶e chi seta id̶aa nuree chob̶ea mar kĩra azufre baara aoko nub̶uud̶e ãrea biꞌiwãe duanad̶ai. Mau chi b̶es ome biui jara b̶uu».