Romanos 6:17 - Emberá Chamí

¹⁷ Naed̶e machi kachirua baita bari trajabadaurã basii. Maamina joma Dachi Akõre ʉ̃rʉbena jaradeaped̶aad̶a sõd̶eeba wau panuud̶eeba mʉʉba Dachi Akõremaa ichíturu kid̶ibai abarii.

Romanos 6:17 ပူးပေါင်းရင်းမြစ်များ

Hechos 11:18

Jerusalend̶ebena ãbarãba mau ũrisid̶aud̶e waa kachirua jarad̶aabasii, maumaarã Dachi Akõremaa naka biꞌia berreasid̶au: —¡Biawãra Dachi Akõreba judiowãerã karibasii ãchi kachirua ida b̶ud̶aped̶a ichimaa need̶amera! ¡Maka ewaricha ichi baara chokae panad̶ai!

Hechos 28:15

Ãbarã Romad̶ebenaba dai wãaduu ũrisid̶aud̶e biꞌia irsibid̶e neesid̶au. Waabenarã Apio puurud̶aa neesid̶au maud̶e waabenarã Tres Taberna puurud̶aa neesid̶au. Pabloba maarã unusiid̶e Dachi Akõremaa ichíturu kid̶ibai aped̶a, maarã kakua kĩrajʉʉsii.

Romanos 1:5

Jesucristod̶eeba Dachi Akõreba mʉ b̶usii ichiba bʉid̶a b̶uamera. Ichid̶eeba maka b̶usii joma druachabenarãba Jesucristod̶e ijãad̶amera, ichi bed̶ea waud̶amera maud̶e ichimaa biꞌia berread̶amera.

Romanos 1:8

Naa mʉʉba jaraaruu: Jesucristod̶eeba mʉʉba joma machi baita Dachi Akõremaa ichíturu kid̶ibai abarii machiba Jesucristod̶e ijãa panuu ʉ̃rʉbena druachabenarãba berrea panuud̶eeba.

Romanos 15:18

Maamina ara mʉ ʉ̃rʉbena ne ab̶a bid̶a biꞌia berreabai. Biꞌia berrearuu Cristoba mʉʉd̶eeba waud̶a ʉ̃rʉbenáturu. Biawãra mʉʉd̶eeba Cristoba aid̶asii judiowãerãba Dachi Akõred̶e ijãad̶amera. Mʉʉba jaradea b̶uud̶eeba, wau b̶uud̶eeba,

Romanos 2:8

Maamina chi nureerãba waabenarã audeara biꞌia panad̶ai baita jʉrʉbadau. Maud̶eeba chi biawãra bed̶ea ijãad̶ai kʉ̃riad̶akau kachiruad̶e panad̶ayua. Mau ẽbẽrarã Dachi Akõreba ichi kĩru kub̶uuba ãrea kastikai.

1 Corintios 1:4

Machi Jesucristo ome panuud̶eeba Dachi Akõreba ichi sõbiad̶eeba aid̶a b̶uu. Maud̶eeba mʉʉba Dachi Akõremaa ʉtaa id̶iiruucha machi kakua ichíturu kid̶ibai abarii.

1 Corintios 14:6

Maud̶eeba ãbarã, mʉ machimaa wãped̶a dachiba ũrid̶akau bed̶ead̶e berrearuubʉrã, ¿machi saka aid̶aima? Aid̶aabai. Maamina dachiba ũribadau bed̶ead̶e Dachi Akõreba mʉʉmaa unubid̶a jaraaruubʉrã, maebʉrã Dachi Akõre kʉ̃risia kuitaad̶eeba berrearuubʉrã, maebʉrã Dachi Akõre baita berrearuubʉrã, maebʉrã Dachi Akõre bed̶ea jaradeaibʉrã mauba joma poyaa aid̶ai.

2 Corintios 2:14

Dachi Akõremaa bichíturu kid̶ibai ad̶ai panuu. Jesucristoba joma poyaaped̶a jomaurã daad̶e puurud̶e dai adoeruu maud̶e daid̶eeba druacha ichi ʉ̃rʉbena kuitaabi b̶uu. Cristo ʉ̃rʉbena jaradea panuud̶e Dachi Akõre daad̶e dai kera kĩra tuwaa panuu. Maud̶e ichi ʉ̃rʉbena kuitaai, mau kera kĩra b̶uu. Chi Dachi Akõreba karibai panuu ẽbẽrarãba maud̶e chi karibaabai panuu ẽbẽrarãba mau kera ʉ̃badau.

Efesios 1:16

mʉʉba ewaricha machi baita Dachi Akõremaa ichíturu kid̶ibai abarii maud̶e machi ʉ̃rʉbena ʉtaa id̶ibarii.

1 Tesalonicenses 3:9

¿Saka ichíturu kid̶ibai jarad̶aima, dai ãrea kĩrajʉʉ panuu Dachi Akõre daad̶e machi ʉ̃rʉbena?

2 Tesalonicenses 1:3

Ãbarã, daiba ewaricha machi baita Dachi Akõréturu kid̶ibai abadau. Daiba maka waubadau biꞌia b̶uu. Machiba ewaricha Cristo biꞌia ijãa panuu maud̶e biꞌia chiya kʉ̃ria panuu.

2 Timoteo 1:13

Mʉʉba jipa jaradea b̶uad̶a kĩra jaradea b̶uase. Jesucristod̶e ijãa niid̶eeba, waabenarã kʉ̃ria nibase.

Filemón 1:4

Mʉʉba Dachi Akõremaa ʉtaa id̶iiruucha bichi baita ichíturu kid̶ibai abarii.

Hebreos 11:8

Dachi Akõreba Abrahammaa jarasii ichiba deai jarad̶a druad̶aa wãmera. Abrahamba Dachi Akõred̶e ijãasiid̶eeba samaa wãaruu adua b̶umina ichi drua b̶ʉiped̶a wãsii.

Hebreos 5:9

Ne jomad̶e biꞌia wausiid̶eeba, joma chi ũribaba ũriiduu poyaa karibai b̶uu ewaricha chokae nuread̶amera.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

1 Pedro 3:1

Wẽra kima barau nuree, machi kima bed̶ea ijã́sturu. Maka chi nuree machi kimad̶ebenarãba Dachi Akõre bed̶ea ijãad̶awẽa panumina machi kĩra jipa nuree maud̶e Dachi Akõre wapea nuree unud̶aped̶a ijãad̶ai. Machiba machi kimamaa ijãad̶amera jarad̶awẽa panumina machiba biꞌia wau panuud̶eeba ijãabid̶ai.

1 Pedro 4:17

Jãabae Dachi Akõreba ichid̶irã nebʉra ichiai. Dachi Akõreba dachi naa ichiaruubʉrã, ¿chi bed̶ea bia Dachi Akõre ʉ̃rʉbena ijãawẽa nuree saka panad̶aima?

2 Juan 1:4

Mʉʉba bichi warrarãd̶ebena chi nuree unusii. Mʉ kĩrajʉʉsii ãchi chi biawãrad̶e nibasid̶aud̶eeba, Dachi Bajãad̶ebena Akõreba jara b̶uu kĩra.

3 Juan 1:3

Mʉ ãrea kĩrajʉʉsii, waabenarã ãbarã mʉʉmaa neeped̶aad̶aba nebʉrʉsid̶aud̶eeba bichiba chi biawãra bed̶ea ijãa b̶uu.