Romanos 4:11 - Emberá Chamí

¹¹ Abrahamba Dachi Akõred̶e ijãasiid̶eeba, mukĩra chi kakua tõowẽa b̶uasmina Dachi Akõreba ichi nebʉraswãe nii asii. Mau kuitaabiai baita Abrahamba mawãare mukĩra chi kakua tõosii. Mukĩra chi kakua tõowẽa nureerãba Dachi Akõred̶e ijãaduubʉrã, Abraham ãchi akõrebʉ, Dachi Akõreba nebʉraswãe nuree a jara b̶uud̶eeba, ichi kĩra ijãasid̶aud̶eeba.

Romanos 4:11 ပူးပေါင်းရင်းမြစ်များ

Mateo 16:16

Simón Pedroba panausii: —Bichi Dachi Akõreba Dachi Karibabarii deai jarad̶a, Dachi Akõre chokae b̶uu Warrbʉ.

Mateo 8:11

Mʉʉba machimaa jaraaruu: drua ʉmada neebariared̶ebena maud̶e drua ʉmada b̶aebariared̶ebena imid̶ai. Maarã dachi nabẽraed̶ebenarãba Abraham ome, Isaac ome, Jacob ome Bajãad̶e B̶uuba ichid̶irã ichi juad̶e ua b̶uud̶e ko akʉ paneed̶ai.

Lucas 19:9

Jesusba maumaa jarasii: —Id̶i Dachi Akõreba bichi maud̶e bichi ded̶ebena karibasii, Abrahamba ijãad̶a kĩra bichiba ijãa b̶uud̶eeba.

Juan 3:33

Chi ichi bed̶ea ijãa b̶uuba kuitaa b̶uu Dachi Akõreba jara b̶uu biawãrabʉ.

Juan 3:36

Chi ichi Warrd̶e ijãa b̶uu Dachi Akõre ome ewaricha chokae b̶uai, maamina chi ichi Warr ida b̶u b̶uu Dachi Akõre ome ewaricha chokae b̶uabai. Mau Dachi Akõreba kastikai.

Juan 6:35

Jesusba jarasii: —Mau Mʉʉbʉ. Mʉ chi chokae b̶uabibarii panbʉ. Maud̶eeba chi mʉʉmaa neeruu waa jarrbisia b̶uabai maud̶e chi mʉʉd̶e ijãa b̶uu waa obisia b̶uabai.

Juan 6:40

Mʉ Chachaba biawãra kʉ̃ria b̶uu ẽbẽrarãba mʉ ichi Warr kuitaad̶aped̶a ijãad̶ai ichi ome ewaricha chokae nuread̶amera. Makaburu mʉʉba ãchi nau baribai ewarid̶e chokae jiradubiai.

Juan 6:47

»Mʉʉba biawãra jaraaruu: ẽbẽraba mʉʉd̶e ijãaruubʉrã Dachi Akõre ome ewaricha chokae b̶uai uru b̶uai.

Juan 8:33

Maamina ãchiba jarasid̶au: —Dai Abrahamd̶ebena imisid̶aud̶eeba chi chibari baita bari trajabadaurãwãe. ¿Saka bichiba dai karibai a b̶uma?

Romanos 10:11

Dachi Akõre bed̶ead̶e naka b̶ʉ kub̶uu: «Chi ichid̶e ijãa b̶uuba bari ijãa b̶uabai».

Romanos 10:4

Maamina maka nuread̶ai baita, ãchi ley waubachid̶au audeara, Cristoba joma wausii. Chi Cristod̶e ijãaduu Dachi Akõreba jipa nuree unubarii.

Romanos 10:6

Maamina chi Cristod̶e ijãa b̶uu Dachi Akõre daad̶e jipa nuree baarabena bai baita naka jara b̶uu: «Bichi sõd̶eeba jararã́se: “¿Kai bajãad̶aa wãi b̶uma?” (Cristo nau iujãad̶aa neebii baita).

Romanos 3:22

Maka Dachi Akõreba waubarii ara ichiba jara b̶uu kĩra, Jesucristo dachi kakua biusiid̶e, ichi ũribaba nibad̶a unubiasiid̶eeba. Maka ichiba joma chi Jesusd̶e ijãaduurã chi ichid̶irã jipa nuree baara duanubarii. Ab̶a bid̶a kĩra awara unukau.

Romanos 3:26

Id̶ibae ichiba Jesucristod̶eeba dachi kariba b̶uu, ichi jipa niid̶eeba. Ichiba jaraaruu maka waubariid̶eeba, chi Jesusd̶e ijãaduu joma chi ichid̶irã jipa nuree baara duanubarii.

Romanos 3:30

Dachi Akõre ab̶aburu niid̶eeba. Ichiba joma Jesusd̶e ijãaduu chi ichid̶irã jipa nuree baara duanubarii. Mukĩra chi kakua tõo nureerãba maud̶e mukĩra chi kakua tõowẽa nuree bid̶a Jesusd̶e ijãaduubʉrã chi ichid̶irã jipa nuree baara duanubarii.

Romanos 4:10

Maamina ¿Dachi Akõreba sãa ichi nebʉraswãe nii asma? ¿Nebʉraswãe nii a jaraska mukĩra chi kakua tõosiid̶e maebʉrã mukĩra chi kakua tõoi naed̶e? Biawãra ichi mukĩra chi kakua tõoi naed̶e Dachi Akõreba ichi nebʉraswãe nii asii.

Romanos 9:30

¿Mauba kãare jara b̶uma? Judiowãerãba jʉrʉd̶aka basii chi Dachi Akõre puurud̶ebena jipa nureerã baara panad̶ai baita. Maamina maka paneesid̶au, Cristod̶e ijãasid̶aud̶eeba.

Romanos 9:33

Dachi Akõre bed̶ead̶e mau ʉ̃rʉbena naka b̶ʉ kub̶uu: «Ũrísturu. Mʉʉba Sión puurud̶e de waui baitabena mo b̶uuruu. Mau moomaa drʉd̶aped̶a b̶aed̶ai. Maamina chi ichid̶e ijãa b̶uuba bari ijãa b̶uabai».

Romanos 9:6

Mʉʉba jarawẽa b̶uu Dachi Akõreba chi Israeld̶ebenarã baita waui ad̶a wauwẽa b̶uu. Maumaarã mʉʉba jara b̶uu joma Israeld̶ebena imiped̶aad̶a Dachi Akõre daad̶e biawãra israeld̶ebenarãwãe.

2 Corintios 1:22

Ichi Jauriba dachicha dauchaa b̶usii dachiba ichid̶irã kuitaad̶amera. Maud̶e dachi sõd̶e b̶usii kuitaad̶amera joma ichiba deai jarad̶a biawãra adaud̶ai.

Gálatas 3:22

Maamina Dachi Akõre bed̶ead̶e b̶ʉ kub̶uu kachiruaba jomaurã jʉ̃a uru b̶uu. Maka Jesucristoba ichi Akõreba jarad̶a wausiid̶eeba, chi ichid̶e ijãaduurãba mau Dachi Akõreba deai jarad̶a adaud̶ai.

Gálatas 3:29

Machi Cristod̶ed̶eeba biawãra Abraham warrarãbʉ. Mauba Dachi Akõreba machi karibasii ichiba Abrahammaa dachi karibai asiid̶eeba.

Gálatas 3:7

Mauba kuitaad̶ai panuu chi biawãra Dachi Akõred̶e ijãabadaurã, Abraham warrarãbʉ.

Gálatas 5:5

Maamina dachiba Cristod̶e ijãa panuud̶eeba Dachi Akõre Jaurid̶eeba biawãra kuitaa panuu Dachi Akõreba dachi chi jipa nureerã baara b̶ui.

Gálatas 6:16

Mʉʉba kʉ̃ria b̶uu joma chi mʉʉba jara b̶uu kĩra ijãa nuree Dachi Akõreba kĩra chuburia b̶uai maud̶e jirukaraayuwãe b̶uabiai. Maarã ẽbẽrarã Dachi Akõred̶erãbʉ.

Efesios 1:13

Mau awara machi judiowãerã bid̶a chi biawãra bed̶ea ũrisid̶aud̶e, mau dachi karibai bed̶ea bia ijãasid̶au. Maka Cristod̶e ijãasid̶aud̶e Dachi Akõreba ichi Jauri machimaa deasii ichiba jarad̶a kĩra. Dauchaa b̶uu kĩra mauba kuitaabia b̶uu machi ichid̶irã.

Efesios 4:30

Kachirua wauduuba Dachi Akõre Jauri kĩra nomaabirã́sturu. Dachi Akõreba mau machimaa deasii ichid̶irã kuitaa panad̶amera. Ichi Jauri machi baara b̶uai ab̶a Dachi Akõreba ichi ẽbẽrarã joma biꞌia b̶ui ewarid̶aa.

Filipenses 3:9

maud̶e ichi ome b̶uai baita. Mʉ ichi ome b̶uuwãe chi Moisesba b̶ʉd̶ad̶eeba, maumaarã maka nii Cristoba ichi Akõreba jarad̶a kĩra wausiid̶eeba, dachi kakua biusiid̶eeba. Mʉʉba Cristod̶e ijãa b̶uud̶eeba, Dachi Akõreba mʉ ichi ome uru b̶uu.

Hebreos 11:7

Dachi Akõreba Noemaa jarasii chi wabid̶a unukau neei ʉ̃rʉbena. Noeba mau ijãasiid̶eeba, Dachi Akõre wapea b̶uasiid̶eeba jãba mechiu wausii ichi ded̶ebenarã karibai baita. Maka nau iujãad̶ebenarãmaa kachiruad̶e duanuu unubiasii. Ichiba ijãasiid̶eeba Dachi Akõreba ichi jipa nii unusii.

2 Pedro 1:1

Mʉ Simón Pedrobʉ, Jesucristo baita bari trajabariibʉ maud̶e ichiba bʉid̶abʉ. Mʉʉba nau karta b̶ʉʉruu chi Dachi Akõred̶e maud̶e Dachi Karibabarii Jesucristod̶e ijãabadaurã baita. Ichi jipa niid̶eeba, dai ome arab̶aud̶e biꞌia ijãa panuu.

Apocalipsis 9:4

Chi sisirãmaa jarasii siruarã maud̶e bakururã ãriraad̶amera. Bari ẽbẽrarãba ãchi daub̶ʉʉrʉd̶e Dachi Akõre selloswãe nuree kaabiasii.