Romanos 16:7 - Emberá Chamí

⁷ Mʉ ãbarã judiorã Andronicomaa maud̶e Juniamaa ara mau kĩra jarásturu. Waabenarã biꞌia kuitaa panuu maarã Cristoba bʉid̶arã. Mʉʉba Cristod̶e ijãai naed̶e maarãba ijãasid̶au.

Romanos 16:7 ပူးပေါင်းရင်းမြစ်များ

Juan 14:20

Mʉ neeruud̶e machiba kuitaad̶ai mʉ, mʉ Chacha ome b̶uu, machi mʉ baara panuu maud̶e mʉ machi baara b̶uu.

Juan 15:2

Chi mʉ bakuru jua chaud̶akau ichiba joma tarikuai, maamina chi bakuru jua chaubadau kauwa tarikuabarii aude chaud̶amera.

Juan 6:56

Chi mʉ kooruu maud̶e chi mʉ oa dooruu mʉ ome b̶uu maud̶e mʉ ichi ome b̶uu.

Romanos 16:10

Ãba Apelesmaa jarásturu mʉʉba kʉ̃ria b̶uu ichi biꞌia b̶uai. Ichiba unubisii Cristo biawãra ijãa b̶uu. Joma Aristóbulo ded̶ebenarãmaa bid̶a ara mau kĩra jarásturu.

Romanos 16:11

Mʉ ãba judio Herodionmaa jarásturu mʉʉba kʉ̃ria b̶uu ichi biꞌia b̶uai. Narciso ded̶ebenarã Dachi Mechiud̶e ijãa nureerãmaa jarásturu mʉʉba kʉ̃ria b̶uu ãchi biꞌia duanad̶ai.

Romanos 16:21

Ãba Timoteo mʉ ome ãbua jaradea b̶uuba kʉ̃ria b̶uu machi biꞌia duanad̶ai. Maud̶e mʉ ãbarã judiorã Lucioba, Jasonba maud̶e Sosipateroba kʉ̃ria panuu machi biꞌia duanad̶ai.

Romanos 16:3

Neekau Priscilamaa maud̶e ãba Aquilamaa jarásturu mʉʉba kʉ̃ria b̶uu maarã biꞌia panad̶ai. Ãchiba mʉ ome arab̶au traju Jesucristod̶e wau panuu.

Romanos 16:6

Neekau Mariamaa jarásturu mʉʉba kʉ̃ria b̶uu ichi biꞌia b̶uai. Ichiba machi ãrea aid̶a b̶uu.

Romanos 16:8

Mʉ ãba Ampliasmaa jarásturu mʉʉba kʉ̃ria b̶uu ichi biꞌia b̶uai. Dachi Mechiu Jesucristod̶e, mʉʉba ichi ãrea kʉ̃ria b̶uu.

Romanos 16:9

Ãba Urbanomaa jarásturu mʉʉba kʉ̃ria b̶uu ichi biꞌia b̶uai. Ichiba dai ome ãbua Jesucristo ʉ̃rʉbena jaradea b̶uu. Ãba Estaquismaa bid̶a ara mau jarásturu. Ichi sid̶a mʉʉba kʉ̃ria b̶uu.

Romanos 8:1

Jãabae Dachi Akõreba ne ab̶a bid̶a nebʉra barau awẽma, dachi Cristo Jesús ome panuud̶eeba.

Romanos 8:11

Maamina ichi Jauri machi sõd̶e b̶uud̶eeba, ichid̶eeba machi chi kakua biui b̶uu chokae jiradubii, Cristo Jesús chokae jiradubid̶a kĩra.

1 Corintios 1:30

Maawẽa Dachi Akõreba machi Jesucristo ome ãbua b̶usii. Maka Cristod̶eeba Dachi Akõreba ichi kʉ̃risia kuitaa dachimaa kuitaabiasii. Ichiba dachi jipa b̶usii, ara ichi baita biꞌia b̶usii, maud̶e kachiruad̶ebena karibasii.

2 Corintios 11:23

Ãchi Cristo baita bari trajabadaurã a panuu. Maamina ãchi audeara mʉʉba biꞌia Cristoba kʉ̃ria b̶uu waubarii. Maka berrea b̶uud̶e kʉ̃risiaswãe nii kĩra berrea b̶uu. Biawãra ãchi audeara mʉʉba Dachi Akõre traju audeara waubarii. Ãchi audeara ẽbẽrarãba mʉ b̶es ãrea sĩsid̶au. Ãchi audeara mʉ b̶es ãrea jʉ̃a uru panasid̶au. B̶es ãrea mʉ biumaa b̶uasii.

2 Corintios 12:2

Cristod̶e ijãabarii ẽbẽra ab̶a mʉʉba unubarii. Año 14 basiid̶e, Dachi Akõreba mau ãba bajãad̶aa ichi b̶uumaa adoesii. Mʉʉba adua b̶uu Dachi Akõreba ichi chi kakua adoe b̶uasii maebʉrã ab̶aburu ichi jauri adoe b̶uasii. Dachi Akõréburu mau kuitaa b̶uu.

2 Corintios 5:17

Biawãra ab̶a Cristo ome b̶uubʉrã, ichi chi naed̶e b̶uad̶a kĩra b̶uuwãe maumaarã ichi ẽbẽra chiwid̶i nii.

2 Corintios 5:21

Cristoba kachirua waukau basii. Maamina dachi baita Dachi Akõreba ichi kachirua waubarii kĩra unusii. Maka Cristod̶eeba chi Dachi Akõre jipa nii dachiba waabenarãmaa poyaa unubiabadau.

Gálatas 1:22

Cristod̶e ijãabadaurã Judea druad̶ebenarãba mʉ unud̶akau basii.

Gálatas 2:2

Mʉ wãsii Dachi Akõreba kuitaabisiid̶eeba araa wãi b̶uu. Ara basiid̶e mʉʉba ãbarã chi mechiurã ómeburu araa imibiaped̶a, jarasii chi bed̶ea bia Cristo ʉ̃rʉbena mʉʉba judiowãerãmaa saka jaradea b̶uu. Maka wausii mʉʉba wau b̶uu ãchiba biꞌia unu panuu kuitaai baita.

Gálatas 2:6

Chi mechiurã abadau ãbarãba kʉ̃risia awara jarad̶aabasii mʉʉba jaradeamera. Maumaarã kuitaasid̶au Dachi Akõreba mʉ bʉisii chi bed̶ea bia Cristo ʉ̃rʉbena judiowãerãmaa jaradeamera Pedro judiorãmaa bʉid̶a kĩra. (Ãchi chi mechiurã panuu abadamina, mʉ baita arab̶aud̶e b̶uu, Dachi Akõreba dachi kĩra awara unukaud̶eeba).

Gálatas 5:6

Cristo Jesusba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Maumaarã chi ichid̶e ijãa b̶uud̶eeba ichi ome ãbua b̶uu maud̶e waabenarã kʉ̃ria b̶uu.

Gálatas 6:15

Dachi Akõreba mukĩra chi kakua tõo b̶uai maebʉrã mukĩra chi kakua tõowẽa b̶uai biꞌia unuwẽa b̶uu. Ichiba ẽbẽra wid̶i waud̶a biꞌia unu b̶uu.

Efesios 2:10

Dachi Akõreba dachi Jesucristod̶eeba chiwid̶i wausii ne bia wau panad̶amera. Mau ne biꞌia waud̶ai panuu, ichiba naed̶e b̶usii dachiba waud̶amera.

Colosenses 4:10

Ãba Aristarco mʉ baara jʉ̃a uru panuu. Mauba jarabʉi b̶uu machi biꞌia panad̶ai. Bernabé niu Marcosba jarabʉi b̶uu machi biꞌia panad̶ai. Ichi ʉ̃rʉbena mʉʉba naed̶e kartad̶e b̶ʉsii. Mau machimaa wãaruubʉrã, deed̶aa iu biꞌia iústuru.

Filemón 1:23

Ãba Epafras Jesucristo kakua mʉ ome jʉ̃a uru panuu. Mauba jarabʉi b̶uu bichi biꞌia b̶uai.

1 Juan 4:13

Dachi Akõreba ichi Jauri dachimaa deasiid̶eeba kuitaa panuu dachi Dachi Akõre ome panuu maud̶e ichi dachi ome b̶uu.

1 Juan 5:20

Kuitaa panuu Dachi Akõre Warr neesii maud̶e kʉ̃risia kuitaa dachimaa deasii Dachi Akõre biawãra unud̶amera. Ichi Warr Jesucristo ome panuud̶eeba dachi biawãra Dachi Akõre ome panuu. Mau biawãra Dachi Akõrebʉ. Mauba ẽbẽrarãmaa ichi ome ewaricha chokae nuread̶ai deabarii.

Apocalipsis 1:9

Mʉ machi ãba Juanbʉ. Dachi Jesucristo ome panuud̶eeba mʉ machi ome Dachi Akõre juad̶ebenarãbʉ, machi ome ãrea biꞌiwãe b̶uu, maud̶e machi ome joma dauchia jãadua b̶uu. Dachi Akõre bed̶ea jaradea b̶uu kakua maud̶e Jesús ʉ̃rʉbena biawãra a b̶uu kakua mʉ Patmos islad̶e b̶usid̶au.