Romanos 2:6 - Emberá Chamí

⁶ Ichiba jomaurãmaa deai ãchiba wauped̶aad̶a kĩra.

Romanos 2:6 ပူးပေါင်းရင်းမြစ်များ

Mateo 16:27

Biawãra mʉ, chi Ẽbẽra Ba B̶uad̶a angelerã ome neei mʉ Chacha poyaad̶eeba chi ẽbẽrarã nebʉra ichiai baita. Maud̶e bia waubadaurã mʉʉba bia b̶ui maud̶e kachirua waubadaurã kastikai.

Romanos 14:22

Bichiba ne joma koi b̶uu kʉ̃risia b̶uubʉrã, maebʉrã ne joma kokau kʉ̃risia b̶uubʉrã, ab̶a bichiaburu Dachi Akõre omeeba mau kuitaad̶ai panuu. Biawãra dachiba wau panuu kakua dachi sõd̶e kachirua kʉ̃risiad̶awẽebʉrã, ãrea kĩrajʉʉ panad̶ai.

1 Corintios 3:8

Chi ne uubarii maud̶e chi bania eabarii sid̶a Dachi Akõre daad̶e arab̶aud̶e nuree. Ichiba dachicha ne biꞌia deai, dachiba wau panad̶a kĩra.

1 Corintios 4:5

Maud̶eeba ichiba nebʉra ichiai ewari naed̶e dachiba jarad̶aabai panuu ichi traju wau b̶uuba jipa wau b̶uu maebʉrã jipa wauwẽa b̶uu. Dachi Mechiu neeruud̶e dachi sõd̶e kʉ̃risia b̶uad̶a maud̶e ne joma dachi sõd̶e miru nuread̶a kuitaabii. Dachi Akõréburu dachicha biꞌia jarai dachiba biꞌia wauped̶aad̶a kĩra.

2 Corintios 11:15

Maud̶eeba ichi baita bari trajabadaurã bid̶a jipa wau panuu kĩra needuubʉrã machiba kʉ̃risiad̶aabai panuu saka jãka needuu. Maamina ãchi biud̶ai ewarid̶e ãchiba kachirua wauped̶aad̶a kĩra kastikai.

2 Corintios 5:10

Biawãra Cristoba joma dachiba wauped̶aad̶a ichiai. Ichiba dachicha deai dachiba nau kakuad̶e wau b̶uad̶a kĩra. Biꞌia wau b̶uasiibʉrã, ara mau kĩra deai. Kachirua wau b̶uasiibʉrã, ara mau kĩra deai.

2 Timoteo 4:14

Jiorrd̶eeba ne waubarii Alejandroba mʉ kachirua wausiid̶eeba Dachi Mechiuba kastikai.

Apocalipsis 2:23

Mʉʉba chi warrarã kinibiai. Maka joma ãbarãba kuitaad̶ai mʉʉba jomaurã kʉ̃risia kuitaa nii maud̶e chi sõd̶eeba wau kʉ̃ria panuu. Mʉʉba machiba wauped̶aad̶a kĩra kastikai.

Apocalipsis 20:12

Maud̶e mʉʉba unusii biuped̶aad̶arã chi mechiurã maud̶e chi kaebeurã Dachi Akõre rey ãkau daad̶e akʉ topanuu. Maud̶e chi b̶ee karta ewakuasii. Maabae june ab̶a karta ewasii. Mau kartad̶e ẽbẽrarã ewaricha chokae nuread̶ai trʉ̃ b̶ʉ kub̶uasii. Dachi Akõreba chi biuped̶aad̶arã joma ichiasii ãchiba wauped̶aad̶a kĩra, chi maarã kartad̶e b̶ʉ kub̶uad̶a kĩra.

Apocalipsis 22:12

»¡Ũrísturu, mʉ kãꞌãabariwãed̶e neei! Neeruud̶e mʉʉba jomaurãmaa dead̶akai baita adooi ãchiba wauped̶aad̶a kĩra.