Romanos 16:6 - Emberá Chamí

⁶ Neekau Mariamaa jarásturu mʉʉba kʉ̃ria b̶uu ichi biꞌia b̶uai. Ichiba machi ãrea aid̶a b̶uu.

Romanos 16:6 ပူးပေါင်းရင်းမြစ်များ

Mateo 27:55

Maud̶e wẽrarã ãreaba kaitawẽeba ichia duanasid̶au. Maarã wẽrarã Jesús Galilead̶ebena neesiid̶e ichi aid̶a nibabachid̶au.

Mateo 5:47

Maud̶e machiba ara machi ab̶aarakaurã́turu bia b̶uka aaduubʉrã, ¿ne aude bibuara waumaa panuma? Maud̶e Dachi Akõred̶e ijãad̶akau bid̶a ãchi ab̶aarakaurã maka waubadau.

Romanos 16:12

Neekau Trifenamaa maud̶e Trifosamaa jarásturu mʉʉba kʉ̃ria b̶uu maarã biꞌia panad̶ai. Ãchiba Dachi Mechiu baita biꞌia wau panuu. Maud̶e neekau Persidamaa ara mau jarásturu. Mauba Dachi Mechiu baita biꞌia wau b̶uu.

Romanos 16:5

Maud̶e ãbarã ãchi ded̶e araa ãbua imibadaurãmaa jarásturu mʉʉba kʉ̃ria b̶uu ãchi biꞌia duanad̶ai. Mʉ ãba ãrea kʉ̃ria b̶uu Epenetomaa ara mau kĩra jarásturu. Acaya druad̶e ichiba naa Jesucristod̶e ijãasii.

Romanos 16:7

Mʉ ãbarã judiorã Andronicomaa maud̶e Juniamaa ara mau kĩra jarásturu. Waabenarã biꞌia kuitaa panuu maarã Cristoba bʉid̶arã. Mʉʉba Cristod̶e ijãai naed̶e maarãba ijãasid̶au.

1 Tesalonicenses 5:12

Mau awara ãbarã, daiba chi chuburia id̶i panuu chi ãbarã machi tãed̶e Dachi Akõre traju waubadaurã ãrea wapead̶amera. Ãchi Dachi Mechiu Jesucristod̶eeba machi saka nibad̶ai jarabadau maud̶e jaradeabadau.

1 Timoteo 5:10

Ãchiba biꞌia wauped̶aad̶ad̶eeba trʉ̃ poa panad̶ai panuu. Ãchi warrarã biꞌia waribiabachid̶aubʉrã, ãchi ded̶e neeped̶aad̶a biꞌia irsibibachid̶aubʉrã, ãbarã jʉ̃rʉ jeraabachid̶aubʉrã, chi biꞌiwãe nuree aid̶abachid̶aubʉrã, maud̶e ne joma biꞌia waubachid̶aubʉrã, mau pẽdrãa trʉ̃ kartad̶e b̶ʉd̶ai panuu.