Romanos 3:5 - Emberá Chamí

⁵ Mʉ berrearuu ẽbẽrarã berreabadau kĩra. Chi nureerãba jarabadau kachirua wau panuud̶eeba Dachi Akõre jipa nii arakʉd̶e unubiabadau abadau. Maud̶e Dachi Akõreba kastikaaruubʉrã, ichi jipa niiwãe abadau. ¿Chi maka jara panuurãmaa kãare jarad̶aima? ¿Jãarãba jarad̶aika Dachi Akõre jipa niiwãe dai kastikaid̶eeba?

Romanos 3:5 ပူးပေါင်းရင်းမြစ်များ

Romanos 12:19

Ãbarã, ab̶auba machi kachirua wausiibʉrã ara mau kachirua waurã́sturu. Maumaarã ida b̶ústuru Dachi Akõreba kastikamera. Dachi Akõre bed̶ead̶e naka b̶ʉ kub̶uu: «Mʉaburu chi nebʉra kastikai. Jomaurãmaa deai ãchiba wauped̶aad̶a kĩra», a jara b̶uu Dachi Mechiuba.

Romanos 2:5

Maamina sõ chaarea niid̶eeba bichiba kachirua ida b̶ukau Dachi Akõremaa neebai baita. Maud̶eeba Dachi Akõreba kastikai ewarid̶e ichi kĩrubid̶eeba aude kastikai. Mau ewarid̶e Dachi Akõreba unubii saka jomaurã jipa kastikai.

Romanos 3:19

Mau bed̶ea Dachi Akõre bed̶ead̶e b̶uu chi mau b̶ʉd̶a ũri nureerãmaa jara b̶uu. Maka ab̶au bid̶a poyaa kachiruaswãe b̶uu a jarad̶aabai. Mau Moisesba b̶ʉsiid̶eeba kuitaa panuu joma nau iujãad̶ebenarã Dachi Akõre daad̶e nebʉra bara panuu.

Romanos 3:7

Chi nureerãba jarabadau setaa jara panuud̶eeba chi Dachi Akõre setaa jarakau arakʉd̶e unubiabadau. Kʉ̃risiabadau ãchiba setaa jara panuu kakua ẽbẽrarãba Dachi Akõremaa aude biꞌia berread̶ai. Maud̶eeba ãchimaarã, Dachi Akõreba nebʉra ichiabai b̶uu.

Romanos 4:1

¿Kãare jarad̶aima dai judiorã nabẽraed̶ebena Abraham ʉ̃rʉbena?

Romanos 5:8

Maamina Dachi Akõreba dachi ãrea kʉ̃ria b̶uu unubiasii wabid̶a kachiruad̶e panuud̶e Cristo dachi kakua biusiid̶eeba.

Romanos 6:1

¿Mau ʉ̃rʉbena saka kʉ̃risia panuma? ¿Dachi wabid̶a kachiruad̶e nibad̶ai panuka Dachi Akõreba ichi sõbiad̶eeba aude kĩra chuburiamera?

Romanos 6:19

Mʉʉba maka berrea b̶uu nau kʉ̃risia jaradeai baita. Maka jaradea b̶uu machiba ãi kʉ̃risiarãad̶amera. Biawãra naed̶e ara machi du ab̶a deasid̶au kachirua baita bari trajabadaurã nuread̶ai baita. Maka machiba mia pera wausid̶aud̶e joma kachirua ewaricha aude wau panabachid̶au. Maamina jãabae Dachi Akõre baita bari trajabadaurãd̶eeba, ara machi du ab̶a deásturu jipa waud̶ai baita. Maka Dachi Akõre baita biꞌia nuread̶ai.

Romanos 7:7

¿Mau ʉ̃rʉbena saka kʉ̃risia panuma? ¿Moisesba b̶ʉd̶a kachirua b̶uka? ¡Makawãema! Mau Moisesba b̶ʉd̶a wãꞌãe basirã mʉʉba adua b̶uai basii kãare kachirua b̶uu. Moisesba b̶ʉd̶aba «ab̶auba uru b̶uu kʉ̃riarã́bad̶e» ad̶awãe basirã, mʉʉba ãibenaba uru b̶uu kʉ̃riai kachirua b̶uu adua b̶uai basii.

Romanos 8:31

¿Mau ʉ̃rʉbena saka kʉ̃risiad̶ai panuma? Dachi Akõre dachi baara b̶uud̶eeba ¿kaiba dachi poyaaima?

Romanos 9:30

¿Mauba kãare jara b̶uma? Judiowãerãba jʉrʉd̶aka basii chi Dachi Akõre puurud̶ebena jipa nureerã baara panad̶ai baita. Maamina maka paneesid̶au, Cristod̶e ijãasid̶aud̶eeba.

1 Corintios 15:32

Éfeso puurud̶e Dachi Akõre bed̶ea jaradeai baita mʉ ãrea biꞌiwãe b̶uasii ãnimara kachirua nuree ome chĩo b̶uu kĩra. Biuped̶aad̶a chokae jiradud̶aabaibʉrã, ¿mʉ ãrea biꞌiwãe b̶uasiid̶eeba kãare biꞌia adausma? Biawãra dachi chokae jiradud̶aabaibʉrã, biꞌia b̶uu waud̶ai waabenarãba jarabadau kĩra: «Biꞌia kod̶ai, itua dod̶ai nu biud̶aid̶eeba».

1 Corintios 9:8

¿Joma mau mʉ kʉ̃risiad̶eeba jara b̶uka? ¿Moisesba b̶ʉd̶ad̶e ara mau kĩra jara b̶uuwãeka?

2 Corintios 6:4

Maumaarã ne jomad̶e unubia panuu dai Dachi Akõre baita bari trajabadaurã. Ãrea biꞌiwãe panuud̶e, ne wãꞌãe panuud̶e maud̶e nebʉrad̶e panuud̶e joma dauchia jãadua panuud̶eeba maka unubia panuu.

2 Corintios 7:11

Dachi Akõreba kʉ̃ria b̶uu kĩra machi kĩra nomaasid̶aud̶eeba mau kĩra nomaaba machimaa jipa kʉ̃risiabiaped̶a jipa waubiasii. Maud̶eeba machiba jipa wau panuu jomaurãmaa kuitaabiai kʉ̃ria panuu. Ãbaba kachirua waud̶a kakua machi kĩrusid̶au maud̶e Dachi Akõreba kastikai bad̶a wapeasid̶au. Maud̶eeba chi kachirua waud̶a ẽbẽra kastikad̶aped̶a ãyaa bʉisid̶au. Nejomad̶eeba machiba unubisid̶au mau kachirua waud̶a kakua nebʉraswãe panuu.

Gálatas 2:18

Mʉʉba Moisesba b̶ʉd̶a ida b̶ud̶akare waya ijãaruubʉrã, mʉ nebʉra baraa b̶eei mau b̶ʉd̶a ida b̶u b̶uasiid̶eeba.

Gálatas 3:15

Ãbarã, dachi ẽbẽrarãba ne waubadau kĩra berrearuu: ẽbẽraba waabena ome bed̶ea dead̶a kartad̶e b̶uped̶a ichi trʉ̃ mau kartad̶e b̶ʉʉruubʉrã ab̶au bid̶a mau bed̶ea b̶ʉd̶a poyaa ãyaa b̶ud̶aabai, maud̶e kʉ̃risia awara poyaa ed̶a b̶ʉd̶aabai.

Apocalipsis 15:3

Chi arpa chaamaa panuud̶e Moisés chi Dachi Akõre baita bari trajabarii kari, maud̶e chi Oeja Kaebe Nii kari karimaa panasii. Naka karisid̶au: «Dachi Mechiu, Dachi Akõre, chi Joma Poyaabarii, bichiba wau b̶uu ãrea bibuara b̶uu. Bichiba wau b̶uu ʉ̃rʉbena ẽbẽrarãba kuitaa kʉ̃risiad̶akau. Jomaurã Mechiu, bichiba wau b̶uu jipa b̶uu maud̶e bichi bed̶ea ab̶a b̶uu biawãrabʉ.

Apocalipsis 18:20

¡Joma bajãad̶e duanuu kĩrajʉ́sturu, jãu puuru ãrisiid̶eeba! Ẽbẽrarã Dachi Akõred̶erã, Jesusba bʉid̶arã maud̶e Dachi Akõre baita berreabadaurã kĩrajʉ́sturu. Dachi Akõreba jãu puuru kastikai machimaa miadaa wausiid̶eeba».