Romanos 2:25 - Emberá Chamí

²⁵ Moisesba b̶ʉd̶a machiba wauduubʉrã, machi mukĩra chi kakua tõod̶a biꞌia b̶uu, ẽbẽrarã Dachi Akõred̶erã. Maamina mau Moisesba b̶ʉd̶a waud̶awẽebʉrã, machi Dachi Akõre daad̶e mukĩra chi kakua tõod̶awẽa nuree kĩra nuree.

Romanos 2:25 ပူးပေါင်းရင်းမြစ်များ

Hechos 7:51

»¡Machi sõ chaarea nuree! ¡Sõd̶eeba ijãad̶akau! Dachi Akõre bed̶ea ũri kʉ̃riad̶akau. Dachi Akõre Jauriba jara b̶uu machiba ewaricha ida b̶ubadau. Ara machi nabẽraed̶ebenarã kĩra nuree.

Romanos 2:13

Moisesba b̶ʉd̶a ũri panuud̶eeba ẽbẽrarã Dachi Akõre daad̶e jipa nuread̶aabai, maumaarã mau joma wau panuud̶eeba Dachi Akõreba maarã nebʉraswãe nuree ai.

Romanos 2:23

Moisesba b̶ʉd̶a machiba ãrea kuitaa panuu abadau. Maamina mau Moisesba b̶ʉd̶ad̶e jara b̶uu ijãad̶awẽa panuud̶eeba, machi kakua waabenarãba Dachi Akõre ʉ̃rʉbena kachirua berreabadau.

Romanos 2:26

Maud̶e judiowãeba mau Moisesba b̶ʉd̶a wau b̶uubʉrã, mukĩra chi kakua tõowẽa b̶umina Dachi Akõre daad̶e mukĩra chi kakua tõo nii kĩra nii.

Romanos 2:27

Machi judiorã mukĩra chi kakua tõobadau unubiad̶ai baita ẽbẽrarã Dachi Akõred̶erã. Maud̶e Moisesba b̶ʉd̶a kuitaa panuu. Maamina mau Moisesba b̶ʉd̶a waud̶awẽa panuu. Maud̶eeba chi mukĩra chi kakua tõowẽa b̶uuba mau Moisesba b̶ʉd̶a wauruubʉrã, kuitaabiai machi judiorãmina nebʉra bara nuree.

Romanos 2:28

Ab̶a bid̶a judiowãema, chi judiorãba waubadau wau b̶uud̶eeba. Maud̶e mukĩra chi kakua tõod̶a ara nau kakuad̶ebenawãema.

1 Corintios 7:19

Mukĩra chi kakua tõo b̶uai aude bibuara b̶uwãema maud̶e mukĩra chi kakua tõowẽa b̶uai sid̶a aude bibuara b̶uwãema. Dachi Akõreba waubi b̶uu bed̶ea wau b̶uai aude bibuara b̶uu.

Gálatas 6:13

Chi mukĩra chi kakua tõoped̶aad̶arãba Moisesba b̶ʉd̶a joma waud̶akau. Maamina maarãba machi mukĩra chi kakua tõobiad̶ai kʉ̃ria panuu, ara ãchi ʉ̃rʉbena biꞌia berread̶ai baita.

Gálatas 6:15

Dachi Akõreba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Ichiba ẽbẽra wid̶i waud̶a biꞌia unu b̶uu.