Romanos 5:17 - Emberá Chamí

¹⁷ Biawãra ẽbẽra ab̶aba kachirua waud̶a kakua joma biubadau. Maamina june ẽbẽrad̶eeba, mau kãyabãra ewaricha ichi ome chi reyrã kĩra panad̶ai. Mau Jesucristod̶eeba Dachi Akõreba ne ab̶a bid̶a deábad̶e awẽa, ichi sõbiad̶eeba ãrea karibaped̶a, ẽbẽrarã nebʉraswãe nuree a jarabarii.

Romanos 5:17 ပူးပေါင်းရင်းမြစ်များ

Mateo 25:34

Maabae mʉ, chi Reyba jua biare panuurãmaa naka jaraaruu: “Machi, mʉ Chachaba biꞌia duanud̶a, nésturu. Ichi puurud̶e biꞌia panásturu. Nau iujãa wausiid̶eed̶ebena mau puuru machi baita waud̶a b̶uu.

Juan 10:10

Nechiruabarii neebarii oeja chiruai baita, beai baita maud̶e baribai baita. Maamina mʉ neesii, ẽbẽrarã ãrea chokae nibad̶amera.

Romanos 5:12

Ẽbẽra ab̶ad̶eeba kachirua nau iujãad̶e neesii. Maud̶e mau kachiruad̶eeba dachi biud̶ai neesii. Jomaurãba kachirua waubadaud̶eeba biubadau.

Romanos 5:15

Biawãra ẽbẽra ara ab̶aba kachirua waud̶a kakua joma biusid̶au. Maamina ẽbẽra june ab̶ad̶eeba Dachi Akõreba ichi sõbiad̶eeba chokae b̶uai bari deasii joma chokae nuread̶amera. Jesucristoba ichi sõbiad̶eeba dachi baita waud̶a, chi Adanba kachirua waud̶a audeara bibuara b̶uu. Maud̶eeba chi Dachi Akõreba bari dea b̶uu, Adanba kachirua waud̶a kakua need̶a kĩra b̶uwãema.

Romanos 5:20

Dachi Akõreba Moisesmaa b̶ʉbisii, ẽbẽrarãba kuitaad̶amera ãchiba kachirua ãrea waubadau. Maamina ẽbẽrarãba kachirua ãrea wausid̶aud̶e Dachi Akõreba ichi sõbiad̶eeba ãrea kĩra chuburiasii.

Romanos 6:14

Dachi Akõreba ichi sõbiad̶eeba machi karibasiid̶eeba maud̶e Moisesba b̶ʉd̶ad̶e duanuuwãed̶eeba, chi kachirua waa machi chibari b̶uabai.

Romanos 6:23

Biawãra kachirua wau panuu kakua ẽbẽrarã biud̶ai. Maamina Dachi Mechiu Jesucristod̶eeba Dachi Akõreba ewaricha chokae b̶uabiai, ne kaebea bari dea b̶uu kĩra.

1 Corintios 15:49

Dachi chi nabena mukĩra ioro waud̶a kĩra nuree maud̶e bajãad̶ebena need̶a ẽbẽra Cristo kĩra panad̶ai.

1 Corintios 4:8

Dachi Akõred̶eeba adau kʉ̃ria panad̶a machiba joma uru panuu abadau. Dachi Akõreba dea b̶uu ãrea uru panuu abadau. Dai ida b̶ud̶aped̶a machi du ab̶a chi mechiurã paneed̶ai a kʉ̃risia panuu. Maamina makawãema. Machi biawãra chi mechiurã paneed̶a basirã biꞌia b̶uai basii. Makara dai sid̶a machi ome ãbua chi mechiurã paneed̶ai basii.

Filipenses 3:9

maud̶e ichi ome b̶uai baita. Mʉ ichi ome b̶uuwãe chi Moisesba b̶ʉd̶ad̶eeba, maumaarã maka nii Cristoba ichi Akõreba jarad̶a kĩra wausiid̶eeba, dachi kakua biusiid̶eeba. Mʉʉba Cristod̶e ijãa b̶uud̶eeba, Dachi Akõreba mʉ ichi ome uru b̶uu.

1 Timoteo 1:14

Dachi Mechiu Jesucristoba ichi sõbiad̶eeba mʉ ãrea karibasii ichid̶e ijãamera maud̶e ichi kʉ̃ria uru b̶uamera.

2 Timoteo 2:12

Dachi ãrea biꞌiwãe panuu dauchia jãadua panuubʉrã, ichi ome chi karrarã kĩra nuread̶ai. Dachiba Cristo adua panuu aaduubʉrã, ichia bid̶a dachi adua b̶uu ai.

Santiago 2:5

Ãbarã mʉa kʉ̃riakuabarii, ¡ũrísturu! ¿Dachi Akõreba nau iujãad̶e chi nejarr barauwãe nuree Jesucristod̶e ijãad̶amera karibasiiwãeka? Maka maarã barau panuu kĩra nuree. Dachi Akõreba maarã ichi juad̶e ua b̶uai. Maka biawãra jarasii, chi ichi kʉ̃ria nureerãmaa.

1 Pedro 2:9

Maamina machi Dachi Akõreba jʉrʉ adaud̶arãbʉ, joma Dachi Mechiu paarerãbʉ, ichi baita b̶ud̶a ẽbẽrarãbʉ maud̶e ichi puurubʉ. Maka Dachi Akõreba ne ãrea biꞌia waud̶a ʉ̃rʉbena machiba berreabadau. Dachi Akõreba machi pãriud̶ebena iusii ichi ʉ̃d̶aa ãrea biꞌia b̶uud̶e nuread̶amera.

Apocalipsis 1:6

Dachi b̶usii Dachi Akõreba ichi juad̶e paare nuread̶amera. Maka ichi Bajãad̶ebena Akõreba kʉ̃ria b̶uu wau panad̶ai. Maumaa biꞌia berread̶ai panuu. Biꞌia b̶uu mau ewaricha jomaurã Mechiu b̶uai. Biawãra biꞌia b̶uu maka b̶uai.

Apocalipsis 20:4

Maabae mʉʉba rey ãkaurã ãrea unusii. Mau ʉ̃rʉ akʉ b̶eemaa Dachi Akõreba dead̶akasii ẽbẽrarãba wauped̶aad̶a ichiad̶amera. Maud̶e ẽbẽrarã boro tʉʉtaped̶aad̶a jauri unusii. Maka boro tʉʉtasid̶au Jesusba jaradead̶a ijãa panuud̶eeba maud̶e Dachi Akõre bed̶ea jaradea panuud̶eeba. Ãchiba ãnimara kachirua nii maud̶e chi ara ichi kĩra juaba ne kaped̶aad̶a ãrea kʉ̃riad̶aabasii. Ichi seña ãchi daub̶ʉʉrʉd̶e juad̶e bid̶a ida waubid̶aabasii. Ãchi chokae jiradud̶aped̶a Cristo baara karrarã 1.000 años paneesid̶au.

Apocalipsis 20:6

Ẽbẽrarã Dachi Akõreba naa chokae jiradubiaruu ãrea biꞌia nuread̶ai. Maarã waa biud̶aabai, bari Dachi Akõre maud̶e Cristo paarerã paneed̶ai. Maud̶e 1.000 años Cristo ome chi karrarã nuread̶ai.

Apocalipsis 22:5

Ẽsabud̶ebena wãꞌãe bai. Dachi Akõre Mechiuba ʉ̃d̶aa deaid̶eeba, ẽbẽrarã ʉ̃d̶aaswãe biꞌia duanad̶ai maud̶e ʉmadaswãe. Ewaricha ãchi ichi ome ãbua chi karrarã nuread̶ai.

Apocalipsis 3:21

Mʉʉba chi kachirua waui poyaasiid̶eeba Dachi Akõre baara ichi rey ãkaud̶e akʉ b̶eesii. Ara mau kĩra chi kachirua waui poyaaped̶aad̶a mʉ baara mʉ rey ãkaud̶e akʉ b̶eebiai.