Romanos 16:1 - Emberá Chamí

¹ Mʉʉba machimaa dachi neekau Febe ʉ̃rʉbena biꞌia jaraaruu. Ichi Cencrea puurud̶e ijãabadaurã aid̶abariibʉ.

Romanos 16:1 ပူးပေါင်းရင်းမြစ်များ

Mateo 12:50

Mʉ Chacha bajãad̶e b̶uuba waud̶ai kʉ̃ria b̶uu, mau mʉ ãbabʉ, mʉ neekaubʉ maud̶e mʉ nawebʉ.

Marcos 10:30

ichiba b̶ʉid̶a audeara nau ewarid̶e 100 adaui: de, ãbarã, neekau, nawe, warrarã maud̶e ichi drua. Ẽbẽrarãba ichi kachirua waud̶ai baita wãraad̶ai maamina kaad̶ebena ewarid̶e Dachi Akõre ome ewaricha chokae b̶uai.

Lucas 8:3

Cuza wẽra Juana sid̶a b̶uasii. Cuzaba Herodes ded̶ebena joma nubachii. Susana sid̶a b̶uasii. Mau awara waabena wẽrarã ãrea panasid̶au. Maarãba Jesús ne kaebea deabachid̶au aid̶ad̶ai baita.

Hechos 18:18

Pablo Corintod̶e ewari ãrea b̶eesii. Maabae chi ãbarãmaa wãaruu aped̶a, Siria druad̶aa wãsii Priscila maud̶e Aquila baara. Jãbad̶e ataui naed̶e Cencrea puurud̶e Pabloba ichi boro metabisii. Mau wausii unubiyua chi Dachi Akõremaa waui a jarad̶a ichiba mau joma waud̶a.

2 Corintios 3:1

¿Mau jara panuud̶eeba waya ara dai ʉ̃rʉbena biꞌia berrea panuka? ¿Dai biꞌia nibaped̶aad̶a ʉ̃rʉbena karta machimaa ichiabiad̶ai panuka jaradead̶ai baita? ¿Daiba machimaa karta id̶id̶ai panuka jaradead̶e wãd̶ai baita waabenarãba waubadau kĩra?

1 Timoteo 5:2

Chõodraarãmaa berreáse bichi nawe ome berreabarii kĩra. Awẽrarãmaa berreáse bichi neekau ome berreabarii kĩra. Maarã baara joma kachiruad̶ebena awara b̶uase.

Filemón 1:2

Maud̶e b̶ʉʉruu joma ãbarã bichi ded̶e araa ãbua imibadaurã baita, dachi neekau Apia baita maud̶e dachi ãba Arquipo baita. Arquipo dai ome arab̶aud̶e Dachi Akõre traju wau b̶uabarii kokoroa kĩra.

Santiago 2:15

Nau kĩra b̶uu. Ãbaba maebʉrã neekauba paru jʉ̃i baita maud̶e koi baita wãꞌãe b̶uubʉrã,