Romanos 5:21 - Emberá Chamí

²¹ Biawãra ẽbẽrarãba kachirua waubadaud̶eeba biubadau. Maamina Dachi Akõreba ichi sõbiad̶eeba ẽbẽrarã chi ichid̶irã jipa nuree baara duanubarii Dachi Mechiu Jesucristod̶eeba ewaricha ichi ome chokae panad̶amera.

Romanos 5:21 ပူးပေါင်းရင်းမြစ်များ

Mateo 25:46

Maabae Dachi Akõreba maarã tʉbʉchia kiikaud̶aa bʉi, maamina chi jipa nuree eneei ichi baara ewaricha chokae panad̶amera.

Juan 1:14

Chi Bed̶ea ẽbẽra kakuad̶e b̶uaped̶a dachi tãed̶e nibabachii. Ichi sõbiad̶eeba dachi ãrea aid̶asii. Ichiba dachimaa arakʉd̶e kuitaabiasii Dachi Akõre biawãra saka nii. Maud̶e daiba ichi joma mechiu nii unusid̶au, Dachi Akõre Warr maka niid̶eeba.

Juan 10:28

Mʉʉba jãarã Dachi Akõre ome ewaricha chokae b̶uabiabarii. Ewari ab̶a bid̶a wãꞌãed̶aabai maud̶e ab̶au bid̶a mʉ juad̶ebena poyaa juakaa adaud̶aabai.

Romanos 4:13

Dachi Akõreba Abrahammaa maud̶e ichid̶ebena imid̶ai bad̶a ẽbẽrarãmaa nau iujãa deai asii. Maamina maka jaraabasii Abrahamba Moisesba b̶ʉd̶a uru b̶uasiid̶eeba. Maumaarã maka jarasii Abraham nebʉraswãe nii asiid̶eeba. Maka nebʉraswãe nuree asii Abrahamba ichid̶e ijãasiid̶eeba.

Romanos 5:12

Ẽbẽra ab̶ad̶eeba kachirua nau iujãad̶e neesii. Maud̶e mau kachiruad̶eeba dachi biud̶ai neesii. Jomaurãba kachirua waubadaud̶eeba biubadau.

Romanos 5:14

Maka b̶umina Adán ewarid̶eed̶ebena ab̶a Moisés ewarid̶aa ẽbẽrarã biubachid̶au kachirua waubachid̶aud̶eeba. Adanba Dachi Akõreba ichimaa jarad̶a ijãabasii, maamina ãchiba Adán kĩra maka kachirua waud̶aabasii. Adán kakua, joma kachirua paneed̶a kĩra, chi neei b̶uu a panad̶a kakua joma poyaa biꞌia paneesid̶au.

Romanos 5:17

Biawãra ẽbẽra ab̶aba kachirua waud̶a kakua joma biubadau. Maamina june ẽbẽrad̶eeba, mau kãyabãra ewaricha ichi ome chi reyrã kĩra panad̶ai. Mau Jesucristod̶eeba Dachi Akõreba ne ab̶a bid̶a deábad̶e awẽa, ichi sõbiad̶eeba ãrea karibaped̶a, ẽbẽrarã nebʉraswãe nuree a jarabarii.

Romanos 6:12

Maud̶eeba chi kachiruamaa ida machi chibari babirã́sturu. Maka machi chi kakua biui b̶uuba kachirua wau kʉ̃ria b̶uu waud̶aabai.

Romanos 6:14

Dachi Akõreba ichi sõbiad̶eeba machi karibasiid̶eeba maud̶e Moisesba b̶ʉd̶ad̶e duanuuwãed̶eeba, chi kachirua waa machi chibari b̶uabai.

Romanos 6:16

Machiba kuitaa panuu ara machi du ab̶a ab̶aumaa bari trajabadaurã nuread̶ai baita deaduubʉrã, chi chibariba jaraaruu joma waud̶ai panuu. Ara mau kĩra machiba chi kachirua machi chibari kĩra b̶uuduubʉrã, kachirua waud̶aped̶a biud̶ai. Maamina Dachi Akõre machi chibari b̶uuduubʉrã, ichi bed̶ea wauduud̶e jipa nibad̶ai.

Romanos 6:23

Biawãra kachirua wau panuu kakua ẽbẽrarã biud̶ai. Maamina Dachi Mechiu Jesucristod̶eeba Dachi Akõreba ewaricha chokae b̶uabiai, ne kaebea bari dea b̶uu kĩra.

Romanos 8:10

Maamina Cristo machi sõd̶e b̶uubʉrã, machi jauri chokae b̶uu Dachi Akõreba machi nebʉraswãe nuree a b̶uud̶eeba. Machiba kachirua wau panad̶a kakua nau kakuad̶e biud̶ai.

Tito 2:11

Dachi Akõreba jomaurãmaa unubiasii ichi sõbiad̶eeba ẽbẽrarã karibabarii.

Hebreos 4:16

Maud̶eeba Dachi Akõremaa wapead̶awẽa id̶id̶ai panuu ichi rey ãkau kub̶uumaa ara kaita wãaduu kĩra. Maka ichiba dachi kĩra chuburiai maud̶e ichiba karibamera ʉtaa id̶iiduud̶e ichi sõbiad̶eeba karibai.

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.

2 Pedro 1:1

Mʉ Simón Pedrobʉ, Jesucristo baita bari trajabariibʉ maud̶e ichiba bʉid̶abʉ. Mʉʉba nau karta b̶ʉʉruu chi Dachi Akõred̶e maud̶e Dachi Karibabarii Jesucristod̶e ijãabadaurã baita. Ichi jipa niid̶eeba, dai ome arab̶aud̶e biꞌia ijãa panuu.

1 Juan 2:25

Maka ãbua panuubʉrã, Cristoba dachimaa biawãra jarasii ewaricha Dachi Akõre ome chokae panad̶ai.