Romanos 4:5 - Emberá Chamí

⁵ Maamina Dachi Akõreba chi ichid̶irã jipa nuree baara b̶umera chi ne wauwẽa b̶uuba ichid̶e ijãaruubʉrã, mau ẽbẽra chi ichid̶irã jipa nuree baara b̶ui. Chi kachirua wau nureerãba ichid̶e ijãaduubʉrã ichiba chi ichid̶irã jipa nuree baara duanubarii.

Romanos 4:5 ပူးပေါင်းရင်းမြစ်များ

Marcos 9:23

Maud̶e Jesusba jarasii: —Bichiba ¿saka mʉʉmaa poyaa karibai b̶uubʉrã a b̶uma? Ijãa b̶uubʉrã, mʉʉba joma poyaa karibai.

Juan 5:24

»Mʉʉba biawãra jaraaruu: barikiuba mʉ bed̶ea ũriped̶a mʉ bʉid̶a ijãaruubʉrã, mau ẽbẽra mau ome ewaricha chokae b̶uai. Dachi Akõreba mau ichiabai. Biawãra mau ẽbẽra biu b̶uad̶a chokae b̶uu.

Juan 6:29

Dachi Akõreba waubi b̶uu traju naubʉ: mʉ, chi ichiba bʉid̶ad̶e ijãad̶ai panuu.

Romanos 10:3

Ãchiba unud̶akau saka Dachi Akõreba ẽbẽrarã ichi jipa nuree baara duanui, ichiba bed̶ea dead̶a kĩra. Maumaarã mau ida b̶ud̶aped̶a ara ãchiba wau panuuba jʉrʉ panuu Dachi Akõre puuru jipa b̶uu bad̶ai baita.

Romanos 3:22

Maka Dachi Akõreba waubarii ara ichiba jara b̶uu kĩra, Jesucristo dachi kakua biusiid̶e, ichi ũribaba nibad̶a unubiasiid̶eeba. Maka ichiba joma chi Jesusd̶e ijãaduurã chi ichid̶irã jipa nuree baara duanubarii. Ab̶a bid̶a kĩra awara unukau.

Romanos 4:24

Maumaarã dachi ʉ̃rʉbena sid̶a berrea b̶uu, dachiba ijãa panuud̶eeba Dachi Akõreba nebʉraswãe nuree a jara b̶uud̶eeba. Dachi Akõreba Dachi Mechiu Jesús biu b̶uad̶a chokae jiradubisii. Dachiba ara maud̶e ijãa panuu.

Romanos 4:3

Dachi Akõre bed̶ead̶e naka jara b̶uu: «Abrahamba Dachi Akõred̶e ijãasii. Maud̶eeba Dachi Akõreba ichi nebʉraswãe nii asii».

Romanos 4:6

Ara mau kĩra Davidba jarasii: Dachi Akõreba chi ne wauwẽa b̶uu chi ichid̶irã jipa nuree baara b̶uuruubʉrã, ãrea biꞌia b̶uai.

Filipenses 3:9

maud̶e ichi ome b̶uai baita. Mʉ ichi ome b̶uuwãe chi Moisesba b̶ʉd̶ad̶eeba, maumaarã maka nii Cristoba ichi Akõreba jarad̶a kĩra wausiid̶eeba, dachi kakua biusiid̶eeba. Mʉʉba Cristod̶e ijãa b̶uud̶eeba, Dachi Akõreba mʉ ichi ome uru b̶uu.