Romanos 2:17 - Emberá Chamí

¹⁷ Machíturu judiorã abadau. Dachi Akõre biꞌia kuitaa panuu abadau. Kʉ̃risia panuu ichiba machi aid̶akuai Moisesba b̶ʉd̶a uru panuud̶eeba.

Romanos 2:17 ပူးပေါင်းရင်းမြစ်များ

Mateo 3:9

Kʉ̃risiarã́sturu Abrahamd̶ebena imiped̶aad̶ad̶eeba Dachi Akõreba kastikaabai. Mʉʉba machimaa jaraaruu: “Dachi Akõreba kʉ̃riaibʉrã, cha b̶ee mo Abrahamd̶ebena imiped̶aad̶arã babiakuai”.

Lucas 10:28

Maud̶e Jesusba jarasii: —Bichiba ara panausii. Bichiba maka wauruubʉrã ewaricha Dachi Akõre ome chokae b̶uai.

Juan 5:39

Machiba Dachi Akõre bed̶ea kauwa ichiabadau kʉ̃risia panuud̶eeba Dachi Akõre ome ewaricha chokae nuread̶ai. ¡Mau kartad̶e mʉ ʉ̃rʉbena berrea b̶uu!

Juan 5:45

»Kʉ̃risiarã́sturu mʉ Chacha daad̶e mʉʉba machi jideai. Machiba Moisesd̶eeba biꞌia panad̶ai esed̶au panuu. Maamina ara mau Moisesba mʉ Chacha daad̶e machi jideai.

Juan 7:19

Dachi Akõreba Moisesmaa b̶ʉbid̶a chi Moisesba machimaa deasii. Maamina machiba mau ichiba b̶ʉd̶a ijãad̶akau. ¿Sakãe machiba mʉ bea kʉ̃ria panuma?

Juan 8:33

Maamina ãchiba jarasid̶au: —Dai Abrahamd̶ebena imisid̶aud̶eeba chi chibari baita bari trajabadaurãwãe. ¿Saka bichiba dai karibai a b̶uma?

Juan 8:41

Machiba machi akõreba waubarii kĩra waubadau. Maud̶e ãchiba jarasid̶au: —¡Maamina dai wẽra aud̶uabariiba adaud̶awãe! Daiba Chacha ab̶aburu inid̶au. Mau Dachi Akõrebʉ.

Romanos 2:23

Moisesba b̶ʉd̶a machiba ãrea kuitaa panuu abadau. Maamina mau Moisesba b̶ʉd̶ad̶e jara b̶uu ijãad̶awẽa panuud̶eeba, machi kakua waabenarãba Dachi Akõre ʉ̃rʉbena kachirua berreabadau.

Romanos 3:27

Maud̶eeba ¿kãare ara dachi ʉ̃rʉbena biꞌia berread̶aima? Poyaa biꞌia berread̶aabai. ¿Sakãe? Poyaa biꞌia berread̶aabai, Moisesba b̶ʉd̶a wau panuud̶eeba chi ichid̶irã jipa nuree baara duanuubaid̶eeba, maumaarã Jesusd̶e ijãa panuud̶eeba maka duanui.

Romanos 9:32

¿Sakãe makaabasma? Makaabasii Cristod̶e ijãad̶ai audeara ãchiba wau panuud̶eeba ichi daad̶e jipa nuread̶ai baita jʉrʉ panasiid̶eeba. Biawãra ãchiba Cristod̶e ijãad̶aabasii moomaa drʉʉduu kĩra.

2 Corintios 11:22

Ãchi hebreorã a panuu. ¿Mʉ sid̶a arab̶auwãeka? Ãchi Israeld̶ebenarã a panuu. ¿Mʉ sid̶a arab̶auwãeka? Ãchi Abrahamd̶ebena imiped̶aad̶arã a panuu. ¿Mʉ sid̶a arab̶auwãeka?

Gálatas 2:15

Judiowãerãba Moisesba b̶ʉd̶a wãꞌãe panuud̶eeba dachi judiorãba ãchi kachirua waubadaurã abadau. Dachi naweba warr adausid̶aud̶eed̶ebena judiorãd̶eeba, mau Moisesba b̶ʉd̶a uru panuu.

Efesios 2:11

Maud̶eeba kĩrabásturu machi judiowãerãd̶ebena adausid̶aud̶eeba, judiorãba machi «mukĩra chi kakua tõod̶awẽa nuree» abachid̶au. Ara ãchi «mukĩra chi kakua tõo nuree» abachid̶au, maamina ab̶a nau kakuad̶éburu ãyaa nuree.

Apocalipsis 2:9

»Mʉʉba machiba wau panuu kuitaa b̶uu. Ãrea biꞌiwãe panuu maud̶e chi nejarr barauwãe nuree kuitaa b̶uu. Maamina Dachi Akõred̶eeba machi ne bara nuree. Maka panumina machi Dachi Akõred̶eeba chi nejarr barau nuree kĩra nuree. Mʉʉba kuitaa b̶uu chi nuree judiorãba machi ʉ̃rʉbena miadaa berreabadau. Maarãba Dachi Akõred̶erã abadamina Satanasd̶ebʉ.

Apocalipsis 3:1

»Chi Sardis puurud̶ebena ijãabadaurã nubarii ángel baita kartad̶e naka b̶ʉse: »Chi Dachi Akõre daad̶e 7 jauri uru b̶uuba maud̶e 7 pusterrea uru b̶uuba naka jara b̶uu: »Machiba wau panuu mʉʉba kuitaa b̶uu. Ẽbẽrarãba jara panuu machiba Dachi Akõre ãrea ijãa panuud̶eeba chokae nuree. Maamina biawãra ara machiba Dachi Akõred̶e ijãad̶awẽa panuud̶eeba chi biud̶arãbʉ.

Apocalipsis 3:9

¡Ũrísturu! Machi jʉ̃rʉ kaita mʉʉba Satanasd̶e ẽbẽrarã õdarrd̶e kopaneebiai. Maarãba Dachi Akõred̶erã abadamina, makawãema. Maarã chi seta nuree. Mʉʉba maarãmaa kuitaabiai mʉʉba machi kʉ̃ria ua b̶uu.