Romanos 16:18 - Emberá Chamí

¹⁸ Maarãba Dachi Mechiu Jesucristoba kʉ̃ria b̶uu wau panuuwãe, maumaarã ãchiba kʉ̃ria panuu wau panuu. Ãchi mipitaa berrea panuud̶eeba, chi biꞌia kʉ̃risiad̶awẽa nuree setaa kũruabadau.

Romanos 16:18 ပူးပေါင်းရင်းမြစ်များ

Mateo 24:11

Dachi Akõre baita berreabadau chi biawãrawãe nuree need̶ai. Maarãba ẽbẽrarã ãrea setaa kũruad̶ai.

Mateo 24:24

Mau ewarid̶e setaa jarad̶ai ãchi Dachi Akõreba Dachi Karibabarii deai jarad̶a. Maud̶e waabenarãba setad̶eeba jarad̶ai ãchi Dachi Akõre baita berreabadaurã. Maarãba ẽbẽrarãba ne poyaa waud̶akau mechiu waud̶ai ẽbẽrarã setaa kũruad̶ai baita. Dachi Akõreba jʉrʉ adaud̶arã sid̶a poyaa setaa kũruaped̶aad̶a basirã, ãchi sid̶a setaa kũruad̶ai basii.

Mateo 6:24

»Ab̶au bid̶a poyaa ichi chibari ome uru b̶uabai. Ome uru b̶uubʉrã ab̶a aude kʉ̃riai. Ab̶a baara wãi, maud̶e chi ab̶au b̶ʉi. Arab̶aud̶e chi nejarra barau nibai kʉ̃ria b̶uu poyaa Dachi Akõre ome b̶uabai.

Mateo 7:15

»Kauwa panásturu. Waabenarãba setad̶eeba Dachi Akõre baita berreabadau abadau. Ãchiba biawãra kĩra jaradeabadau maamina maka panuu ẽbẽrarãba Dachi Akõre bed̶ea ida b̶ud̶amera.

Juan 12:26

Barikia mʉ baita bari trajabarii ba kʉ̃ria b̶uubʉrã, mʉ baara nibai b̶uu. Mʉ wãaruumaa, mʉ baita bari trajabarii sid̶a wãi. Barikiu mʉ baita bari trajabariibʉrã, mʉ Chachaba mau chi mechiu b̶ui.

Romanos 14:18

Chi maka Cristo baita ne waubadaurã Dachi Akõreba biꞌia unu b̶uu. Ẽbẽrarã bid̶a mau biꞌia unubadau.

Romanos 16:19

Jomaurãba kuitaa panuu machiba Dachi Akõre bed̶ea biawãra wau panuu. Maud̶eeba mʉ kĩrajʉʉ b̶uu. Biawãra mʉʉba kʉ̃ria b̶uu machiba biꞌia waud̶ai kuitaad̶ai maud̶e kachirua waud̶aabai.

2 Corintios 11:3

Maamina mʉʉba wapea b̶uu waabenarãba machi setaa kũruad̶ai damaba kʉ̃risia kuitaad̶eeba Eva setaa kũruad̶a kĩra. Makarã machiba Cristod̶e biawãra sõd̶eeba ijãa panuu ida b̶ud̶ai.

2 Corintios 2:17

Daiba chi nejarra adaud̶ai baita Dachi Akõre bed̶ea jaradea nibad̶aabai ãreaba waubadau kĩra. Maumaarã Cristo ome panuud̶eeba Dachi Akõreba dai bʉisii. Maud̶e ichi daad̶e kʉ̃risia sõbiad̶eeba jaradeabadau.

2 Corintios 4:2

Ne joma kachirua ẽbẽrarãba mirubia waubadau maud̶e mia kĩra nejasia waubadau daiba ida b̶usid̶au. Waabenarã setaa kũruad̶akau. Dachi Akõre bed̶ea ãyaa jaradead̶akau, maumaarã chi biawãra bed̶ea arakʉd̶e jaradeabadau. Maka Dachi Akõre daad̶e jomaurãmaa kuitaabiabadau daiba jipa wau panuu.

Gálatas 1:10

Maka jara b̶uud̶eeba mʉʉba jʉrʉwẽa b̶uu ẽbẽrarãba mʉ biꞌia unud̶amera, maumaarã kʉ̃ria b̶uu Dachi Akõréburu mʉ biꞌia unumera. Cristod̶e ijãai naed̶e mʉʉba jʉrʉ b̶uabachii ẽbẽrarãba mʉ biꞌia unud̶amera. Wabid̶a maka wau b̶uasirã, mʉ Cristo baita bari trajabarii b̶uabai basii.

Filipenses 2:21

Jomaurãba ara ãchi biꞌia nuread̶ai jʉrʉbadau, Jesucristoba kʉ̃ria b̶uu jʉrʉd̶ai bad̶amaarã.

Filipenses 3:19

Maud̶eeba biuduud̶e Dachi Akõreba ãchi joma ichiai. Dachi Akõre ida b̶ubadau, ãchi kakuaba kʉ̃ria b̶uu waud̶ai baita. Mia pera wau panuu ʉ̃rʉbena ãrea berreabadau. Ab̶a nau iujãad̶ebenáturu kʉ̃risiabadau.

Colosenses 2:4

Joma mau mʉʉba jara b̶uu ab̶auba machimaa setaa jararãamera, setaa mipitaa berrearuuba.

Colosenses 3:24

Machi Dachi Mechiu Cristo baita bari trajabadaurãbʉ. Machiba kuitaa panuu ichi baita biꞌia wau panuud̶eeba, ichiba machimaa chi adaud̶ai panuu deai.

2 Tesalonicenses 2:10

Ne barikiu kachirua wau b̶uud̶eeba ẽbẽrarã tʉbʉ aokod̶e ãrea biꞌiwãe panad̶ai panuu, mauba setaa kũrai. Ãchiba chi biawãra bed̶ea kʉ̃riad̶akaud̶eeba Dachi Akõreba karibaabai.

1 Timoteo 6:5

Mau ẽbẽrarã kʉ̃risia biawãe nuree maud̶e biawãra berrea adua nuree sid̶a barikia oa kachirua berreabadau. Ãchiba kʉ̃risiabadau Dachi Akõred̶e ijãa b̶uud̶eeba chi nejarra adaud̶ai.

Santiago 1:1

Mʉ Santiagobʉ, Dachi Akõre baita bari trajabarii maud̶e Dachi Mechiu Jesucristo baita bari trajabarii. Nau karta b̶ʉʉruu Israel 12 warrarãd̶ebena neeped̶aad̶arã druacha nuree baita. Mʉʉba kʉ̃ria b̶uu machi biꞌia panad̶ayu.

2 Pedro 2:3

Chi nejarra kʉ̃ria panuud̶eeba, machi chi nejarra adaud̶ai baita ara ãchi kʉ̃risiad̶eeba setaa jaradead̶ai. Ãrea basii Dachi Akõreba maarã nebʉra ichiai baita b̶uu, maud̶e kãꞌãabariwãed̶e biawãra maarã kastikai.

Judas 1:1

Mʉ Judasbʉ, Santiago ãba maud̶e Jesucristo baita bari trajabarii. Nau karta b̶ʉmaa b̶uu joma Dachi Akõre bajãad̶ebenaba iukuad̶a baita. Ichiba machi kʉ̃riakuabarii maud̶e Jesucristod̶eeba nu ua b̶uabarii.

Judas 1:12

Machi ãbua need̶aped̶a kʉ̃riad̶eeba kĩrajʉʉ komaa panuud̶e ãchi wapead̶awẽa machi baara kobadau. Maka machiba wau panuu maarãba kachiruabiabadau. Ara ãchid̶éburu kʉ̃risiabadau. Maarã jʉ̃rʉara pũatuba adoebarii kĩra nuree. Pũaturãba jʉ̃rʉara ãyaa adoeruud̶e kui chekau. Ara mau kĩra ãchiba jaradeaduuba aid̶akau. Bakuru b̶es ome biud̶a kĩra nuree, chi chaui ewarid̶e chi netaa deakaud̶eeba maud̶e chi karrad̶eed̶e ẽesiid̶eeba.

Judas 1:16

Maarãba ne barikia kakua ãi berreabadau, maud̶e waabenarã ʉ̃rʉbena ne barikia bed̶ea waubadau. Ara ãchiba kʉ̃ria panúturu jʉrʉbadau. Chi aude mechiurã kĩra berreabadau. Waabenarãmaa kũraabadau ãchiba kʉ̃ria panuu adaud̶ai baita.

Apocalipsis 1:1

Mʉ Jesucristo baita bari trajabarii Juanbʉ. Nau kartad̶e b̶ʉ b̶uu Jesucristoba bajãad̶ebena mʉʉmaa unubid̶a. Mau Dachi Akõreba Jesucristomaa unubisii ichid̶e ijãa nureerãmaa unubiamera kãꞌãabariwãed̶e kãare sãai b̶uu. Jesucristoba ángel mʉʉmaa bʉisii mau unubimera.