Romanos 16:25 - Emberá Chamí

^25-26 Mʉʉba chi bed̶ea bia Jesús ʉ̃rʉbena jaradea b̶uabarii. Ara mau bed̶ead̶eeba Dachi Akõreba machi poyaa aid̶ai chaarea nuread̶amera. Mau bed̶ea Dachi Akõreba naed̶e kuitaabiawẽa b̶uasii maamina id̶ibae kuitaabiasii. Ichi baita berreabadaurãba mau kartad̶e b̶ʉsid̶au. Dachi Akõre biukauba maka b̶ʉbiasii druachad̶ebenarãba ũrid̶aped̶a Jesucristod̶e ijãad̶amera. Dachi Akõremaa biꞌia berread̶ai panuu.

Romanos 16:25 ပူးပေါင်းရင်းမြစ်များ

Mateo 13:17

Mʉʉba biawãra jaraaruu: Dachi Akõre baita berreabadaurãba maud̶e ẽbẽrarã jipa nureerãba chi machiba unu panuu unu kʉ̃ria panasid̶au, maamina unud̶aabasii. Maud̶e machiba ũri panuu ãchiba ũri kʉ̃ria panasmina, ãchiba ũrid̶aabasii.

Mateo 13:35

Dachi Akõre baita berreabariiba jarad̶a kĩra biawãra makasii: «Mʉʉba nebʉrʉʉruuba berreai. Dachi Akõreba nau drua waud̶ad̶ebena id̶iid̶aa kuitaabiwẽa b̶uad̶a, mʉʉba mau jarai».

Mateo 20:7

Ãchiba panausid̶au: “Ab̶au bid̶a daimaa traju dead̶awẽed̶eeba, trajad̶awẽa panuu”. Maabae ichiba jarasii: “Machi sid̶a trajad̶e wã́sturu, mʉ drua uva uud̶ad̶aa. Mau bare mʉʉba chi nejarra arakʉd̶e deai”.

Hechos 20:32

»Jãabae ãbarã, mʉʉba machi Dachi Akõre juad̶e b̶uuruu. Ichi sõbiad̶eeba dachi kariba b̶uu ʉ̃rʉbena bed̶ea kĩrabásturu. Mau bed̶ead̶eeba machi poyaa aude biꞌia ijãad̶ai. Ichiba deai jarad̶a ichi sõbiad̶eeba machiba adaud̶ai maud̶e joma chi ichi baita biꞌia b̶ud̶arãba mau adaud̶ai.

Hechos 9:20

Maud̶e judiorã araa ãbua imibadau decha ichiba jaradea b̶eesii Jesús biawãra Dachi Akõre Warr nii.

Romanos 11:25

Ãbarã, mʉʉba kʉ̃ria b̶uu Dachi Akõreba ne naed̶e kuitaabiawẽa b̶uad̶a machiba kuitaad̶ai. Maka judiorã audeara biꞌia nuree kʉ̃risiad̶aabai. Dachi Akõreba naed̶e kuitaabiawẽa b̶uad̶a naubʉ: ãrea judiorã sõ chaarea paneesid̶au maud̶e maka paneed̶ai ab̶a joma chi Cristod̶e ijãad̶ai panuu judiowãerãba ijãaduud̶aa.

Romanos 14:4

¿Bichi kaima maka ab̶au baita bari trajabariimaa kachirua jarai baita? Ichi chibaríburu jarai biꞌia wau b̶uu maebʉrã kachirua wau b̶uu. Maamina Dachi Mechiuba jarai joma ichi baita bari trajabadaurãba biꞌia wau panuu, ichi poyaad̶eeba aid̶a b̶uud̶eeba biꞌia wau panad̶amera.

Romanos 16:24

Mʉʉba kʉ̃ria b̶uu Dachi Mechiu Jesucristoba ichi sõbiad̶eeba machi aid̶a b̶uai.

Romanos 2:16

Jomaurãba chi ãchi sõd̶e mera uru panuu Dachi Akõreba nebʉra ichiai ewarid̶e Jesucristod̶eeba mau ichiai. Mʉʉba chi bed̶ea bia jaradea b̶uu kĩra ara maka b̶uai.

1 Corintios 1:23

Maamina daiba Cristo cruzd̶e biud̶a jaradea panuu. Mau bed̶ea judiorãba biꞌia ũrid̶akau. Judiowãerãba mau biꞌiwãe b̶uu kʉ̃risiabadau.

1 Corintios 2:7

Daiba chi Dachi Akõre kʉ̃risia kuitaa naed̶e kuitaabiawẽa b̶uad̶a jaradea panuu. Nau iujãa waui naed̶e Dachi Akõreba mau kʉ̃risia kuitaad̶eeba ne waui b̶usii dachi ichi ome ãbua biꞌia nuread̶amera.

1 Corintios 4:1

Maka machiba kʉ̃risiad̶ai panuu dai Cristo baita bari trajabadaurã. Dachi Akõreba dai b̶usii chi ichi ʉ̃rʉbena naed̶e kuitaabiawẽa b̶uad̶a jaradead̶amera.

2 Corintios 4:3

Maamina chi bed̶ea bia Cristo ʉ̃rʉbena daiba jaradea panuu wabid̶a biꞌia ũrid̶awẽebʉrã, ab̶a chi ẽbẽrarã Dachi Akõreba karibaabai panuu baita maka b̶uu.

2 Corintios 4:5

Ara dai ʉ̃rʉbena jaradea panuuwãema, maumaarã jaradea panuu Jesucristo jomaurã Mechiu. Maud̶e daiba jara panuu Jesús kakua dai machi baita bari trajabadaurã.

Gálatas 2:2

Mʉ wãsii Dachi Akõreba kuitaabisiid̶eeba araa wãi b̶uu. Ara basiid̶e mʉʉba ãbarã chi mechiurã ómeburu araa imibiaped̶a, jarasii chi bed̶ea bia Cristo ʉ̃rʉbena mʉʉba judiowãerãmaa saka jaradea b̶uu. Maka wausii mʉʉba wau b̶uu ãchiba biꞌia unu panuu kuitaai baita.

Efesios 1:9

Ichiba wau kʉ̃ria b̶uu naed̶e kuitaabiawẽa b̶uasii. Maamina dachimaa kuitaabiasii ichi sõbiad̶eeba maka kʉ̃ria b̶uasiid̶eeba. Ichiba Cristod̶eeba nabẽraed̶eed̶e waui kʉ̃risia b̶uad̶a

Efesios 3:11

Maka wausii ichiba nabẽraed̶e Dachi Mechiu Jesucristod̶eeba waui kʉ̃risia b̶uasiid̶eeba.

Efesios 3:9

Chi ne joma waud̶a Dachi Akõreba mʉ b̶usii jomaurãmaa kuitaabiamera saka wausii ichiba arab̶aed̶eed̶e waui kʉ̃risia b̶uad̶a. Mau waui kʉ̃risia b̶uad̶a naed̶e kuitaabiawẽa b̶uasii.

Efesios 6:19

Maud̶e mʉ baita Dachi Akõremaa ʉtaa id̶i panásturu. Ichimaa ʉtaa id̶ísturu mʉʉmaa kuitaabimera saka Cristo ʉ̃rʉbena berreai b̶uu. Maka mʉʉba wapeawẽa ẽbẽrarãmaa kuitaabiai chi bed̶ea bia Cristo ʉ̃rʉbena, Dachi Akõreba naed̶e kuitaabiwẽa b̶uad̶a.

Colosenses 2:2

Mʉʉba kʉ̃ria b̶uu jomaurã dauchia jãadua kĩra ʉb̶ʉa panabiai, kʉ̃riad̶eeba ãbua biꞌia duanad̶ai maud̶e biawãra kʉ̃risia kuitaa nureed̶eeba biꞌia duanad̶ai. Maka Dachi Akõreba mau naed̶e kuitaabiawẽa b̶uad̶a kuitaad̶ai. Mau Cristobʉ.

Colosenses 4:3

Dai baita ʉtaa id̶ísturu Dachi Akõreba poraa ewaaruu kĩra, Cristo ʉ̃rʉbena naed̶e kuitaabiwẽa b̶uad̶a ida jaradeabimera. Mau jaradea b̶uu kakua mʉ jʉ̃a uru panuu.

1 Tesalonicenses 3:13

Maud̶e ʉtaa id̶i panuu Cristoba machi kariba b̶uai sõd̶eeba ãrea ijãad̶amera. Maka Dachi Mechiu Jesús joma ichid̶irã baara neeruud̶e machi Dachi Bajãad̶ebena Akõre daad̶e kachiruaswãe nuread̶ai.

2 Tesalonicenses 2:14

Daiba bed̶ea bia Cristo ʉ̃rʉbena jaradea panuud̶eeba Dachi Akõreba machi iusii Dachi Mechiu Jesucristo bia niid̶ebena adaud̶amera.

2 Tesalonicenses 3:3

Maamina Dachi Mechiuba waui ichiba jara b̶uu kĩra. Ichiba machi aid̶a b̶uai dauchia jãadua panad̶amera maud̶e kachiruad̶ebena kariba b̶uai.

2 Timoteo 1:9

Dachi Akõreba dachi karibasii maud̶e iusii ichi baita biꞌia nuread̶amera. Dachiba biꞌia wau panuud̶eeba makaabasii, maumaarã ichi sõbiad̶eeba waui kʉ̃risia b̶uasiid̶eeba maka wausii. Biawãra nau iujãa b̶uai naed̶e Dachi Akõreba ichi sõbiad̶eeba kʉ̃risiasii Jesucristod̶eeba dachi karibai.

2 Timoteo 2:8

Jesucristo kĩrabase. Ichi Davidd̶ebena need̶abʉ. Ichi biu b̶uad̶a Dachi Akõreba chokae jiradubisii. Mau bed̶ea bia ichi ʉ̃rʉbena mʉʉba jaradea b̶uu.

Tito 1:2

Chi maka ijãa panuuba Dachi Akõre ome ewaricha chokae panad̶ai baita esed̶au panuu, nau drua waui naed̶e Dachi Akõre setaa jarakauba maka waui asiid̶eeba.

Hebreos 7:25

Maud̶eeba chi ichid̶eeba Dachi Akõremaa needuu joma poyaa karibai ewaricha chokae nuread̶amera. Biukaud̶eeba ewaricha dachi baita Dachi Akõremaa chi chuburia id̶ibarii.

1 Pedro 1:20

Nau iujãa waui naed̶e Dachi Akõreba Cristo jʉrʉ adauped̶a nau kaad̶ebena ewarid̶e bʉisii machi biꞌia nuread̶amera.

1 Pedro 5:10

Machi ewari b̶aꞌãra biꞌiwãe panaped̶aad̶akare Dachi Akõreba ne jomad̶e biꞌia b̶ui. Ichiba machi aid̶ai biꞌia ijãad̶amera, joma jãaduad̶amera maud̶e chaarea nuread̶amera. Dachi Akõreba ichi sõbiad̶eeba ne jomad̶e aid̶abarii. Ichiba machi Jesucristod̶eeba iusii ichi ome ewaricha chi mechiu nuread̶amera.

Apocalipsis 10:7

Ichi baita berreabadaurã, ichi baita bari trajabadaurãbʉ. Naed̶e Dachi Akõreba ãchimaa jara b̶uad̶a ichiba kaad̶eare unubiwẽa b̶uad̶a joma makai. Kaad̶ebena ángel ab̶aba chi kachu chaaruud̶e biawãra joma makai».