Romanos 2:19 - Emberá Chamí

¹⁹ Machiba kʉ̃risia panuu Dachi Akõred̶e ijãad̶akaurãmaa poyaa biꞌia jaradea panad̶ai dau pãriu nuree jipa adoeduu kĩra, pãriud̶e nuree ʉ̃d̶aad̶aa adoeduu kĩra.

Romanos 2:19 ပူးပေါင်းရင်းမြစ်များ

Mateo 15:14

Maud̶eeba fariseorã kakua kʉ̃risiarã́sturu. Ãchi o unubibadaurã dau pãriu nuree kĩra panuu. Dau pãriu niiba ab̶a dau pãriu niimaa o jaradearuud̶e, omea chob̶ead̶e b̶ae wãd̶ai.

Mateo 4:16

Machi pãriud̶e duanasid̶au Dachi Akõre adua panad̶ad̶eeba. Maamina id̶i ʉ̃d̶aad̶e panuu Dachi Akõre ʉ̃rʉbena kuitaa panuud̶eeba. Machi chokae panumina biud̶a kĩra duanabachid̶au. Maamina id̶i ʉmada ʉ̃d̶aa neeruu kĩra Dachi Akõre biawãra ichi ʉ̃rʉbena machimaa kuitaabia b̶uu».

Mateo 5:14

Machi ʉ̃d̶aa kĩra nuree, nau iujãad̶e nureeba machi tãed̶eeba Dachi Akõre unubadaud̶eeba. Puuru ead̶e kub̶uu ¿saka merad̶aima?

Mateo 6:23

Maamina bichi dau kachirua niibʉrã, kachiruad̶e unuwẽa nibai. Ara mau kĩra bichiba kachirua wauruubʉrã, bichiba ne biꞌia waui kʉ̃risia b̶umina, maamina biawãra pãriud̶e nii.

Marcos 10:15

Mʉʉba biawãra jaraaruu: warr ichi akõre ome nibabarii kĩra ab̶a bid̶a Dachi Akõre ome niiwãebʉrã, mau ẽbẽra Dachi Akõre juad̶e b̶uabai ichid̶irã baara.

Lucas 1:79

Mauba chi pãriud̶e nureerãmaa, chi biud̶ai wapea nureerãmaa bid̶a Dachi Akõreba ichi ʉ̃d̶aa kuitaabiai. Maud̶e dachimaa kuitaabiai saka ichi od̶e jirukaraayuwãe nibad̶ayu».

Juan 9:34

Maud̶e judiorã mechiurãba ichi iadaasid̶au: —Bichi adaud̶ad̶eed̶ebena kachirua waubarii. ¿Saka daimaa ne jaradeaima? Maud̶eeba ichi chi judiorã araa ãbua imibadau ded̶ebena ãyaa bʉisid̶au.

Romanos 2:18

Mau uru panuud̶eeba kuitaa panuu Dachi Akõreba kãare kʉ̃ria b̶uu maud̶e kãare jipa b̶uu.

Romanos 2:20

Moisesba b̶ʉd̶a uru panuud̶eeba kʉ̃risia panuu joma kʉ̃risia kuitaa uru panuu maud̶e biawãra bed̶ea sid̶a kuitaa panuu. Maud̶eeba kʉ̃risia panuu chi kʉ̃risiaswãe nureerãmaa maud̶e chi wabid̶a ãrea adua nureerãmaa bid̶a poyaa jaradea panad̶ai.

1 Corintios 3:18

Ara machi du ab̶a setaa kũruarã́sturu. Ab̶auba chi nau iujãad̶ebena kʉ̃risia kuitaa kĩra ne kuitaa b̶uu kʉ̃risia b̶uubʉrã, waa maka kʉ̃risiabai b̶uu. Maumaarã chi biawãra kʉ̃risia kuitaa uru b̶uai baita nau iujãad̶ebenarã daad̶e ne adua b̶uu kĩra b̶uai b̶uu.

1 Corintios 4:10

Ẽbẽrarãmaarã dai Cristo baita ne adua nuree maud̶e meserãaswãe nuree. Maamina machi Cristo ome panuud̶eeba chi ne kuitaa nuree abadau maud̶e chi meserãa nuree abadau. Ẽbẽrarãba machi ʉ̃rʉbena biꞌia berrea panuu, maamina dai ida b̶u panuu.

Filipenses 2:15

Maka machi ʉ̃rʉbena kachirua jarad̶ayuswãe nuread̶ai maud̶e jipa nuread̶ai. Ẽbẽrarã ãrea kachirua waubadau tãed̶e panumina kachiruaswãe panásturu. Dachi Akõre warrarãd̶eeba ãchi tãed̶e ʉtarebena pusterrea ted̶echoabadau kĩra nuree.