Romanos 4:18 - Emberá Chamí

¹⁸ Dachi Akõreba naka jarasii: «Bichid̶ebena imiiduurã ãrea bad̶ai». Abrahamba poyaa warr deakau kuitaa b̶umina ijãasii Dachi Akõreba warr deabii ichiba jarad̶a kĩra. Maka ijãa b̶uud̶eeba puuru ãrea akõre b̶eesii Dachi Akõreba jarad̶a kĩra.

Romanos 4:18 ပူးပေါင်းရင်းမြစ်များ

Lucas 1:18

Maud̶e Zacariasba chi angelmaa id̶isii: —¿Mʉʉba saka kuitaima bichiba biawãra jara b̶uu? Mʉ ãrea chõra b̶uu. Mʉ wẽra sid̶a chõodraa b̶uu.

Hechos 27:25

Maud̶eeba, ẽbẽrarã, jirukaraarã́sturu. Mʉʉba ijãa b̶uu Dachi Akõreba waui ichi angelba mʉʉmaa jarad̶a kĩra.

Romanos 4:17

Dachi Akõre bed̶ead̶e naka b̶ʉ kub̶uu: «Mʉʉba bichi b̶usii puuru ãrea akõre bamera». Biawãra Dachi Akõre daad̶e Abraham joma dachi, chi Dachi Akõred̶e ijãabadaurã akõrebʉ. Abrahamba ijãa b̶uasii chi biuped̶aad̶a chokae jiradubiabarii maud̶e Dachi Akõred̶e chi ne wãꞌãed̶ebena ne waubarii.

Romanos 4:19

Warr deai baita ãrea chõra b̶uasmina Abrahamba mau wabid̶a ãrea ijãa b̶uasii. Ichi 100 año baidia b̶uasii. Ichi wẽra Sara sid̶a warr adaukau kuitaa b̶uasmina ichiba wabid̶a ãrea ijãa b̶uasii.

Romanos 5:5

Mau setawãema, maumaarã biawãra adaud̶ai. Maka kuitaa panuu Dachi Akõreba ichi Jauri dachimaa deasiid̶eeba. Ichi Jaurid̶eeba dachi sõd̶e kuitaabia b̶uu dachi biawãra ãrea kʉ̃ria b̶uu.

Romanos 8:24

Dachi Akõreba dachi karibasiid̶eeba mau esed̶au panuu. Chi dachiba esed̶au panuu wabid̶a wãꞌãe panuu. Uru panad̶a basirã ¿sakãe esed̶au panad̶ai basma? ¿Kaiba ichiba chi uru b̶uu, adaui baita esed̶au b̶uaima?

Hebreos 6:19

Mauba dachi aid̶a b̶uu ãrea ijãa panad̶amera anclaba jãba jãaduabarii kĩra. Dachiba adaud̶ai panuu biawãra kuitaa panuu Jesús bajãad̶aa dachi naa wãsiid̶eeba. Ichi Dachi Akõre de ed̶are paru eab̶ari jira b̶uare wãyaa wãsii dachi karibai baita. Aria ichi dachi Paare mechiu b̶eesii Melquisedec nibad̶a kĩra. Ewaricha maka nii.