Romanos 15:7 - Emberá Chamí

⁷ Cristoba machi biꞌia irsibid̶a kĩra, chiya biꞌia irsibísturu. Mau unuuduud̶e ẽbẽrarãba Dachi Akõremaa biꞌia berread̶ai.

Romanos 15:7 ပူးပေါင်းရင်းမြစ်များ

Mateo 10:40

»Chi machi biꞌia irsibiiduurã, mʉ irsibibadau. Maud̶e mʉ irsibiiduu chi mʉ bʉid̶a irsibibadau.

Marcos 9:37

—Ab̶auba mʉʉd̶e ijãa b̶uud̶eeba naarã warrarãd̶ebena ab̶a biꞌia irsibiiruubʉrã, mʉ sid̶a biꞌia irsibiiruu. Chi mʉ biꞌia irsibiiruuba ab̶aburu mʉ irsibiiruuwãe, maumaarã chi mʉ bʉid̶a sid̶a biꞌia irsibii.

Lucas 15:2

Maud̶eeba fariseorãba, Moisesba b̶ʉd̶a jaradeabadaurã bid̶a ichi naka kachirua jarasid̶au: «Ichiba kachirua waubadaurã biꞌia irsibiped̶a maarã ome kobarii».

Lucas 9:48

Maud̶e naka jarasii: —Ab̶auba mʉʉd̶e ijãa b̶uud̶eeba nau warr biꞌia irsibiiruubʉrã, mʉ sid̶a biꞌia irsibiiruu. Maud̶e mʉ biꞌia irsibiiruuba chi mʉ bʉid̶a biꞌia irsibiiruu. Machid̶ebena chi kaebeu nii Dachi Akõre daad̶e chi mechiu nii.

Juan 13:34

»Mʉʉba waubi b̶uu bed̶ea wid̶i machimaa jaraaruu: ãrea kʉ̃ria nureásturu. Mʉʉba machi ãrea kʉ̃ria b̶uu kĩra machi sid̶a arab̶aud̶e chiya kʉ̃riásturu.

Juan 6:37

Chi mʉ Chachaba mʉʉmaa dea b̶uu ẽbẽrarã mʉʉmaa need̶ai; maarã duabʉikaabai.

Romanos 15:9

Maud̶e Cristo neesii judiowãerãba Dachi Akõremaa biꞌia berread̶amera ãchi kĩra chuburiasiid̶eeba. Mau ʉ̃rʉbena Dachi Akõre bed̶ead̶e naka b̶ʉ kub̶uu: «Mʉʉba bichi judiowãerã tãed̶e biꞌia berreai. Mʉʉba bichimaa biꞌia karii».

Romanos 5:2

Mau awara Jesucristod̶e ijãa panuud̶eeba Dachi Akõreba ichi sõbiad̶eeba dachi ewaricha aid̶abarii. Maud̶e kĩrajʉʉ panuu kuitaa panuud̶eeba Dachi Akõre biad̶ebena adaud̶ai.

Efesios 1:12

Maka wausii dai judiorã chi naa Cristod̶e ijãaped̶aad̶arãba ichi biꞌia nii ʉ̃rʉbena biꞌia berread̶amera.

Efesios 1:18

Maud̶e ʉtaa id̶ibarii Dachi Akõreba machi kʉ̃risia ewamera. Maka machiba kuitaad̶ai kãare ichid̶ebena adaud̶ai baita esed̶au panuu, mau adaud̶amera iusiid̶eeba. Maud̶e machiba kuitaad̶ai ichi ẽbẽrarãba adaud̶ai ãrea biꞌia b̶uu.

Colosenses 3:13

Jomaurã ome jãaduai kuitaa panásturu. Ab̶auba kachirua wauruubʉrã mau kachirua waud̶a perdonásturu. Machiba kachirua wauped̶aad̶a Dachi Mechiuba kʉde b̶eei ida b̶ud̶a kĩra machia bid̶a kʉde b̶eei ida b̶ústuru.