Romanos 4:15 - Emberá Chamí

¹⁵ Mau Moisesba b̶ʉd̶a jara b̶uu kĩra wauwẽa panuud̶eeba, Dachi Akõreba dachi kastikai. Biawãra Moisesba b̶ʉd̶a wãꞌãe bad̶a basirã, nebʉra baraa panad̶aabai basii.

Romanos 4:15 ပူးပေါင်းရင်းမြစ်များ

Juan 15:22

»Mʉʉba ãchimaa jarad̶e need̶awãe basirã ãchi kachirua wauped̶aad̶a kakua nebʉrad̶e nuread̶aabai basii. Maamina mʉ bed̶ea ũrisid̶aud̶eeba, ãchiba kachirua wau panuu kakua mau adua panasii ad̶ai.

Juan 3:36

Chi ichi Warrd̶e ijãa b̶uu Dachi Akõre ome ewaricha chokae b̶uai, maamina chi ichi Warr ida b̶u b̶uu Dachi Akõre ome ewaricha chokae b̶uabai. Mau Dachi Akõreba kastikai.

Romanos 1:17

Mau bed̶ea biad̶eeba Dachi Akõreba kuitaabia b̶uu dachi karibai, ichiba jara b̶uu kĩra. Jesucristod̶e ijãaruubʉrã maka b̶uai. Dachi Akõre bed̶ead̶e naka b̶ʉ kub̶uu: «Chi jipa nii, Dachi Akõred̶e ijãa niid̶eeba chokae nibai».

Romanos 5:13

Dachi Akõreba ichi bed̶ea Moisesmaa b̶ʉbii naed̶e, ẽbẽrarãba nau iujãad̶e kachirua waubachid̶au. Maamina mau Moisesba b̶ʉd̶a wãꞌãe basiid̶eeba, mauba jarawẽa b̶uu ẽbẽrarãba kachirua wau panuu kakua, nebʉra bara nuree aabasii.

1 Corintios 15:56

Moisesba b̶ʉd̶aba kuitaabi b̶uu dachiba kachirua waubadau. Kachirua waubadaud̶eeba biud̶ai.

Gálatas 3:10

Chi Moisesba b̶ʉd̶a wau panuud̶eeba chi Dachi Akõred̶e jipa nuree baara paneed̶ai kʉ̃risia nuree, nebʉra barau a b̶uu. Mau Moisesba b̶ʉd̶ad̶e naka b̶ʉ kub̶uu: «Nau Moisesba b̶ʉd̶a joma wauwẽa nii Dachi Akõreba nebʉra barau ai».

Gálatas 3:19

Makarã ¿Dachi Akõreba sakãe Moisesmaa chi ichiba b̶ʉd̶a b̶ʉbisma? Maka wausii ẽbẽrarãba kachirua waubadau kuitaad̶amera. Ẽbẽrarã mau Moisesba b̶ʉsiid̶eeba panasid̶au ab̶a Abrahamd̶ebena neei b̶uad̶a neeruud̶aa, ichid̶eeba Dachi Akõreba karibai asiid̶eeba. Dachi Akõreba Moisesmaa mau ichiba b̶ʉd̶a angelerãd̶eeba deasii. Mau dead̶akare Moisesba ẽbẽrarãmaa deasii.

Efesios 5:6

Ab̶a bid̶a setad̶eeba kachirua waud̶ai panuu aaruubʉrã, ida setaa kũruabirã́sturu. Kachirua wau panuu baita Dachi Akõreba chi ichi bed̶ea ijãawẽa nuree kastikai.

Colosenses 3:6

Joma mau kachirua baita Dachi Akõreba ichid̶e ijãad̶akau nuree kastikai.

1 Juan 3:4

Chi kachirua wau b̶uuba Dachi Akõre ley waukau. Mau kachirua wauruud̶e, Dachi Akõre maud̶e chi ley kʉ̃riakau.

Apocalipsis 19:15

Dachi Akõre Bed̶ea abadau okarrd̶eeba chĩobarii neko peed̶ea b̶uu nee b̶uasii druachabenarã poyaai baita. Ichi kĩra chuburiayuwãe joma nau iujãad̶ebenamaa ichid̶e ijãabia b̶uai. Uva biraduaruu kĩra, ãchi maka kastikai, Dachi Akõre Joma Poyaabarii kĩru kub̶uud̶eeba.